addresiya
Kigali
startimes

Rayon Sports yavuze igihe izatangariza umutoza mukuru wo gufatanya na Kirasa Alain

Imyidagaduro   Yanditswe na: Dusingizimana Remy 22 February 2020 Yasuwe: 3406

Ikipe ya Rayon Sports imaze igihe kinini idafite umutoza mukuru yamaze gutangaza ko yamaze kumubona ndetse mu ntangiriro z’icyumweru gitaha izamumurikira abafana bayo bamutegerezanyije amatsiko.



Mu minsi ishize nibwo FERWAFA yamenyesheje amakipe yo mu cyiciro cya mbere adafite abatoza bakuru bafite license A, B ya CAF, ko bakwiriye kubashaka ariyo mpamvu Rayon Sports yiyemeje kubikora mbere y’uko ukwezi bahawe kurangira.

Mu kiganiro umuvugizi wa Rayon Sports,Nkurunziza Jean Paul, yagiranye n’ikinyamakuru ISIMBI dukesha iyi nkuru,yavuze ko bamaze kubona umutoza mukuru ndetse azerekanwa mu ntangiriro z’icyumweru gitaha ku wa Mbere cyangwa ku wa Kabiri.

Yagize ati“Turabizi ko ikipe imaze igihe nta mutoza mukuru ifite, ni yo mpamvu tumaze igihe tumushaka akazungirizwa na Kirasa Alain, twari twabonye ubusabe bw’abatoza benshi.

Twafashe igihe cyo kwiga kuri dosiye zabo, nyuma tubona 3 bagomba kuvamo umwe, ubu na we twamaze kumuhitamo ndetse twemeranyijwe kuzatoza Rayon Sports kugeza mu mpera za shampiyona, ndumva tuzamwerekana mu ntangiriro z’icyumweru gitaha ku wa Mbere cyangwa ku wa Kabiri.”

Avuga kuri uyu mutoza,Nkurunziza Jean Paul yemeje ko nubwo batahita batangaza izina rye ariko ari umutoza uzi ikipe na shampiyona y’u Rwanda.

Yagize ati“N’umutoza uzi ikipe ya Rayon Sports, ni umutoza uzi shampiyona y’u Rwanda ufite amakuru kuri Rayon Sports, uzi uko ikina. Mu batoza 3 twari twatoranyije harimo abanyarwanda n’abanyamahanga, ni umwe muri abo rero.”

Muri iki cyumweru,hari amakuru yavuze ko Rayon Sports ishobora kugarura Robertinho cyangwa se igaha akazi Casa Mbungo Andre uri mu bushomeri nyuma yo kuva muri AFC Leopards yo muri Kenya.

Kimwe mu byo Rayon Sports yumvikanye n’umutoza n’ugutwara shampiyona ndetse n’igikombe cy’Amahoro ikiri guhatanira.Uyu mutoza azahabwa amasezerano yo kurangiza uyu mwaka w’imikino.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Umukunzi wa Cristiano Ronaldo yongeye guca ibintu kubera ifoto yashyize...

Umukunzi wa Cristiano Ronaldo witwa Georgina Rodriguez yongeye gutuma...
30 May 2020 Yasuwe: 5571 4

FIFA yategetse Rayon Sports kwishyura Javier Martinez wahoze ayitoza...

Umutoza Javier Martinez Espinoza ukomoka muri Mexico biravugwa ko yareze...
30 May 2020 Yasuwe: 3734 0

RGB yemeje ko Munyakazi Sadate ariwe wemerewe guhagararira Rayon Sports mu...

Urwego rw’Imiyoborere mu Rwanda [RGB] rwatangaje ko umuyobozi wa Rayon...
30 May 2020 Yasuwe: 2107 2

Real Madrid yongeye gutorwa nk’ikipe ihenze kurusha izindi ku isi mu mupira...

Nkuko byatangajwe na raporo ya European Elite 2020,ikipe ya Real Madrid...
29 May 2020 Yasuwe: 1876 0

Rutanga yavuze impamvu nyamukuru yatumye ava muri Rayon Sports anayisengera...

Uwari kapiteni wa Rayon Sports,Rutanga Eric yahishuye ko impamvu yatumye...
29 May 2020 Yasuwe: 3346 4

RIB yatangiye iperereza ku bahoze bayobora Rayon Sports bashinjwa ruswa no...

Urwego rw’igihugu rw’Ubugenzacyaha,RIB,rwatangaje ko rwatumije bamwe mu...
29 May 2020 Yasuwe: 2475 1