skol
Kigali
startimes

Rayon Sports yishyuye Oumar Sidibe wari mu nzara za Kiyovu Sports ihita imugira Visi Kapiteni

Imyidagaduro   Yanditswe na: Dusingizimana Remy 8 June 2020 Yasuwe: 2888

Ubuyobozi bwa Rayon Sports bwatangwaje ko bwamaze kwishyura Omar Sidibé amafaranga yose yari yarasigawemo ubwo yagurwaga mbere y’umwaka w’imikino ushize burangije bumugira kapiteni wungirije Rugwiro Herve.


Uyu munya-Mali w’imyaka 30 y’amavuko ukina inyuma y’abataha izamu yahawe amafaranga yose yari asigawemo na Rayon Sports nubwo atavuzwe umubare yemra gutera umugongo ikipe ya SC Kiyovu yamushakaga ngo ajye kuziba icyuho cya Twizerimana Martin Fabrice wagiye muri Police FC.

Kuwa 05 Kamena nibwo byamenyekanye ko Oumar Sidibe yasinyiye gukinira Rayon Sports mu gihe cy’imyaka ibiri nyuma y’ibiganiro yagiranye na Perezida wa Rayon Sports, Munyakazi Sadate, aho ngo yemerewe ibihumbi 7 by’amadolari gusa yahise ahabwa ibihumbi bibiri by’amadolari.

Mu minsi ishize nibwo itsinda ry’abafana ba Rayon Sports ryitwa Rocket ryahamagaje Sidibe rimuha amadolari 1500 kugira ngo yime amatwi Kiyovu Sports none birangiye Rayon Sports yemeje ko yamwishyuye amafaranga yose.

Amakuru avuga ko iyi kipe ikunzwe mu Rwanda yarangije ibiganiro na myugariro Rukundo Dennis wo muri Uganda,mu minsi iri imbere arasesekara mu Rwanda kuziba icyuho cya Rutanga na Irambona bagiye mu bakeba.

Oumar Sidibe n’umwe mu bakinnyi bagaragaje ubuhanga mu mwaka w’imikino ushize by’umwihariko mu gutanga imipira ivamo ibitego no kubitsinda.

Oumar Sidibé yatangiye gukina umupira w’amaguru ku rwego rwisumbuye mu ikipe ya AS Real Bamako y’iwabo muri Mali mu 2007, ayimaramo imyaka ine, aho yayivuyemo mu 2011, yerekeza muri Stade Malien.

Mu 2013, yerekeje muri Al Hilal Club Omdurman yasezereye Rayon Sports muri CAF Champions League mu mwaka ushize, ayikinira imyaka itatu.Mu mpera za 2015, yerekeje muri AS Vita Club yo muri Repubulika Iharanira Demokarasi ya Congo, na yo ayikinira imyaka ibiri.

Umwaka wa 2018 yawukinnye muri Hatayspor yo mu Cyiciro cya Kabiri muri Turikiya, mbere y’uko agaruka muri AC Djoliba y’iwabo muri Mali muri Mutarama 2019, aho yavuye aza muri Rayon Sports.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Kaka

    ibyo byose Sadate akora nta na kimwe bitubwiye Kuko uburyo atwiciye ikipe icyo twamusaba ni kimwe ni ukuturekera ikipe Kuko Rayon si akarima ke

    3 months ago
  • chat_bubble Kagina

    Ntacyo Sadate yakora cyamara abafana ba Gikundiro agahinda. Amagambo yo arayafite ariko mu by’ukuri adusenyeye ikipe. Sinzi niba Sadate azi umubare w’abantu ahemukiye. Baguhembe ubakoreye affaire. Icyakora niba ufite umutima nama, ujye uhora ugukomanga. Udufatanije na COVID kabisa

    3 months ago

Inzindi nkuru

Thiago Alcantara yanze gukora umuhango umenyerewe muri Liverpool kubera...

Umukinnyi mushya wa Liverpool, Thiago Alcantara,yanze gukora umuhango wo...
23 September 2020 Yasuwe: 31 0

KNC watangaje ko agiye guhanganira ibikombe na APR FC yavuze akayabo...

Umuyobozi w’ikipe ya Gasogi United,Kakoza Nkuriza Charles yatangaje ko uyu...
23 September 2020 Yasuwe: 513 0

FC Barcelona yagurishije Luis Suarez mu ikipe iyigora cyane

Ikipe ya Barcelona yemeye kureka rutahizamu Luis Suarez akerekeza mu ikipe...
23 September 2020 Yasuwe: 1368 0

Mose yambukije abisirayeli inyanja itukura ariko ntiyageze mu gihugu...

Uwari umuyobozi w’ikipe ya Rayon Sports Munyakazi Sadate,wakuweho uyu munsi,...
22 September 2020 Yasuwe: 2685 0

Frank Lampard yahishuye ko umunyezamu usimbura Kepa yakoze ikizamini...

Umutoza wa Chelsea,Frank Lampard yahumurije abakunzi b’iyi kipe atangaza ko...
22 September 2020 Yasuwe: 1069 0

Imyanzuro yafashwe na RGB nyuma y’isesengura ku bibazo bya Rayon...

Kuri uyu wa Kabiri tariki ya 22 Nzeri 2020,nibwo Minisiteri ya Siporo...
22 September 2020 Yasuwe: 2139 0