startimes
Kigali
startimes

Perezida Kagame yashimiye Arsenal yegukanye FA Cup ayisaba kwiha intego zisumbuyeho

Imyidagaduro   Yanditswe na: Dusingizimana Remy 1 August 2020 Yasuwe: 1867

Nyakubahwa Perezida wa Repubulika,Paul Kagame yishimiye ko ikipe afana ya Arsenal yegukanye igikombe cya FA Cup ku nshuro ya 14 itsinze Chelsea FC ibitego 2-1,ayisaba gushyiramo imbaraga ikegukana ibikombe bikomeye kurushaho.


Sponsored Ad


Perezida Kagame utajya ahisha ko akunda umupira w’amaguru by’umwihariko ikipe ya Arsenal,abinyujije kuri Twitter ye yashimiye iyi kipe kuba yatwaye iki gikombe yari ikeneye cyane kugira ngo ibashe kubona itike ya Europa League ndetse ayigira n’inama yo kwiha intego ziruseho.

Yagize ati "Mwakoze Arsenal kubera igikombe cya FA Cup cyari gikenewe mwatwaye.Twebwe abafana bawe n’abagushyigikira duhora tukwizeye...Komeza utere imbere kandi reka twiyemeze ibintu bikomeye.TURASHOBOYE."

Perezida Kagame n’umwe mu banyacyubahiro bakunze kugaragaza ko bafana Arsenal ndetse ntiyigeze abura kugaragaza ko yifuza impinduka ziyisubiza mu bihe byiza yahozemo, birimo kuba ifite agahigo ko kuba ikipe yonyine mu Bwongereza yashoboye kurangiza Shampiyona ya Premier League idatsinzwe mu 2004.

Muri uyu mwaka w’imikino ushize,Arsenal yahuye n’ibibazo bikomeye byo guhinduranya abatoza kenshi byayiviriyemo kurangiza ku mwanya wa 08 muri shampiyona BIYIBUZA kwerekeza murI UEFA Champions League.

Mu mpinduka zabaye mu ikipe harimo kwirukana umutoza Unai Emery mu mpera z’umwaka ushize agasimburwa n’umwungiriza we Freddie nyuma hakaza Arteta utarabonye umwanya wo gutegura ikipe ariko akaba yegukanye FA Cup.

U Rwanda rufitanye amasezerano na Arsenal yo kurwamamaza mu bijyanye n’ubukerarugendo mu gihe cy’imyaka itatu guhera muri 2018. Hakaba hari icyizere ko bizafasha u Rwanda kwinjiza amadovize menshi biturutse mu kureshya ba mukerarugendo biruseho.

Mu ntangiriro z’uyu mwaka wa 2020, RDB yatangaje ko mu mwaka wa mbere u Rwanda rukorana na Arsenal, rwinjije miliyoni 33 z’amapawundi mu gihe rwari rwiteze kubona miliyoni 28, ndetse gukorana n’iyi kipe yo mu Bwongereza byongereye umubare wa ba mukerarugendo basura u Rwanda.



Perezida Kagame akunda Arsenal

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Bayern Munich yandagaje ku buryo bubabaje FC Barcelona iyisezerera muri...

Ikipe ya FC Barcelona ntabwo izibagirwa iyi tariki ya 14 Kanama 2020...
14 August 2020 Yasuwe: 1192 0

Ivan Minnaert avuga ko Munyakazi Sadate nta bushobozi bwo kuyobora Rayon...

Umutoza Ivan Minnaert wahoze atoza ikipe ya Rayon Sports yavuze ko...
14 August 2020 Yasuwe: 1955 0

Gasogi United yasinyishije Rutahizamu wa mbere i Burundi yise "Intare...

Ikipe ya Gasogi yatangaje ko yamaze kugura rutahizamu "Intare y’Akanwa...
14 August 2020 Yasuwe: 1214 0

Michael Sarpong wahakaniwe na Simba SC ashobora gusinyira ikipe imwe yo mu...

Michael Sarpong wari uri mu kizeye gihanitse cyo kuzakinira ikipe ya Simba...
14 August 2020 Yasuwe: 1558 0

Arsenal yamaze gusinyisha rutahizamu Willian wakiniraga Chelsea

Kuri uyu wa gatanu tariki ya 14 Kanama 2020,Arsenal yatangaje ko yamaze...
14 August 2020 Yasuwe: 1546 0

Umukinnyi wa Chelsea yanyoye inzoga nyinshi ananirwa kwigenza...

Umukinnyi wo hagati mu ikipe ya Chelsea witwa Ross Barkley yafotowe...
14 August 2020 Yasuwe: 3031 1