addresiya
Kigali
startimes

Rayon Sports ntiyishimiye icyemezo cya FERWAFA yayitegetse kwishyura Minnaert miliyoni 32 FRW

Imyidagaduro   Yanditswe na: Dusingizimana Remy 6 August 2019 Yasuwe: 2764

Ishyirahamwe ry’umupira w’amaguru mu Rwanda,FERWAFA,ryategetse ikipe ya Rayon Sports kwishyura uwahoze ari umutoza wayo Ivan Jacky Minnaert akayabo ka miliyoni zisaga 32 FRW [35 535 USD] kubera ko yamusezereye Minaert mu buryo budakurikije amategeko.



Akanama gashinzwe gukemura amakimbirane muri FERWAFA kabwiye Rayon Sports ko igomba kwishyura Minnaert ibirarane yari imufitiye ndetse n’indishyi z’imperekeza wongeyeho n’igihembo cy’umuhagarariye mu mategeko kingana na Miliyoni y’amafaranga y’u Rwanda.

Ivan Jacky Minaert n’umuhagarariye mu mategeko Me Olivier Mulindahabi, bareze Rayon Sports tariki ya 4 Ukwakira 2018 basaba kurenganurwa nyuma yaho uyu mubirigi ahawe ibaruwa isesa amasezerano yari afitanye na Rayon Sports, aho iyi kipe yamushinjaga ikosa rikomeye ryo gusagararira umwe mu bagize itsinda ry’abatoza(Staff Technique) Hategekimana Corneille.

Nyuma yo kwirukanwa, Minaert na Rayon Sports ngo bari bicaye bumvikana ko bagomba kumwishyura ibihumbi cumi na bitanu by’amadorali (15000$) ndetse bakanamugira diregiteri tekinike w’iyi kipe. Aha ariko, ngo Rayon Sports byarangiye imuhaye igice cy’aya mafaranga, ndetse n’uyu mwanya ntibawumuha byatumye ubwumvikane bwo koroshya ikibazo bari bagiranye buhita buta agaciro.

Nyuma yo kubona iki cyemezo ubuyobozi bwa Rayon Sports bukaba bwahise butangaza ko buzakijurira nkuko umuvugizi w’iyi kipe Jean Paul Nkurunziza yabitangarije ikinyamakuru Funclub dukesha iyi nkuru.

Yagize ati: "Ntabwo twabivugaho byinshi turi buze kwicarana n’abanyamategeko yacu gusa ikigaragara ni uko harimo akarengane kuko ntibyumvikana uburyo wakwishyura umunyamategeko miliyoni y’amadorali nkuko mubibonye mu myanzuro y’urubanza, ni ikigaragara ko harimo ibintu byo kurengana.Turi bwicarane n’umunyamategeko wacu ariko igihari ni uko turi buze kujururira iki cyemezo”.


Ibaruwa FERWAFA yandikiye Rayon Sports

Inkuru ya Funclub.rw

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Ndugu

    Rayon sports yabuze umunyamategeko uhamye kbs. uwariwe wese azajya aza ayiryeho yigendere. ibi ntibyumvikana nagato hari ikibyohish’inyuma sigusa.

    August 2019
  • chat_bubble Nzungu

    ariko hano muri FERWAFA hari abazabona kuri ayo Frws sigusa!! wabona harimo ibintu bya pasu n’abagize ako kanama kuko nabo ntahandi bakura kandi nabo bashaka kuryaho. rayon sport nijurire kuko ako nakarengane ihora igirirwa nkuko bimaze kumenyerwa.

    August 2019

Inzindi nkuru

FIFA yategetse Rayon Sports kwishyura Javier Martinez wahoze ayitoza...

Umutoza Javier Martinez Espinoza ukomoka muri Mexico biravugwa ko yareze...
30 May 2020 Yasuwe: 3027 0

RGB yemeje ko Munyakazi Sadate ariwe wemerewe guhagararira Rayon Sports mu...

Urwego rw’Imiyoborere mu Rwanda [RGB] rwatangaje ko umuyobozi wa Rayon...
30 May 2020 Yasuwe: 1838 2

Real Madrid yongeye gutorwa nk’ikipe ihenze kurusha izindi ku isi mu mupira...

Nkuko byatangajwe na raporo ya European Elite 2020,ikipe ya Real Madrid...
29 May 2020 Yasuwe: 1795 0

Rutanga yavuze impamvu nyamukuru yatumye ava muri Rayon Sports anayisengera...

Uwari kapiteni wa Rayon Sports,Rutanga Eric yahishuye ko impamvu yatumye...
29 May 2020 Yasuwe: 3237 4

RIB yatangiye iperereza ku bahoze bayobora Rayon Sports bashinjwa ruswa no...

Urwego rw’igihugu rw’Ubugenzacyaha,RIB,rwatangaje ko rwatumije bamwe mu...
29 May 2020 Yasuwe: 2435 1

Igihe ntakuka shampiyona y’Ubwongereza izasubukurirwa n’amakipe azabanza...

Kuwa Gatatu tariki ya 17 Kamena 2020 nibwo Premier League yari imaze igihe...
28 May 2020 Yasuwe: 2010 0