skol
fortebet

Real Madrid yongeye gutorwa nk’ikipe ihenze kurusha izindi ku isi mu mupira w’amaguru,Roger Federer aba umukinnyi winjije menshi muri 2020

Yanditswe: Friday 29, May 2020

Sponsored Ad

skol

Nkuko byatangajwe na raporo ya European Elite 2020,ikipe ya Real Madrid yatowe nk’ikipe ihenze kurusha izindi zose ku isi ihigitse ibindi bihangange mu mupira w’amaguru nka FC Barcelona na Manchester United.

Sponsored Ad

Ikigo cya KPMG cyatangaje ko mu mwaka wa kabiri wikurikiranya,ikipe ya Real Madrid ariyo ihenze kurusha izindi kipe z’umupira w’amaguru ku isi aho ifite agaciro ka miliyari 3,478 z’amayero,ikurikiwe na Manchester United ya kabiri ifite agaciro ka miliyari 3,342 z’amayero mu gihe ku mwanya wa 3 haje ikipe ya FC Barcelona ifite agaciro ka miliyari 3,193 z’amayero.

Muri 2018, Real Madrid yegukanye igikombe cya 13 cy’irushanwa rihuza amakipe yabaye aya mbere iwayo ku mugabane w’Uburayi,UEFA Champions League,cyari kibaye icya 3 itwaye yikurikiranya, nyuma yo gutsindira Liverpool kumukino wa nyuma ibitego 3-1.

Real Madrid ikura agaciro kayo ku bikombe yatwaye bikomeye ndetse n’imbaraga ifite mu bucuruzi cyane ko kuri ubu yazamuye urwunguko rwayo mu bucuruzi rugera kuri 40%.

Ku rundi ruhande,Ikinyamakuru Forbes cyatangaje urutonde rw’abakinnyi 10 binjije amafaranga menshi ku isi bayobowe n’umukinnyi wa Tennis,Roger Federer.

Roger Federer yigaranzuye Cristiano Ronaldo na Lionel Messi b ari bamaze imyaka 4 basimburana ku mwanya wa mbere.Yinjije akayabo ka miliyoni 106 z’amadolari ya US.

Roger Federer abaye umukinnyi wa mbere wa Tennis mu myaka 30 ishize, ushoboye kuba umukinnyi wa mbere ku isi mu binjije akayabo kurusha abandi bakinnyi bose.

Aka kayabo Federer akinjiza abifashijwemo n’ibigo bikomeye nka Uniqlo, Credit Suisse,Mercedes-Benz n’ibindi bigo 10 bitandukanye n’imikino yatsinze muri Tennis.

Abagore 2 babashije kuza mu rutonde ni abakina Tennis barimo Naomi Osaka na Serena Williams.

URUTONDE RW’ABAKINNYI 20 BINJIJE AMAFARANGA MENSHI KURUSHA ABANDI MURI 2020:

#1 Roger Federer
#2 Cristiano Ronaldo
#3 Lionel Messi
#4 Neymar
#5 LeBron James
#6 Stephen Curry
#7 Kevin Durant
#8 Tiger Woods
#9 Kirk Cousins
#10 Carson Wentz
#11 Tyson Fury
#11 Russell Westbrook
#13 Lewis Hamilton
#14 Rory McIlroy
#15 Jared Goff
#16 Conor McGregor
#17 James Harden
#18 Giannis Antetokounmpo
#19 Anthony Joshua
#Deontay Wilder

URUTONDE RW’AMAKIPE AHENZE KU ISI:


Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa