Kigali
startimes

Rayon Sports yimuye italiki yagombaga gutangarizaho umutoza wayo mushya

Imyidagaduro   Yanditswe na: Dusingizimana Remy 20 September 2019 Yasuwe: 3196

Ubuyobozi bwa Rayon Sports bwamaze kwimura igihe bwagombaga gutangariza ku mugaragaro umutoza mushya usimbura Robertinho watandukanye nayo mu minsi ishize.



Ubuyobozi bwa Rayon Sports bwatangaje ko umutoza mushya azerekanwa ku mugaragaro kuri uyu wa gatandatu tariki ya 21 Nzeri 2019 saa 15h30’ Kuri stade y’akarere ka Ngoma.

Umuvugizi wa Rayon Sports yari yatangaje ko uyu mutoza azerekanwa kuri uyu wa Gatanu ariko nyuma byaje guhinduka byemezwa ko azerekanwa ku munsi w’ejo.

Uyu mutoza uzerekwa abakinnyi n’abafana ku munsi w’ejo,azatoza umukino wa gicuti uzahuza Rayon Sports na Etoile de l’Est,Kuri uyu wa Gatandatu tariki 21 Nzeri 2019.

Umuvugizi wa Rayon Sports,Nkurunziza Jean Paul,yatangarije mu kiganiro Rayon Time,ko uyu mutoza utazwi amazina yamaze kugera mu Rwanda ndetse avuka ku mugabane w’I Burayi.

Nkurunziza yagize ati “Ejo nibwo umutoza mukuru wavuye ku mugabane w’I Burayi azava I Kigali akerekeza I Ngoma kwerekwa abakinnyi.Twasanze Murera atari ikipe yo gutozwa n’abirabura.”

Uyu munsi ku saa tatu z’igitondo nibwo ikipe ya Rayon Sports yakoreye imyitozo kuri stade ya Ngoma. Iyi myitozo yamaze amasaha abiri n’igice,hanyuma saa cyenda n’igice z’umugoroba hakorwa indi.

Rayon Sports igomba kumara iminsi 11 ikorera umwiherero mu karere ka Ngoma, izasubira i Kigali mu mpera z’uku kwezi igiye gukina na AS Kigali tariki ya 1 Ukwakira ku mukino wa Super Cup.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Leonard

    J.Paul uri umuvugizi uvuge uziga kuko wajya murubanza ko Baptista ayitoza se si umwirabura ,muri abo bazungu se ninde warushije ibigwi Raoul shungu ? Huum niba warabivuze ikosore usibye na Rayon ni iburayi abirabura baratoza ,ikindi kubeshya abanyarwanda bigaragaza guhuzagurika ,muti uzatoza Rayon azareba imikino yose y,agacyiro none NGO ni I Ngoma umunsi wimuwe ubwo se ukuri uvuga ni ukuhe ? Ngo izina ni ibanga none NGO ni Loshito wigeze kuyitoza ESE mwangaga ko bamukoreraho critique mutaramutangaza usibye ko njye ntamwemera nibura iyaba Didier Gomez Daroza Apr,Police ,As Kigali naze zimwakire abafana tumuhambirize njye ndabona ibyishimo byacu mubitwaye .

    September 2019
  • chat_bubble UWIMANA Jean Paul

    Ibi rero ndabona bashaka kutubeshya nk’abana umuvugizi yari yavuze ko umutoza ahari kuva kuwa mbere ko ari ahantu abakunzi n’abakinnyi bazamwerekwa uyu munsi none bihindutse gute? mujye muvugisha ukuri ubwo ejo nabwo muzimura?

    September 2019
  • chat_bubble Bwanakweli Thaddee

    Twasanze Murera atari ikipe yo gutozwa n’abirabura: Ese nawe afite irondaruhu mu marasoye? Abirabura bose koko ntawe ushoboye gutoza Rayon Sport? Nyamara iyo bivugwa na mwene madamu induru iba yabaye ndende! Nadusabe imbabazi cg tumujyane imbere y’intahe.

    September 2019
  • chat_bubble Valens

    Ngo ntabwo ari ikipe yo gutozwa nabirabura ? Ahubwo se uwo muntu ubwo nta kibazo afite koko ? Ntabwo mututse ariko niba yaba yabivuze yaba ari injiji

    September 2019

Inzindi nkuru

Reba urutonde rw’abakinnyi 25 beza ba FC Barcelona b’ibihe byose bayobowe na...

Abafana n’abaterankunga b’ikipe ya FC Barcelona batoye umukinnyi mwiza...
14 July 2020 Yasuwe: 1409 0

Russell Westbrook wabaye MVP muri 2017 bamusanzemo Covid-19

Russell Westbrook, icyamamare muri Basketball akaba umukinnyi wa Houston...
13 July 2020 Yasuwe: 299 0

APR FC igiye kurekura abakinnyi barimo Sugira Ernest

Ubuyobozi bwa APR FC bwahaye uburenganzira Sugira Ernest na Nkomezi Alex...
13 July 2020 Yasuwe: 2918 0

Murumuna wa Serge Aurier yarasiwe inyuma y’akabyiniro arapfa

Umuvandimwe w’umukinnyi wa Tottenham Serge Aurier yishwe arashwe mu mu mujyi...
13 July 2020 Yasuwe: 2130 0

Manchester City yatsinze UEFA yemererwa kugaruka muri UEFA Champions...

Ikipe ya Manchester City yatsinze urubanza rwo kujuririra ibihano yari...
13 July 2020 Yasuwe: 725 0

Rayon Sports yategetswe kwishyura imishahara myugariro Runanira...

Akanama Nkemurampaka k’Ishyirahamwe ry’Umupira w’Amaguru mu Rwanda (FERWAFA)...
11 July 2020 Yasuwe: 2367 0