skol
Kigali
startimes

Rayon Sports yatangaje urutonde rw’agateganyo rw’abakinnyi 24 izakoresha barimo Sugira na Bashunga [URUTONDE]

Imyidagaduro   Yanditswe na: Dusingizimana Remy 7 October 2020 Yasuwe: 2390

Ikipe ya Rayon Sports yamaze gutangaza abakinnyi 24 izakoresha mu mwaka w’imikino wa 2020/2021 barimo Bashunga Abouba waherukaga gusinyira Mukura VS na Sugira Ernest byavugwaga ko batarumvikana.


Nubwo Rayon Sports itaratangira imyitozo cyangwa ngo ipimishe abakinnyi bayo,yamaze gushyira hanze urutonde rw’abakinnyi 24 b’agateganyo izakoresha mu mwaka w’imikino utaha barimo Bashunga Abouba wayisinyiye mu gihe cy’imyaka 2 iri mbere gua ategereje ITC ye igomba kuva muri Buildcon FC yo muri Zambia yakiniraga umwaka ushize.

Mu Kwezi gushize nibwo Bashunga Abouba wari umaze umwaka umwe akina muri Buildcon FC yo muri Zambia, yasinye imyaka ibiri muri Mukura Victory Sports.

Gusinya kwa Bashunga kwemejwe n’ubuyobozi bwa Mukura VS gusa yayiteye umugongo agaruka muri Rayon Sports.

Bashunga Abouba yakuriye mu ishuri ry’umupira w’amaguru rya APR FC, akinira Marines FC na Gicumbi FC. Yahavuye yerekeza muri Rayon Sports yamazemo imyaka ibiri mbere yo kujya muri Kenya mu ikipe ya Bandari FC, ayikinira umwaka umwe.

Mu 2018, yagarutse muri Rayon Sports kugira ngo ayifashe mu mikino Nyafurika, bagera muri ¼ cya CAF Confederation Cup mu gihe yayivuyemo muri Kamena 2019, akerekeza muri Zambia.

Abandi bakinnyi batavugwaho rumwe ni umunyezamu Kwizera Olivier Gasogi United ivuga ko ari uwayo mu gihe Sugira Ernest nawe ari kuri uru rutonde nubwo byavugwaga ko ashobora kwerekeza muri Police FC.

Muri Nyakanga uyu mwaka,nibwo byavuzwe ko Sugira Ernest wari intizanyo ya APR FC muri Rayon Sports, yamaze gusinyira iyi kipe ikunzwe mu Rwanda amasezerano y’umwaka umwe wiyongeraho undi yari afitiye APR FC ziba imyaka 2.

Nubwo impande zombi zitabyemeje,amakuru yakomeje kwemeza ko Sugira Ernest adashaka kuguma muri iyi kipe kubera amafaranga yari imurimo.

Rayon Sports irateganya gukoresha abakinnyi 26 mu mwaka utaha w’imikino, aho muri 43 basizwe na Komite ya Munyakazi Sadate, hazasigaramo 21 gusa.

Mu kiganiro yagiranye na Televiziyo Rwanda ku wa Gatandatu w’icyumweru gishize, Murenzi Abdallah yavuze ko mu bakinnyi batanu bashya bagomba kugura, hamaze kuboneka umwe [Niyigena Clément wavuye muri Marines] mu gihe abandi bane basigaye bazava hanze.

Ati “Mu bakinnyi 43 harimo 10 bato, abo tuzabagumana kuko ni amizero ya Rayon Sports. Muri 33 basigaye, umutoza yatweretse ko azakeneramo 21, ubwo ni ukuvuga ko harimo 12 tugomba kureka bakajya gushaka ahandi bakina, nabo ntabwo bakwifuza kwicara.”

“Muri 21 basigaye, yaratubwiye ngo twongeremo abandi batanu ku buryo tugira ikipe ishobora guhangana. Umwe mwaramubonye, myugariro mwiza twakuye muri Marines FC, hari n’abandi bakinnyi batatu yatweretse. Akeneye umukinnyi umwe wo hagati cyangwa se babiri na ba rutahizamu babiri.”

Murenzi Abdallah yavuze ko Rayon Sports ikeneye miliyoni 110 Frw kugira ngo ibashe kugura abakinnyi, kwishyura ibirarane by’abakinnyi no gutangira umwiherero utegura umwaka utaha w’imikino.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Wayne Rooney yahishuye ukuntu yifuje kwerekeza muri FC Barcelona kubera...

Umunyabigwi w’ikipe ya Manchester United n’ikipe y’igihugu y’Ubwongereza,Wayne...
24 November 2020 Yasuwe: 1014 1

Ahmad Ahmad wayoboraga CAF yahagaritswe imyaka 5 kubera ibyaha bikomeye...

Impuzamashyirahamwe y’umupira w’amaguru ku isi FIFA yafatiye ibihano byo...
23 November 2020 Yasuwe: 1007 0

Anele Ngcongca wakiniye ikipe y’igihugu y’Afurika y’epfo yahitanwe...

Uwari myugariro wa Mamelodi Sundowns n’ikipe y’igihugu y’Afurika y’Epfo...
23 November 2020 Yasuwe: 943 0

Mugisha Moise yegukanye Grand Prix Chantal Biya 2020

Umunyarwanda Mugisha Moïse yegukanye isiganwa ryiswe Grand PrixChantal Biya...
22 November 2020 Yasuwe: 1956 0

Cristiano Ronaldo ari mu biganiro byimbitse n’ikipe yahozemo ngo...

Ibinyamakuru bitandukanye ku mugabane w’I Burayi bikomeje gutangaza ko...
22 November 2020 Yasuwe: 4874 0

Gorilla FC yatwaye igikombe cya shampiyona y’icyiciro cya kabiri...

Mu mukino wa nyuma wabaye kuri uyu wa Gatandatu tariki 21 Ugushyingo 2020...
22 November 2020 Yasuwe: 1225 0