skol
Kigali
startimes

RBC yahishuye igihe umupira w’amaguru mu Rwanda uzemererwa gukinwa

Imyidagaduro   Yanditswe na: Dusingizimana Remy 10 August 2020 Yasuwe: 7168

Umuyobozi w’ikigo cy’igihugu cy’ubuzima,RBC,Dr.Sabin Nsanzimana,yatangaje ko shampiyona y’u Rwanda izasubukurwa igihe cyose bizaba bigaragara ko nta mukinnyi n’umutoza ufite ubwandu bwa Coronavirus ku buryo yabukwirakwiza.


Ubwo yari yatumiwe mu kiganiro cyitwa Café Sports cyabaye kuri iki Cyumweru kuri Televiziyo y’Igihugu, Dr Nsanzimana Sabin uyobora RBC, yavuze ko bigoye kwemeza igihe imikino izasubukurirwa gusa ashimangira ko ari igihe bizaba bigaragara ko nta mukinnyi ushobora kugira ubwandu bwa Coronavirus ku buryo yabukwirakwiza.

Ati “Imikino izasubukurwa twizeye ko nta mukinnyi winjiranye uburwayi, nta mutoza ndetse n’umusifuzi.”

Mu minsi ishize nibwo Minisiteri ya Siporo mu Rwanda yavuze ko imikino ishobora gutangira mu kwezi kwa Cyenda ariko imyitozo igatangira mu kwezi kwa munani igihe cyose icyorezo cya Covid-19 cyaba kigabanyije imbaraga.

FERWAFA iherutse gutangaza ko shampiyona y’ icyiciro cya mbere mu Rwanda izatangira kuwa 30/10/2020 irangire kuri 29/05/2021, mu gihe igikombe cy’amahoro kizatangira kuva 05/02/2020 gisozwe kuwa 05/06/2021.

Imikino itandukanye mu Rwanda yasubitswe kuwa 15 Werurwe 2020 nyuma y’aho umurwayi wa mbere wa Coronavirus yari amaze kugaragara mu Rwanda.

Kugeza ubu Imikino yasubukuwe irimo uwo kunyoga igare, gutwara imodoka, Tennis, Golf, kugenda n’amaguru (Hiking), imikino ngororamubiri, Cricket, Boxing (Iteramakofe), Imikino Nyarugamba (Karate, Kung Fu, Taekwondo, Judo), Skating, Kumasha, Badminton, Aerobic, na Gymnastics.

Imyitozo yo mu mazu,Gym,ntiremererwa gufungura mu Rwanda kubera ko icyorezo cya Covid-19 kigifite imbaraga ariko hari icyizere ko zimwe mu zindi siporo na za Gym bishobora gufungurwa muri Nzeri 2020.

Kugeza ubu ikiguzi cy’igipimo kimwe cya Coronavirus ni 50$ (agera ku bihumbi 47200 Frw) mu gihe RBC igeze ku kigero cyo gufata ibipimo 5000 ku munsi, bateganya kongera.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Hahishuwe impamvu idasanzwe yatumye Pierre-Emerick Aubameyang asimbuzwa...

Kapiteni wa Arsenal, Pierre-Emerick Aubameyang,witwaye neza mu mukino iyi...
20 January 2021 Yasuwe: 2754 0

Reba ibyo Munyakazi Sadate yatangaje nyuma yuko Amadorali yari yategeye...

Mu minsi ishize nibwo Muyakazi Sadate yatangaje ko Amavubi naramuka atsinze...
19 January 2021 Yasuwe: 7703 0

Abatuye mu mujyi wa Kigali bemerewe gukora Siporo ariko batarenze umudugudu...

Mu ijoro ryakeye nibwo hatangajwe ibyemezo by’Inama y’abaminisitiri yateranye...
19 January 2021 Yasuwe: 3174 0

Lionel Messi ari mu mazi abira kubera ukuboko yakubise umukinnyi wa...

Kapiteni wa FC Barcelona akaba n’umunyabigwi wayo Lionel Messi ari mu mazi...
19 January 2021 Yasuwe: 5149 0

Uburanga bw’ikizungerezi cyatumye rutahizamu wa Real Madrid yanga kuguma mu...

Rutahizamu wa Real Madrid,Luka Jovic,yakoze amahano mu mwaka ushize ubwo...
19 January 2021 Yasuwe: 5429 0

Real Madrid yasinyishije umukinnyi wa mbere uzayikinira mu mwaka w’imikino...

Ikipe ya Real Madrid yatangiye gutegura umwaka w’imikino utaha nyuma yo...
19 January 2021 Yasuwe: 4371 0