skol
Kigali
startimes

Real Madrid yisubije icyubahiro yerekeza muri 1/16 cya UEFA Champions League

Imyidagaduro   Yanditswe na: Dusingizimana Remy 10 December 2020 Yasuwe: 4091

Ikipe ya Real Madrid yanze gukina irushanwa rya Europa League byashobokaga ko yerekezamo nyuma yo gutsinda Borussia Monchengladbach ibitego 2-0 ikerekeza muri 1/16 cy’irangiza cya UEFA Champions League.


Real Madrid yatsinzwe imikino 2 na Shakhtar Donetsk bikayishyira mu mazi abira yo kuba yananirwa kurenga amatsinda,yaje kwisubiraho mu mukino wa nyuma wo mu itsinda B.

Real Madrid yari igiye gukina Europa League ku nshuro ya mbere iyo idatsinda uyu mukino ariko abakinnyi bayo barimo Karim Benzema, Luka Modric Toni Kroos na Lucas Vazquez bari bavuze mbere ko batabyemera.

Umukino wa nyuma wo mu matsinda bawutsinze Borussia Monchengladbach ibitego 2-0 bitabagoye cyane babifashijwemo na Karim Benzema watsinze ibi bitego byombi.

Benzema wakinaga umukino wa 527 muri Real Madrid yafunguye amazamu ku munota wa 9 n’umutwe ku mupira mwiza yahawe na Lucas Vazquez hanyuma ku munota wa 32 ashyiramo ikindi gitego cy’umutwe ku mupira yahawe na Rodrygo.

Real Madrid yayoboye iri tsinda n’amanota 10 ikurikirwa na Borussia Monchengladbach n’amanota 8 yanganyije na Shakhtar Donetsk ariko batandukanwa n’uko iyi kipe yo mu Budage yabatsinze biyihesha amahirwe ya Champions League.

Inter Milan yasabwaga gutsinda ngo igere muri 1/16 cya Champions League,yanganyirije mu rugo na Shakhtar Donetsk ihita isezererwa iri ku mwanya wa nyuma n’amanota 6.

Ku rundi ruhande,PSG yanyagiye Istanbul Basaksehir ibitego 5-1 mu mukino waraye usubitswe kubera ivangura umusifuzi yakoreye umutoza wungirije w’iyi kipe Pierre Webo.

Amakipe yageze muri 1/16 azatomborana kuwa Mbere w’icyumweru gitaha tariki ya 14 Ukuboza 2020, aho imikino ibanza ya 1/16 izaba hagati ya 16/17/23/24 Gashyantare 2021 mu gihe iyo kwishyura ari 9/10/16/17 Werurwe 2021.

Amakipe yakomeje

Ayabaye aya mbere mu matsinda:

Bayern (GER, Group A)
Real Madrid (ESP, Group B)
Manchester City (ENG, C)
Liverpool (ENG, D)
Chelsea (ENG, E)
Borussia Dortmund (GER, F)
Juventus (ITA, G)
Paris (FRA, H)

Ayabaye aya kabiri:

Atlético Madrid (ESP, A)
Borussia Mönchengladbach (GER, B)
Porto (POR, C)
Atalanta (ITA, D)
Sevilla (ESP, E)
Lazio (ITA, F)
Barcelona (ESP, G)
Leipzig (GER, H)



Benzema yagejeje Real Madrid muri 1/16

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abatuye mu mujyi wa Kigali bemerewe gukora Siporo ariko batarenze umudugudu...

Mu ijoro ryakeye nibwo hatangajwe ibyemezo by’Inama y’abaminisitiri yateranye...
19 January 2021 Yasuwe: 2590 0

Lionel Messi ari mu mazi abira kubera ukuboko yakubise umukinnyi wa...

Kapiteni wa FC Barcelona akaba n’umunyabigwi wayo Lionel Messi ari mu mazi...
19 January 2021 Yasuwe: 3435 0

Uburanga bw’ikizungerezi cyatumye rutahizamu wa Real Madrid yanga kuguma mu...

Rutahizamu wa Real Madrid,Luka Jovic,yakoze amahano mu mwaka ushize ubwo...
19 January 2021 Yasuwe: 3807 0

Real Madrid yasinyishije umukinnyi wa mbere uzayikinira mu mwaka w’imikino...

Ikipe ya Real Madrid yatangiye gutegura umwaka w’imikino utaha nyuma yo...
19 January 2021 Yasuwe: 3678 0

Amavubi yanganyije na Uganda mu mukino yigaragajemo cyane

Ikipe y’igihugu “Amavubi” yaruhije bigaragara ikipe ya Uganda ariko ntiyabasha...
18 January 2021 Yasuwe: 4107 1

Aubameyang yahaye impano Lacazette yakoze benshi ku mutima

Kapiteni wa Arsenal,Pierre-Emerick Aubameyang yakoze benshi ku mutima...
18 January 2021 Yasuwe: 5432 0