Kigali

Premier League na UEFA Champions League byasubitswe kubera Coronavirus

Imyidagaduro   Yanditswe na: Dusingizimana Remy 13 March 2020 Yasuwe: 1187

Abahagarariye shampiyona ya Premier League batangaje ko inama y’abagize iri rushanwa ry’umupira w’amaguru mu Bwongereza yemeje guhagarika iri rushanwa mu gihe cy’ibyumweru 3 kubera inama z’abaganga n’uko ibintu byifashe ubu.



Icyorezo cya coronavirus gikomeje gutuma hahagarikwa ibikorwa binyuranye bihuriramo abantu benshi ku isi, birinda ikwirakwira ryayo.

Premier League yatangaje ko ku bwumvikane n’ishyirahamwe ry’umupira w’amaguru mu Bwongereza (FA) hanahagaritswe andi marushanwa arimo English Football League Championship, FA Women’s Super League ndetse na FA Cup.

Itangazo ryabo rivuga ko icyifuzo ari uko imikino ya Premier League yasubukurwa tariki 04 z’ukwezi gutaha kwa kane.



Richard Masters uyobora Premier League yavuze ko "hejuru ya byose, twifuriza Mikel Arteta na Callum Hudson-Odoi gukira vuba, n’abandi bose bagezweho na Covid-19".

Callum Hudson-Odoi ni umukinnyi wa Chelsea FC nawe basanzemo iyi ndwara, kimwe na Arteta umutoza mukuru wa Arsenal.

Premier League ivuga ko izamenyesha amakuru mashya mu gihe nyacyo ku mikino y’iri rushanwa rifatwa nk’irya mbere rikunzwe cyane ku isi mu mupira w’amaguru.

Amarushanwa y’umupira w’amaguru mu Butaliyani na Espagne nayo yamaze guhagarikwa kubera iki cyorezo.



Uretse Premier League,imikino ya UEFA Champions League na Europa League yari iteganyijwe mu cyumweru gitaha yamaze guhagarikwa kubera COVID-19 ikomeje gufata abakinnyi,abatoza n’abafana.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Indege ya Lionel Messi yari igiye guhitana abantu Imana ikinga...

Indege ya kizigenza Lionel Messi kapiteni wa FC Barcelona yagiriye ikibazo...
3 April 2020 Yasuwe: 2541 0

Samuel Eto’o na Didier Drogba bibasiye impuguke mu buvuzi zasabye ko...

Abagabo babiri babaye ibyamamare mu mupira w’amaguru muri Afurika, Samuel...
3 April 2020 Yasuwe: 2775 1

Abakinnyi ba Manchester United biyemeje gukora igikorwa cyananiye bagenzi...

Abakinnyi b’ikipe ya Manchester United biyemeje kuba aba mbere muri Premier...
3 April 2020 Yasuwe: 2988 0

Shampiyona y’Ububiligi yahagaritswe burundu bituma Club Brugge ihabwa...

Abayobozi ba shampiyona ya Jupiler League y’Ubiligi batangaje ko iyi...
2 April 2020 Yasuwe: 1835 0

Paulo Dybala yatangaje ikintu cyamutunguye kurusha ibindi kuri Cristiano...

Rutahizamu wa Juventus,Paulo Dybala, uherutse gupimwa agasanganwa...
2 April 2020 Yasuwe: 5342 0

Perezida wa Mukura VS yatanze inkunga ya toni 20 y’ibiribwa mu gufasha...

Umuyobozi wa Volcano Express akaba n’umufatanyabikorwa wa Mukura Vs...
2 April 2020 Yasuwe: 2249 0