addresiya
Kigali
startimes

Rayon Sports yanyagiye Mukura VS mu mukino Ulimwengu yongeye kugaragaza ko ari rutahizamu ukomeye

Imyidagaduro   Yanditswe na: Dusingizimana Remy 22 February 2019 Yasuwe: 5384

Ikipe ya Rayon Sports itumye abakinnyi ba Mukura VS barya nabi imishahara y’amezi 4 bari baberewemo n’ubuyobozi bwabo baheruka guhembwa,kuko yabatsinze ibitego 3-0 mu mukino wayoroheye cyane.



Rayon Sports yihoreye kuri Mukura VS yayisanze I Kigali ikayitsinda ibitego 2-1,kuko yayisanze I Huye imbere y’abafana bayo,iyikubita ibitego 3-0.

Rayon Sports ntiyatinze kwinjira mu mukino kuko ku munota wa 14 w’umukino,yafunguye amazamu ku gitego cyatsinzwe na Niyonzima Olivier Seif ku mupira wari uturutse kuri koloneri yatewe na Rutanga Eric.

Rayon Sports yari yagaruye umukinnyi Donkor Prosper mu kibuga hagati afatanya na Mugheni na Sefu,baniga bikomeye abakinnyi bo hagati ba Mukura bari bayobowe na Gael Duhayindavyi wahawe igihembo cy’umukinnyi mwiza wa Mukura VS muri Mutarama mbere y’umukino.

Kubera ko hagati ha Mukura VS hatakoraga,Rayon Sports yoroherwaga bikomeye no kugeza imbere imipira,byatumye Micheal Sarpong na Jules Ulimwengu babona amahirwe menshi yo kubona ibitego.

Ku munota wa 28 w’umukino,Rutanga Eric yateye umupira imbere usanga Micheal Sarpong wari uhagaze hagati ya Iragire Saidi na Nshimirimana David,arawufunga neza,acenga uyu Saidi atera mu izamu,igitego cya kabiri cya Rayon Sports kiba kirabonetse.

Rayon Sports yari yariye karungu ndetse iri kurusha Mukura VS bikomeye,yarangije igice cya mbere iyoboye n’ibitego 3-0.

Mu gice cya kabiri nabwo Rayon Sports yari hejuru ya mukura VS muri byose cyane ko yakinaga isatira cyane mu gihe Mukura VS yo yakinaga isa n’ifite umunaniro.

Mukura VS yari irangaye cyane,yatsinzwe igitego cya 3 ku munota wa 66 w’umukino gitsinzwe na Jules Ulimwengu wari wayizonze cyane nyuma y’ishoti rikomeye Michael Sarpong yateye, umunyezamu Wironja wa Mukura awukuramo, Jules Ulimwengu ahita asongamo.

Ntawamenya impamvu yatumye abakinnyi ba Mukura VS basubira inyuma bikomeye,ariko bamwe bahwihwishije ko bishoboka ko umushahara w’amezi 4 bari baherutse guhabwa wabigizemo uruhare rukomeye.

Ni ubwa mbere Mukura VS yinjijwe ibitego 3-0 ntibone igitego na kimwe,byatumye benshi batangira gushidikanya ku rugendo rwayo rwa shampiyona cyane ko yarangije imikino y’igice kibanza cya shampiyona ihabwa amahirwe yo kuba yakwegukana igikombe.

Uyu ni umukino wa 2 Mukura VS itsinzwe nyuma yo gutsindwa na Polii ibitego 3-2,bitumye itakaza umwanya wa 2 wifatirwa na Rayon Sports banganya amanota 37,bagatandukanywa n’ibitego kuko Rayon Sports izigamye 17 mu gihe Mukura ifite 9.APR FC iyoboye shampiyona n’amanota 41.

Jules Ulimwengu uri mu bihe bye,ayoboye ba rutahizamu muri shampiyona n’ibitego 11,ararusha Juma wa Kiyovu ufite 10,mu gihe Sarpong ari uwa 3 n’ibitego 8.

Uko imikino yabaye uyu munsi yarangiye

Etincelles 3-2 Bugesera
Muhanga 5-2 Amagaju
Mukura 0-3 Rayon
Espoir 0-0 Police


Rayon Sports yaruhije bigaragara ikipe ya Mukura VS yagize umunsi mubi cyane

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Rutanga yavuze impamvu nyamukuru yatumye ava muri Rayon Sports anayisengera...

Uwari kapiteni wa Rayon Sports,Rutanga Eric yahishuye ko impamvu yatumye...
29 May 2020 Yasuwe: 2662 1

RIB yatangiye iperereza ku bahoze bayobora Rayon Sports bashinjwa ruswa no...

Urwego rw’igihugu rw’Ubugenzacyaha,RIB,rwatangaje ko rwatumije bamwe mu...
29 May 2020 Yasuwe: 2153 1

Igihe ntakuka shampiyona y’Ubwongereza izasubukurirwa n’amakipe azabanza...

Kuwa Gatatu tariki ya 17 Kamena 2020 nibwo Premier League yari imaze igihe...
28 May 2020 Yasuwe: 1957 0

Rutanga Eric yateye umugongo Rayon Sports yerekeza muri Police FC yamuhaye...

Ikipe ya Police FC yamaze gusinyisha uwari kapiteni w’ikipe ya Rayon Sports...
28 May 2020 Yasuwe: 2643 2

Fan Base ya Rayon Sports yatakarije icyizere Komite Nyobozi ya Munyakazi...

Ihuriro ry’amatsinda y’amatsinda y’abafana ba Rayon Sports “Fan base...
28 May 2020 Yasuwe: 1682 0

Abraham Kellly wari umunyamabanga wa Rayon Sports yeguye ku mirimo...

Uwari Umunyamabanga mukuru wa Rayon Sports, Abraham Kelly wari umaze amezi...
28 May 2020 Yasuwe: 1453 1