startimes
Kigali
startimes

Raheem Sterling yagaragaje ukuntu Abongereza bakumiriye abatoza b’Abirabura bakizamurira abazungu

Imyidagaduro   Yanditswe na: Dusingizimana Remy 9 June 2020 Yasuwe: 1754

Rutahizamu wa Manchester City,Raheem Sterling yavuze ko hakwiriye iringaniza hagati y’abatoza b’abirabura n’abazungu ndetse atanga urugero ko Frank Lampard na Stiven Gerrard bigiye ubutoza hamwe na Sol Campbell na Ashley Cole ariko aba birabura basabwa gutangirira umwuga hasi cyane naho abazungu bemererwa gukora mu makipe akomeye.


Sponsored Ad


Sterling yavuze ko hakwiriye ko abatoza b’abirabura nabo bahabwa amahirwe bakagaragara ku bwinshi muri Premier League nkuko abazungu bimeze muri iki gihe.

Uyu mugabo wavukiye muri Jamaica ariko agakurira mu Bwongereza yavuze ko mu mupira w’Ubwongereza harimo ivangura kubera ko abatoza b’Abirabura Sol Campbell na Ashley Cole basabwe guhera hasi cyane nyamara Frank Lampard na Gerrard bigiye hamwe ubutoza bo bemererwa guhera mu makipe akomeye arimo Derby na Rangers.

Uyu mugabo yabwiye BBC Newsnight ati “Dukwiriye gushyira hamwe tugashaka igisubizo kigaragaza impinduka kuko twavuga byinshi ku byo twifuza ko byahinduka ndetse abirabura bagashyirwa mu myanya bakwiriye kuba barimo.

Nk’urugero abatoza tubona ku bwinshi mu makipe atandukanye.Ndabaha urugero rwumvikana:Hari Steven Gerrard, Frank Lampard, tukagira Sol Campbell na Ashley Cole.

Bose babaye abakinnyi bakomeye banakinira Ubwongereza.Mu gihe kimwe bose bakoreye ibyangombwa by’ubutoza bibemerera gutoza amakipe akomeye ariko bariya 2 b’Abirabura ntibahawe amahirwe amwe n’ay’abazungu.”

Abakinnyi benshi b’Abirabura bakinnye mu Bwongereza ntibahabwa amahirwe n’amakipe bakiniye yo kuyabera abatoza.

Nubwo abakinnyi basaga 1/3 bakina muri Premier League ari abirabura,umutoza w’Umwirabura uri muri iyi shampiyona n’umwe gusa ariwe Nuno Espirito Santo wa Wolves.

Mu bayobozi bakomeye b’umupira mu Bwongereza nta mwirabura n’umwe urimo yaba no mu rwego ruciriritse.

Abajijwe igihe izi mpinduza zisabwa na benshi zazaba zubahirizwa,Sterling yagize ati “Ni igihe Abirabura bazashyirwa mu nzego zifata ibyemezo mu mupira.”

Mu Ukuboza 2019 uyu Raheem Sterling yibasiwe n’abafana ba Chelsea mu mukino wa shampiyona yakinaga na Manchester City.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abakinnyi 2 ba Atletico Madrid basanzwemo Coronavirus bibabuza kuzakina...

Abakinnyi 2 ba Atletico Madrid basanganwe Coronavirus kuri iki cyumweru...
10 August 2020 Yasuwe: 458 0

RBC yahishuye igihe umupira w’amaguru mu Rwanda uzemererwa gukinwa

Umuyobozi w’ikigo cy’igihugu cy’ubuzima,RBC,Dr.Sabin Nsanzimana,yatangaje ko...
10 August 2020 Yasuwe: 1550 0

FC Barcelona yihimuye kuri Arthur wanze kuyikinira iri mu bibazo

Ubuyobozi bwa FC Barcelona bwihimuye ku wari umukinnyi wayo Arthur Melo...
10 August 2020 Yasuwe: 1176 0

Umuvugizi w’ikipe ya Rayon Sports yahishuye impamvu nyamukuru yatumye...

Nkurunziza Jean Paul, umuvugizi wa Rayon Sports, yavuze ko impamvu...
10 August 2020 Yasuwe: 2137 0

Arsenal yigiriye inama ikomeye yo kwikiza Mesut Ozil uhembwa...

Ikipe ya Arsenal imaze igihe ihangana n’umushahara w’ibihumbi 350...
9 August 2020 Yasuwe: 2774 0

Willian yasezeye muri Chelsea afungura amarembo amwerekeza muri...

Willian, umukinnyi ukina ku ruhande ukomoka muri Brazil, yemeje ko avuye...
9 August 2020 Yasuwe: 1743 0