skol
Kigali
startimes

Rayon Sports yamaze gusinyisha rutahizamu uri mu batsinze ibitego byinshi i Burundi

Imyidagaduro   Yanditswe na: Dusingizimana Remy 29 June 2020 Yasuwe: 1667

Ikipe ya Rayon Sports yatangaje ko yasinyishije rutahizamu Nihoreho Arsène amasezerano y’imyaka ibiri,uri ku mwanya wa gatatu mu batsinze ibitego byinshi i Burundi.


Kuri uyu wa Mbere tariki ya 29 Kamena 2020, ikipe ya Rayon Sports ibinyujije kuri Twitter yayo yatangaje ko yamaze gusinyisha rutahizamu ukomoka I Burundi witwa Nihoreho Arsène amasezerano y’imyaka ibiri, akazakinira Rayon Sports kuva mu mwaka w’imikino utaha wa 2020/2021.

Rayon Sports yagize Iti "Rayon Sports yasinyishije rutahizamu w’’umurundi Nihoreho Arsène imyaka ibiri.

Arsène yatsinze ibitego 17 muri Shampiyona y’u Burundi y’uyu mwaka, Primus Ligue 2019/2020."

Ibyangombwa bya Nihoreho byerekana ko yavutse muri 2001.Ari mu bakinnyi bahataniraga umwanya w’abatsinze ibitego byinshi mu Burundi kugeza ku ku mukino wa nyuma. We yatsinze ibitego 17, akurikira Iddy Museremu ukinira Le Messager Ngozi ufite 19 na Jospin Nshimirimana wa Aigle Noire watsinze ibitego 18.

Uyu rutahizamu yakiniraga ikipe ya Olympique Star ikinira ahitwa i Muyinga yasoje shampiyona y’uyu mwaka iri ku mwanya wa munani mu makipe 16.Yakiniye kandi Rukinzo nayo ubu imaze imyaka ibiri ikina shampiyona y’icyiciro cya mbere i Burundi.

Iyi kipe ikunzwe kurusha izindi mu Rwanda yatakaje abakinnyi benshi mu kwezi gushize barimo Rutanga Eric,Irambona Eric,Kimenyi Yves na Bizimana Yannick n’abandi,ikomeje kuziba iki cyuho isinyisha abanyamahanga.

Rayon Sports iri mu biganiro kandi n’abarimo Hakizimana Muhadjiri ukomeje kuyigora ndetse biravugwa ko iri hafi gusinyisha Kwizera Olivier.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Cristiano Ronaldo na Messi ntibabonetse mu bakinnyi 3 bagomba gutoranywamo...

Abakinnyi 3 barimo Robert Lewandowski, Manuel Neuer na De Bruyne nibo...
23 September 2020 Yasuwe: 1028 0

Thiago Alcantara yanze gukora umuhango umenyerewe muri Liverpool kubera...

Umukinnyi mushya wa Liverpool, Thiago Alcantara,yanze gukora umuhango wo...
23 September 2020 Yasuwe: 1745 0

KNC watangaje ko agiye guhanganira ibikombe na APR FC yavuze akayabo...

Umuyobozi w’ikipe ya Gasogi United,Kakoza Nkuriza Charles yatangaje ko uyu...
23 September 2020 Yasuwe: 1663 0

FC Barcelona yagurishije Luis Suarez mu ikipe iyigora cyane

Ikipe ya Barcelona yemeye kureka rutahizamu Luis Suarez akerekeza mu ikipe...
23 September 2020 Yasuwe: 1639 0

Mose yambukije abisirayeli inyanja itukura ariko ntiyageze mu gihugu...

Uwari umuyobozi w’ikipe ya Rayon Sports Munyakazi Sadate,wakuweho uyu munsi,...
22 September 2020 Yasuwe: 2802 0

Frank Lampard yahishuye ko umunyezamu usimbura Kepa yakoze ikizamini...

Umutoza wa Chelsea,Frank Lampard yahumurije abakunzi b’iyi kipe atangaza ko...
22 September 2020 Yasuwe: 1098 0