startimes
Kigali
startimes

Real Madrid ikomeje gusatira igikombe cya shampiyona idaheruka

Imyidagaduro   Yanditswe na: Dusingizimana Remy 11 July 2020 Yasuwe: 2523

Real Madrid ubu birayisaba gutsinda imikino ibiri ngo yegukane igikombe cya shampiyona ya La Liga, nyuma yaho ku munsi w’ejo ku wa gatanu itsindiye ikipe ya Alaves idahagaze neza kuri ubu.


Sponsored Ad


Penaliti ya Karim Benzema ni yo yavuyemo igitego cya mbere cya Real, ivuye ku ikosa Ximo Navarro yari akoreye Ferland Mendy.

Nyuma Benzema yahaye Marco Asensio umupira wavuyemo icya kabiri, cyabonetse habanje kugenzurwa amashusho ya ’camera’ yunganira umusifuzi (izwi nka VAR) yahinyuje icyari cyabonywe nko kurarira.

Barcelona ya kabiri ku rutonde rw’agateganyo rwa shampiyona, ubu irarushwa amanota ane na Real iri ku mwanya wa mbere n’amanota 80.

Kandi mu gihe iyi Barcelona yaba itsinzwe na Real Vallodolid kuri uyu wa gatandatu, Real yakwegukana igikombe iramutse itsinze Granada ku wa mbere.

Ibyo bitabaye, intsinzi ebyiri - cyangwa intsinzi imwe no kunganya kabiri - mu mikino itatu Real isigaje zaba zihagije ngo iyi kipe y’umutoza Zinedine Zidane yegukane La Liga y’uyu mwaka.

Real Madrid isigaje gukina na Granada kuwa Mbere,Villareal kuwa Gatatu no ku cyumweru gitaha isoreze kuri Leganes.FC Barcelona ya kabiri isigaje guhura na Valladolid,Osasuna na Alaves .

Ikipe ya Alaves ubu iri hejuru - ho amanota atatu - y’icyiciro cy’amakipe ashobora kumanuka mu kindi cyiciro.

Muri uwo mukino, yatojwe bwa mbere n’umutoza wayo mushya Juan Lopez Muniz, nyuma y’imikino itanu yikurikiranya yatsinzwe ubwo yatozwaga na Asier Garitano, bikamuviramo kwirukanwa.

Iyi kipe nayo yagiye ihusha uburyo bw’ibitego, nkaho mu minota ya mbere y’umukino rutahizamu wayo Joselu wahoze akinira Stoke na Newcastle yateraga umupira n’umutwe ukagarurwa n’umutambiko w’izamu.

Mu gihe Real yaba yegukanye igikombe cya shampiyona y’uyu mwaka, cyaba kibaye icya kabiri gusa yegukanye mu myaka umunani ishize ndetse kikaba icya 34 mu mateka yayo.

Icyo iheruka kwegukana cya shampiyona ni icyo mu mwaka wa 2016-2017, ubwo Zidane yaherukaga kuyitoza (mbere yuko ayivamo akongera akayisubiramo).

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Cameroun yitwaye neza mu gikombe cy’isi cya 1990 igiye guhabwa amazu imaze...

Ikipe y’igihugu ya Cameroun yamamaye cyane mu gikombe cy’isi mu 1990 mu...
7 August 2020 Yasuwe: 1496 0

Rutahizamu wa Wolves yasekeje benshi kubera agashya yakoze mbere y’umukino...

Rutahizamu wa Wolves witwa Adama Traore yatunguye benshi ubwo mbere...
7 August 2020 Yasuwe: 2176 0

Zinedine Zidane yavuze impamvu idasanzwe yatumye akura Gareth Bale mu...

Umutoza wa Real Madrid,Zinedine Zidane yatangaje ko yakuye rutahizamu wa...
7 August 2020 Yasuwe: 2464 0

Muhadjiri yahishuye impamvu yateye umugongo Rayon Sports bari bumvikanye...

Rutahizamu Hakizimana Muhadjiri wamaze gusinyira AS Kigali yatangaje ko...
6 August 2020 Yasuwe: 3620 0

Muhadjiri yateye umugongo Rayon Sports asinyira AS Kigali

Rutahizamu HAKIZIMANA Muhadjiri wari utegerejwe cyane n’abakunzi ba Rayon...
6 August 2020 Yasuwe: 1124 0

Aubameyang yemeye kongera amasezerano nyuma yo kumva ko Arsenal igiye...

Rutahizamu akaba na kapiteni wa Arsenal,Pierre-Emerick Aubameyang yemeye...
6 August 2020 Yasuwe: 3931 0