Kigali

Real Madrid yabonye 3 ya mbere muri UEFA Champions League mu gihe Cristiano Ronaldo na Juventus bayabonye bigoranye

Imyidagaduro   Yanditswe na: Dusingizimana Remy 23 October 2019 Yasuwe: 2330

Mu mikino y’amakipe yabaye aya mbere iwayo I Burayi izwi nka UEFA Champions,ikipe ya Real Madrid yabonye amanota 3 ya mbere ku mukino w’umunsi wa 3,Juventus itsinda Lokomotov Moscow bigoranye.PSG na Manchester City zanyagiye amakipe bahuye.



Real Madrid yatangiye UEFA Champions League mu buryo bugayitse,yabashije kubona amanota 3 ya mbere ku munsi wa 3 w’imikino yo mu matsinda,ubwo yatsindiraga Garatasaray iwayo igitego 1-0 cyatsinzwe na Toni Kroos ku munota wa 18 w’umukino.

Real Madrid yahise igira amanota 4 mu mikino 3 mu gihe PSG bahuriye mu itsinda A yanyagiriye mu Bubiligi ikipe ya Club Brugge ibitego 5-0 birimo bibiri bya Mauro Icardi na Kylian Mbappe watsinze 3 wenyine.PSG ifite amanota 9 ku 9 inayoboye itsinda.

Mu itsinda B ikipe ya Bayern Munich yatsindiye Olympiacos ku kibuga cyayo ibitego 3-2 birimo bibiri bya Robert Lewandowski mu gihe Tottenham yisubije icyubahiro inyagira ikipe ya Crvena Zvezda ibitego 5-0.Tottenham yatsindiwe na Harry Kane na Heung Min Son bombi batsinze 2 mu gihe ikindi cyatsinzwe na Erik Lamela.

Mu itsinda c ikipe ya Shakhtar Donetsk yasubiye inyuma yanganyije na Dinamo Zagreb ibitego 2-2 mu gihe Manchester City yatsinze Atlanta ibitego 5-1. Ibitego bya City byatsinzwe na Raheem Sterling watsinze ibitego 3 wenyine hanyuma Sergio Kun Aguero atsinda 2.Phil Foden yahawe ikarita y’umutuku mu minota ya nyuma.

Ikipe ya Juventus yari igiye gutakaza icubahiro imbere y’abakunzi bayo kuko yigaranzuye Locomotiv Moscow bigoranye iyitsinda ibitego 2-1 mu minota ya nyuma.

Lokomotiv Moscow yafunguye amazamu ku munota wa 30 ku gitego cyatsinzwe na Aleksey Miranchuk bituma Juventus ijya ku gitutu gikomeye cyane.

Mu gice cya kabiri Juventus yakoze ibishoboka byose ariko mu minota 2 gusa Paulo Dybala yayitsindiye ibitego 2 guhera ku munota wa 78,bituma umukino urangira ari 2-1.

Atletico Madrid ihanganye na Juventus muri iri tsinda D,yatsinze bigoranye Bayer Leverkusen igitego 1-0 cyatsinzwe na Alvaro Morata ku munota wa 78.Juventus na Atletico baranganya amanota 7 kuri 7.

Imikino ya UEFA Champions League irakomeza kuri uyu wa gatatu aho amakipe yo kuva mu itsinda E kugeza mu itsinda H.




Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Sadio Mane yavuze uburyo Football arirwo rurimi ruvugwa na buri wese ku isi...

Umukinnyi w’umunya Senegal ukinira ikipe ya Liverpool avuga ko yabaye...
17 November 2019 Yasuwe: 731 0

Lionel Messi yatutse umutoza Tite bibabaza cyane abakinnyi ba...

Rutahizamu wa Argentina na FC Barcelona,Lionel Messi w’imyaka 32 n’umutoza wa...
16 November 2019 Yasuwe: 3507 2

Lionel Messi yafashije Argentina gutsinda Brazil bahora bahanganye

Lionel Messi yatsindiye ikipe y’igihugu ya Argentine igitego cya mbere kuva...
16 November 2019 Yasuwe: 1647 1

Habaye inama idasanzwe mu ikipe ya As Kigali hafatirwamo imyanzuro ikomeye...

Kubera ko kuva shampiyona yatangira ikipe y’abanyamujyi AS Kigali ikomeje...
16 November 2019 Yasuwe: 3639 0

Umukino warangiye Sadate umutima wenda kumuvamo –KNC

Perezida wa Gasogi United,Kakooza Nkuriza Charles ntiyemera ko Rayon Sports...
16 November 2019 Yasuwe: 5666 0

Rayon Sports yatangaje ibizaba bigize Gikundiro Stadium n’akayabo gakenewe...

Ubuyobozi bw’ikipe ya Rayon Sports burashaka gukabya inzozi zo kubaka stade...
16 November 2019 Yasuwe: 5417 1