Ikipe ya PSG yemeye gusubiza Neymar Jr ikipe ya FC Barcelona yari imaze iminsi imwirukaho ishaka kongera kumugarura ku kibuga Camp Nou yubakiyeho amateka akomeye cyane.Aya makipe yamaze kumvikana nyuma y’ibiganiro birebire amazemo iminsi 2.

Sponsored Ad

Neymar w’imyaka 27 yavuye muri FC Barcelona mu mwaka wa 2017 yerekeza muri PSG yemeye kwishyura amasezerano ye akayabo ka miliyoni 200 z’amapawundi.

Uyu mukinnyi utarakina umukino numwe muri PSG muri uyu mwaka w’imikino,azerekwa abafana kuwa Mbere ubwo isoko ryo kugura no kugurisha abakinnyi rizaba rigiye gufungwa ku mugaragaro.

Amakuru yacicikanye mu binyamakuru mu gitondo yavugaga ko PSG yateye utwatsi ibyo yahawe na FC Barcelona birimo abakinnyi barimo Ivan Rakitic na Jean-Clair Todibo, no gutizwa umwaka umwe Ousmane Dembele ikanongeraho miliyoni 118 z’amapawundi gusa kera kabaye baje kumvikana.

Sky Sports Italia yatangaje ko nyuma y’imyaka 2 uyu musore yari amaze I paris yamaze kwemererwa gusubira I Camp Nou ku giciro kitaratangazwa.

Neymar Jr yamaze imyaka 4 muri FC Barcelona yavuyemo muri 2017 ayitsindiye ibitego 101 mu mikino 185.

Neymar Jr agiye kugaruka muri FC Barcelona