skol
fortebet

Rayon Sports yatangaje ko yabonye umuterankunga wo ku mugabane w’I Burayi ugiye kuyambika

Yanditswe: Thursday 16, Jul 2020

featured-image

Sponsored Ad

Ikipe ya Rayon Sports yatangaje ko yasinyanye amasezerano y’ubufatanye y’imyaka 3 n’uruganda rukora imyambaro ya Sports rwo ku mugabane w’iburayi itavuze izina bica amarenga ko yamaze gutandukana na SKOL yayambikaga.

Sponsored Ad

Ku mugoroba wo kuri uyu wa Kane tariki ya 16 Nyakanga 2020,nibwo Rayon Sports ibinyujije kuri Twitter yatangaje ko yagiranye amasezerano n’uru ruganda ndetse mu minsi iri imbere baramurika uwo mufatanyabikorwa.

Yagize iti “ Rayon Sports yasinyanye amasezerano y’ubufatanye y’imyaka 3 n’uruganda rukora imyambaro ya Sports rwo ku mugabane w’iburayi,vuba turabamurikira umwambaro tuzambara ndetse tubamurikire iduka ryacu rizajya ricuruza imyambaro ya Gikundiro.”

Umuyobozi wa Rayon Sports nawe yahise ashimangira ibyerekeye uyu mufatanyabikorwa ati “Amasezerano y’Imyaka 3 batwambika ndetse banaduha imyambaro tugurisha abakunzi bacu nyuma yaho byaba byaragenze neza tukaba twafatanya gufungura uruganda rukora ibintu bya Sports mu Rwagasabo, mu minsi yavuba turabamurikira uyu mufatanyabikorwa ndetse nu umwambaro tuzakoresha.”

Ubu bwumvikane bwa Rayon Sports n’uru ruganda rw’I Burayi buraca amarenga ko imikoranire y’iyi kipe n’uruganda rwa SKOL itagishobotse kuko arirwo rwayambikaga.

Hashize igihe kinini ikipe ya Rayon Sports itumvikana n’uruganda rwa Skol ku bijyanye no kongera amasezerano y’imikoranire basanzwe bafitanye.

Izi mpande zombi zari zifitanye amasezerano mashya yasinywe mu mwaka wa 2017, agomba kurangira muri 2022, ariko imyaka ibiri ya nyuma hakabaho ibiganiro bishya.

Amakuru avuga ko buri mwaka SKOL yashoraga miliyoni 25 FRW zo kuyambika cyane ko iyi myambaro yabaga yanditseho uru ruganda bakoranaga.

Kuwa 16 Gicurasi 2020,uruganda rwa SKOL rwatangaje ko rwagiranye ibiganirobitanga ikizere na Rayon Sports ndetse ko bashobora kumvikana ku masezerano mashya.

Amakuru yaturutse muri ibyo biganiro avuga ko SKOL yari yemeye kuzajya iha Rayon Sports miliyoni 150 ku mwaka ivuye kuri 66 FRW hamwe na miliyoni 25 zo kuzajya iyambika.

Ubu bwumvikane bwajemo rushorera kuko abari bagize akanama ngishwanama barimo Paul Muvunyi na Dr. Emile Rwagacondo bari muri ibi biganiro babihagaritse nyuma y’aho Munyakazi Sadate yemejwe na RGB ko ariwe uhagarariye ikipe mu mategeko aho kuba Bwana Ngarambe Charles.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa