Kigali
startimes

Rayon Sports yahaye ikaze umutoza mushya Martinez itsinda Etoile de l’Est

Imyidagaduro   Yanditswe na: Dusingizimana Remy 22 September 2019 Yasuwe: 2927


Ikipe ya Rayon Sports yahaye karibu nziza umutoza wayo mushya Javier Martinez Espinoza kuri uyu wa Gatandatu,ubwo yatsindaga Etoile de l’Est ibitego 3-1 mu mukino wa gicuti wabereye kuri stade y’akarere ka Ngoma
.



Rayon Sports iri gukorera umwiherero w’iminsi 11 mu karere ka Ngoma,yakinnye umukino wa gicuti n’ikipe yo muri aka karere ya Etoile de l’Est iyitsinda ibitego 3-1 imbere y’abafana bari babukereye.

Rayon Sport yatsinze igitego cya mbere ku munota wa mbere w’umukino gitsinzwe na Mugisha Gilbert nyuma yo gucenga ba myugariro ba Etoile de l’Est akarekura ishoti riremereye.

Ku munota wa 10 Oumar Sidibe yatsinze igitego cya kabiri,bifasha Rayon Sports kurangira igice cya mbere iyoboye n’ibitego 2-0.

Mu gice cya kabiri ikipe ya Etoile de l’Est yanze gusebera ku ivuko niko kubona igitego ku munota wa 76 kuri penaliti yinjijwe neza na Niyonkuru Aboubakar.

Rayon Sports yashyizemo agashinguracumu ubwo Jules Ulimwengu wari umaze iminsi atanyeganyeza inshundura yashyiragamo igitego cya gatatu ku munota wa 82.

Mu kiganiro n’abanyamakuru, umutoza mushya wa Rayon Sports Martinez warebye uyu mukino yavuze ko intego ze muri Rayon Sports ari ugutwara amarushanwa yose azakina.

Yagize ati “Rayon Sports n’ikipe itwara ibikombe ahariho hose.Birumvikana nanjye niyo ntego mfite kuva nayigeramo. Ndabizi ni uguhatana kandi nishimiye kubana nabo.Nditeguye."

Namenye Rayon Sports ubwo natozaga muri Uganda.Nakundaga kureba imikino yayo.Nkuko nabivuze ikina umukino wihuse kandi usukuye kandi nanjye nibyo nkunda .”

Martinez azakina umukino wa mbere w’irushanwa na AS Kigali bazahatanira igikombe cya Super Cup izakinirwa tariki ya 1 Ukwakira kuri Stade Amahoro.

Abakinnyi babanjemo mu kibuga ku ruhande rwa Rayon Sports: Mazimpaka Andre, Habimana Hussein, Irambona Eric (capt),Iragire Saidi,Rugwiro Herve, Nizeyimana Mirafa, Kakule Mugheni Fabrice,Oumar Sidibe, Sekamana Maxime, Mugisha Gilbert, Ulimwengu Jules

Abanyinnyi babanjemo ku ruhande rwa Etoile de l’Est: Muhawenimana Emmanuel, Bugingo Jean Pierre, Ngabitsinze Evode, Niyonkuru Aboubakar. Iraguha, Kwizera Jean Luc, Kagabo Ismi, Batagatifu Yves, Runyange,Bizimana Djihad, Habimana Viateur na Gihozo

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Rayon Sports yategetswe kwishyura imishahara myugariro Runanira...

Akanama Nkemurampaka k’Ishyirahamwe ry’Umupira w’Amaguru mu Rwanda (FERWAFA)...
11 July 2020 Yasuwe: 2189 0

Varane yasubije umuyobozi wa FC Barcelona wibasiye Real Madrid

Myugariro w’ikipe ya Real Madrid Raphael Varane yabwiye umuyobozi wa FC...
11 July 2020 Yasuwe: 2379 0

March Generation Fan club yacitsemo ibice biyiviramo kuva ku rutonde rwa...

Itsinda ry’abafana ba Rayon Sports rya March Generation risanzwe ritanga...
11 July 2020 Yasuwe: 3352 0

Uwahoze ari umuganga wa Liverpool yavuze ukuntu Steven Gerrard yakomeretse...

Uwahoze ari umuganga wa Liverpool witwa Andrew Massey yavuze ko mu mikino...
11 July 2020 Yasuwe: 1635 0

Real Madrid ikomeje gusatira igikombe cya shampiyona idaheruka

Real Madrid ubu birayisaba gutsinda imikino ibiri ngo yegukane igikombe cya...
11 July 2020 Yasuwe: 2338 0

Bola Lobota Emmanuel azakinira ikipe ya Rayon Sports umwaka...

Umukinnyi Bola Lobota waherukaga gusinyira ikipe ya Gasogi United,biravugwa...
10 July 2020 Yasuwe: 4519 1