skol
Kigali
startimes

Pierre-Emerick Aubameyang yongereye amasezerano y’igihe kirekire mu ikipe ya Arsenal

Imyidagaduro   Yanditswe na: Dusingizimana Remy 15 September 2020 Yasuwe: 1330

Ikipe ya Arsenal yamaze gutangaza ko kapiteni wayo w’imyaka 31,Pierre-Emerick Aubameyang,yamaze gusinya amasezerano y’imyaka 3 nyuma y’igihe abakunzi b’iyi kipe bategereje.


Pierre-Emerick Aubameyang yavuze ko yongereye amasezerano mu ikipe ya Arsenal kugira ngo ayifashe gutwara ibikombe byinshi ndetse akomeze kwandika amateka.

Pierre-Emerick Aubameyang uri kubaka izina muri Arsenal kubera ibitego ari kuyitsindira ubutitsa,bivugwa ko yemerewe akayabo k’ibihumbi 250 by’amapawundi nk’umushahara we w’icyumweru gusa azajya yiyongeraho uduhimbazamusyi dutandukanye bitewe n’uko yitwaye ku buryo azajya ageza ku bihumbi 350.

Nyuma yo gusinya amasezerano mashya,Pierre-Emerick Aubameyang yagize ati "Gusinyira ikipe ikomeye nk’iyi ntako bisa.N’ugushimira abafana,abakinnyi dukinana,umuryango wanjye na buri wese muri iyi kipe utuma nishimira kuba hano.

Nizera Arsenal.Dushobora kugera ku bintu byinshi turi kumwe.Dufite ibintu bishimishije hano kandi nizeye ko ibyiza bigiye kuza.

Ndashaka kuba umunyabigwi wa Arsenal no gusiga amateka akomeye hano.Iki nicyo gihe cyo gukora cyane kandi nzatanga ibyo mfite byose nk’ibisanzwe."

Umwe mu banyabigwi ba Arsenal,Ian Wright yishimiye isinya ry’uyu rutahizamu aho yahise avuga ati "Wakoze cyane gusinya.Benshi baradusize mu myaka yashize ariko wowe usinye mu gihe twari tugukeneye cyane."

Umutoza Arteta we yagize ati "Ni iby’agaciro kuba Pierre-Emerick Aubameyang agumanye natwe.N’umukinnyi w’igitangaza ufite imyumvire yo ku rwego rwo hejuru.

N’umuyobozi w’ingenzi mu kibuga ndetse afite uruhare runini mu byo turi kubaka.Arashaka kuguma hejuru ku rwego rumwe n’abakinnyi ba mbere ku isi akanubaka ibigwi.Ibyo azabigeraho ari hano."

Uyu munya Gabon w’imyaka 31,yasinye amasezerano azamugeza muri 2023 ndetse azajya anahabwa uduhimbazamusyi twisumbuyeho uko agize icyo ageza kuri Arsenal.

Mu kwezi gushize,nibwo ibinyamakuru byo mu Bwongereza byemeje ko Pierre-Emerick Aubameyang yemeye gusinya amasezerano nyuma yo kwizezwa ko Arsenal igiye gusinyisha amazina akomeye yazahatana birenzeho muri uyu mwaka w’imikino.

Umukinnyi wa Mbere waguzwe na Arsenal ni Willian warangije amasezerano muri Chelsea,wasinye imyaka 3.

Arsenal kandi iyaguze myugariro wo hagati mu ikipe ya Lille witwa Gabriel Magalhaes. Yiteguye kandi kuzana abandi bakinnyi 2 bakomeye barimo umunya Ghana Thomas Partey na Houssem Aouar.

Kuva yagera muri Arsenal muri Mutarama 2019,Aubameyang amaze gutsinda ibitego 72 mu mikino 111 ndetse yatangiye umwaka w’imikino agaragaza ko atiteguye guhagarika gutsinda.

Uyu mugabo usanzwe ari kapiteni wa Arsenal,aherutse kuyihesha igikombe cya FA Cup atsinze Chelsea ibitego 2-1 wenyine ndetse ni nako muri 1/2 cy’iki gikombe yesuye Manchester City ayitsinda ibitego 2-0 byabonetse muri uwo mukino.

Pierre-Emerick Aubameyang yageze muri Arsenal muri Mutarama 2018 aguzwe mu ikipe ya Borussia Dortmund miliyoni 56 z’amapawundi.



Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Nta mukinnyi utakwifuza gukinira APR FC itwara ibikombe-Tuyienge...

Rutahizamu mushya w’ikipe ya APR FC Tuyisenge Jacques yatangaje ko aje muri...
18 September 2020 Yasuwe: 203 0

Minisiteri ya siporo yavuze aho ikibazo cya Rayon Sports kigeze n’igihe...

Minisitiri wa Siporo,Munyangaju Aurore Mimosa, yatangaje ko imyitozo...
18 September 2020 Yasuwe: 1789 0

Tuyisenge Jacques yerekanwe ku mugaragaro nk’umukinnyi mushya wa APR FC...

Ikipe ya APR FC yatangaje ku mugaragaro ko yamaze gusinyisha rutahizamu...
18 September 2020 Yasuwe: 936 0

Quique Setien wahoze atoza FC Barcelona agiye kuyijyana mu nkiko

Uwari umutoza wa FC Barcelona mu mwaka w’imikino ushize, Quique Setien...
18 September 2020 Yasuwe: 515 0

Messi na Cristiano Ronaldo bananiwe kwinjira mu rutonde rw’abakinnyi

Ba kizigenza Lionel Messi na Cristiano Ronaldo ku nshuro ya mbere mu myaka...
17 September 2020 Yasuwe: 2550 0

Ifoto ya Lionel Messi ari kwihanagurira inkweto yaciye ibintu

Kizigenza Lionel Messi uherutse gufata umwanzuro wo kuguma muri FC...
17 September 2020 Yasuwe: 3605 0