addresiya
Kigali
startimes

Real Madrid yeretse AJAX ko ari umwami wa UEFA Champions League,Tottenham yiyongerera amahirwe yo kugera muri ¼

Imyidagaduro   Yanditswe na: Dusingizimana Remy 14 February 2019 Yasuwe: 1546

Ikipe ya Real Madrid yeretse Ajax ko ari umwami wa UEFA Champions League ubwo yayisangaga ku kibuga cyayo iyitsinda ibitego 2-1,mu gihe Tottenham yandagaje Borussia Dortmund iyitsinda ibitego 3-0 mu mikino ibanza ya 1/16.



Real Madrid yatangiye umukino irushwa bikomeye na Ajax yari imbere y’abakunzi bayo,yihagazeho irangiza umukino itsinze ibitego 2-1.

Ajax yatangiye irusha Real madrid bikomeye kuko yari hejuru mu kwambura imipira,gusatira ndetse no guhererekanya umupira.

Ajax yatsinze igitego ku munota wa 38 gitsinzwe na Tagliafico nyuma y’amakosa y’umunyezamu Courtois,gusa iki gitego cyanzwe na VAR nyuma y’aho umusifuzi yemeje ko umwe mu bakinnyi ba AJAX yari yaraririye mbere y’uko iki gitego cyinjira.

Real Madrid yaruhijwe bikomeye na AJAX mu gice cya mbere cyose gusa yabonye amahirwe y’igitego inshuro 1 ubwo Vinicius uhagaze neza cyane yinjiraga mu rubuga rw’amahina ku munota wa 14.

Ajax yagombye kuba yarangije igice cya mbere ifite ibitego 2-0, kuko rutahizamu wayo Dusan Tadic yasigaranye n’umunyezamu Courtois atera umupira ukubita igiti cy’izamu,ndetse na Karim Ziyech yasigaranye n’umunyezamu ntabashe gufungura amazamu.

Igice cya kabiri cyatangiye Real Madrid yivuguruye ndetse igerageza gushaka igitego,biza kuyihira ku munota wa 60 ubwo Vinicius Jr yacengaga ba myugariro ba Ajax bose arangije ahereza umupira mwiza Benzema watsinze igitego cya 60 muri UEFA Champions League.

Ajax yongeye kwiharira umupira,icenga Real Madrid cyane ari nako isatira izamu biza kuyifasha kwishyura iki gitego ku munota wa 75 gitsinzwe na Hakim Ziyech ku burangare bwa ba myugariro ba Real Madrid.

Umutoza wa Real Madrid, Santiago Solari yaje gusimbuza abakinnyi bari bananiwe barimo Gareth Bale,Vinicius na Benzema yinjiza mu kibuga ba rutahizamu barimo Lucas Vazquez, Marco Asensio na Marianno Diaz bayifasha gusatira Ajax bikomeye.

Ku munota wa 87 nibwo Real Madrid yabonye igitego cy’intsinzi cyatsinzwe na Marco Asensio nyuma ya contre Attack ikomeye yatumye aherezwa umupira mwiza na Daniel Carvajal.

Mu wundi mukino ubanza wabaye mu ijoro ryo kuwa Gatatu,Tottenham yakiriye Borussia Dortmund iyitsinda ibitego 3-0 byatsinzwe na Son,Jan Vertonghen na Fernando Llorente.






Real Madrid na Tottenham zaraye Zitwaye neza

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Cristiano Ronaldo yabaye umukinnyi wa mbere wa ruhago utunze miliyari...

Ikinyamakuru Forbes cyatangaje ko kabuhariwe Cristiano Ronaldo ukinira...
5 June 2020 Yasuwe: 1937 0

Minisiteri ya Siporo yakomoreye imwe mu mikino ikinwa abantu bategeranye...

Minisiteri ya Siporo yatangaje ko imwe mu mikino ikinwa abantu bategeranye...
5 June 2020 Yasuwe: 1691 0

FERWAFA yatumiye abanyamuryango bayo bose mu nama yo kugabana...

Ishyirahamwe ry’umupira w’amaguru mu Rwanda (FERWAFA), ryandikiye...
4 June 2020 Yasuwe: 1536 0

Kiyovu Sports yasinyishije umukinnyi Ngendahimana uri mu beza bakina hagati...

Ikipe ya Kiyovu Sports yamaze kugura umwe mu bakinnyi beza cyane bakina mu...
3 June 2020 Yasuwe: 1672 0

Abakinnyi 5 ba FC Barcelona basanganwe Coronavirus bigirwa ibanga...

Radio ikomeye yo mu mujyi wa Catalonia yitwa RAC1 yemeje ko abakinnyi 5...
2 June 2020 Yasuwe: 2413 0

Rayon Sports yaburiye Kiyovu Sports na Police FC ko zishobora guhomba...

Ikipe ya Rayon Sports yandikiye Kiyovu Sports na Police FC izimenyesha ko...
2 June 2020 Yasuwe: 4808 0