Kigali
startimes

Rayon Sports yahaye ubutumwa bukomeye Espoir mu gihe APR FC yeretse David Luiz ko ari ubukombe mu Rwanda

Imyidagaduro   Yanditswe na: Dusingizimana Remy 12 October 2019 Yasuwe: 7984

Mu mukino w’umunsi wa 3 wa shampiyona warebwe na myugariro David Luiz wa Arsenal,ikipe ya APR FC yahaye isomo rya ruhago Etincelles FC yari iyoboye shampiyona iyitsinda ibitego 3-0 mu gihe Rayon Sports yatsindiye Espoir FC I Huye ibitego 2-1.



APR FC yakiniye kuri stade ya Kigali imbere y’abakunzi bayo na David Luiz wari waje kwihera ijisho uyu mukino,yatsinze ibitego 3-0 Etincelles FC yari imaze imikino 2 ya mbere ya shampiyona iri ku mwanya wa mbere wa shampiyona.

APR FC yafunguye amazamu ku munota wa 37 ku gitego cyatsinzwe na Niyonzima Olivier Sefu n’umutwe ku mupira mwiza yahawe na Manishimwe Djabel.Igice cya mbere cyarangiye ari iki gitego cyinjiye mu mukino.

Mu gice cya kabiri APR FC yaje ifite gahunda yo gushimisha abafana no kwereka David Luiz ko ari ubukombe,isatira izamu rya Etincelles karahava.

Danny Usengimana usigaye yaragarutse mu bihe byiza yatangiye gusatira buri kanya izamu rya Etincelles bituma ku munota wa 66 atsindira igitego cya kabiri APR FC.

Ku munota wa 89 David Luiz yubahirije icyifuzo cya David Luiz wari wasabye aya makipe yombi gutsinda ibitego byinshi,yinjiza igitego cya 3 cyabaye icya kabiri cye muri uyu mukino.

Ku rundi ruhande,ikipe ya Rayon Sports yeretse Espoir FC ko ishaka kwisubiza igikombe cya shampiyona,ubwo yayitsindaga ibitego 2-1.

Espoir FC yabanje gukanga Rayon Sports ubwo yahabwaga penaliti ku munota wa 20 yaturutse kuri Rutanga Eric wakuruye mu rubuga rw’amahina Rucogoza Elias.Uwitwa Kyambadde Fred yayiteye neza Kimenyi Yves ntiyabasha kuyikuramo.

Rayon Sports ntiyatinze kwishyura iki gitego kuko ku munota wa 32 myugariro Iragire Saidi yatsinze igitego cy’umutwe ku mupira wari uturutse muri Koloneri.

Rayon Sports yagowe bikomeye no kubona igitego cya kabiri ariko byaje kurangira ibonye penaliti ku munota wa 85 nyuma y’aho ba myugariro ba Espoir FC bakoraga umupira n’ukuboko.Rutanga wari wakoze ikosa ry’igitego cya Espoir FC yiyunze n’abafana atera iyi penaliti neza bihesha Rayon Sports amanota 3 y’umunsi.

Mu wundi mukino wabaye kuri uyu wa Gatandatu,Heroes ifatwa nk’insina ngufi yitendetse kuri Marines FC banganya igitego 1-1,biyifasha kubona inota ryayo rya mbere.

Kugeza ubu,APR FC niyo iyoboye urutonde by’agateganyo n’amanota 7 inganya na Rayon Sports ariko yo izigamye ibitego 4 kuri 3 bya Gikundiro mu gihe Etincelles FC iri ku mwanya wa 3 n’amanota 6.Gasogi na Muhanga zikurikiyeho n’amanota 5.


David Luiz yarebye umukino wa APR FC na Etincelles

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble sabushimike

    Muri abanyamwuga mureke abari gukoporora inkuru zivugako Gikundiro ifite amanota 6

    October 2019

Inzindi nkuru

March Generation Fan club yacitsemo ibice biyiviramo kuva ku rutonde rwa...

Itsinda ry’abafana ba Rayon Sports rya March Generation risanzwe ritanga...
11 July 2020 Yasuwe: 1121 0

Uwahoze ari umuganga wa Liverpool yavuze ukuntu Steven Gerrard yakomeretse...

Uwahoze ari umuganga wa Liverpool witwa Andrew Massey yavuze ko mu mikino...
11 July 2020 Yasuwe: 859 0

Real Madrid ikomeje gusatira igikombe cya shampiyona idaheruka

Real Madrid ubu birayisaba gutsinda imikino ibiri ngo yegukane igikombe cya...
11 July 2020 Yasuwe: 1582 0

Bola Lobota Emmanuel azakinira ikipe ya Rayon Sports umwaka...

Umukinnyi Bola Lobota waherukaga gusinyira ikipe ya Gasogi United,biravugwa...
10 July 2020 Yasuwe: 4211 1

Cristiano Ronaldo ashobora guhura na Real Madrid muri 1/4 cya UEFA...

Uyu munsi habaye tombola ya 1/4 cya UEFA Champions League yarangiye amakipe...
10 July 2020 Yasuwe: 1664 0

Munyakazi Sadate yasubije KNC wareze Rayon Sports muri FERWAFA kubera...

Umuyobozi w’ikipe ya Rayon Sports,Munyakazi Sadate,yibukije Gasogi United ko...
10 July 2020 Yasuwe: 2860 0