Kigali
startimes

RIB yatangiye iperereza ku bahoze bayobora Rayon Sports bashinjwa ruswa no kunyereza umutungo w’ikipe

Imyidagaduro   Yanditswe na: Dusingizimana Remy 29 May 2020 Yasuwe: 2555

Urwego rw’igihugu rw’Ubugenzacyaha,RIB,rwatangaje ko rwatumije bamwe mu bahoze bayobora ikipe ya Rayon Sports bashinjwe na Munyakazi Sadate uyiyobora ubu ruswa no kunyereza umutungo w’ikipe.



Umuvugizi wa RIB, Marie Michelle Umuhoza, yabwiye IGIHE ko hari abayobozi ba Rayon Sports barimo abigeze kuyiyobora n’uyiyobora ubu batumijweho mu iperereza ryatangiye nubwo yirinze kuvuga amazina y’abahamagajwe.

Yagize ati “Yego hari abantu bo muri Rayon Sports bitabye, ikirego twacyakiriye tariki 25 Gicurasi 2020. Twatangiye iperereza rero hitabye abayobora Rayon Sports uyu munsi n’abahoze bayiyobora. Abitabye ntabwo twabavuga kuko turi mu iperereza kandi rikorwa mu ibanga.”

Amakuru avuga ko ikirego cyatanzwe na Munyakazi Sadate uyoboye Rayon Sports ubu ariko akaba ari mu mazi abira kuko yaba akanama ngishwanama n’abafana bamusaba kwegura.

Ibibazo bya Rayon Sports FC byageze mu Rwego rw’Igihugu rw’Ubugenzacyaha (RIB), nyuma y’aho umuyobozi w’iyi kipe Munyakazi Sadate, yandikiye perezida wa Repubulika y’u Rwanda, Nyakubahwa Paul Kagame,amusaba ubufasha bwo gukemura ibibazo iyi kipe ifite yavuze ko byatewe n’abayobozi bayoboye iyi kipe.

Muri iyi baruwa ndende yandikiye Perezida Kagame,Munyakazi Sadate yashinje abahoze ari abayobozi ba Rayon Sports gusesagura umutungo w’ikipe bikayishyira mu bibazo by’ubukene hanyuma bakamwibasira kuko ashaka gushyira hanze ibyo byaha bakoze.

Perezida Munyakazi Sadate yabwiye perezida Kagame ko izingiro ry’ikibazo ryamenyekanye nyuma y’amakimbirane ya za komite nyinshi zari ziyoboye ikipe hanyuma Umuryango wa FPR Inkotanyi na Minisiteri ya Siporo bakabagira inama yo kwicara bagashyiraho komite imwe inyuze mu mucyo yatoye Bwana Muvunyi Paul.

Bwana Munyakazi Sadate yavuze ko nyuma yo gusimbura Muvunyi ku buyobozi bwa Rayon Sports yasanze abayobozi bahoze bayoboye Rayon Sports baranyereje amafaranga asaga miliyari yaturutse ku bibuga,mu kugurisha abakinnyi no mu bafana.

Munyakazi yavuze ko habaye kunyereza imisoro aho kugeza ubu ikipe yishyuzwa n’Ikigo cy’imisoro n’Amahoro ingana na miliyoni 239 FRW.
Munyakazi yashinje abahoze ari abayobozi ba Rayon Sports gusesagura umutungo bawushora mu guha ruswa abasifuzi muri 2015.

Biravugwa ko RIB yahamagaje Munyakazi Sadate perezida wa Rayon Sports na Gacinya Chance Denis wahoze ayiyobora mu rwego rwo gukora iperereza.

Iyi baruwa Munyakazi yandikiye Perezida Kagame,yamenyesheje na RIB ari nayo mpamvu yatangiye iperereza ryimbitse bivugwa ko ryahereye kuri Gacinya Chance Denis.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble munyemana

    Abantu bakira badakoze amanyanga nibo bake.Birababaje kubona ibintu Imana itubuza (ubujura,ubusambanyi,amanyanga,kubeshya,ruswa,intambara,etc…) bikorwa na billions/milliards z’abantu.Uhita wumva neza impamvu Imana yarimbuye abantu bose bali batuye isi ku gihe cya Nowa,hakarokoka abantu 8 gusa bumviraga Imana.Yesu wahamije iyo nkuru,yavuze ko ariko bizagenda nagaruka ku munsi wa nyuma.Bisobanura ko nabwo hazarokoka abantu bake cyane mu bantu batuye isi.Muli Matayo 7:13,14,Yesu yerekanye ko “abakristu nyakuri” ari bake cyane.Bisaba imihate kugirango ukore ibyo Imana ishaka.Umukristu nyawe,atandukanye n’abantu bible yita “abisi”.Aho gushyira imbere ibyisi,ashaka Imana mbere ya byose,akayitinya,akayumvira,kandi akabwiriza ubwami bw’Imana kandi ku buntu,adasaba icyacumi,nkuko Yesu n’Abigishwa be babigenzaga.Ni umurimo Yesu yasize asabye abakristu nyakuri bose (Yohana 14:12).Akabifatanya n’akazi gasanzwe.Akazahembwa kuzuka ku munsi wa nyuma,agahabwa ubuzima bw’iteka muli paradizo (Yohana 6:40).Ubwo nibwo buzima nyakuri.

    1 month ago

Inzindi nkuru

Jose Mourinho yishimiye ko abakinnyi be bari bagiye kurwanira mu...

Umutoza wa Tottenham,Jose Mourinho yishimiye ko abakinnye be Heung Min Son...
7 July 2020 Yasuwe: 2772 0

Cassa Mbungo yatangaje ikintu cyamubabaje muri Rayon Sports ayisaba no...

Uwari umutoza wa Rayon Sports,Cassa Mbungo Andre yatangaje ko yababajwe no...
7 July 2020 Yasuwe: 3205 0

Manace Matatu waguzwe na Rayon Sports yahaye isezerano rikomeye...

Umukinnyi Manace Matatu wasinyiye Rayon Sports amasezerano y’imyaka 3...
6 July 2020 Yasuwe: 3498 0

Gasingwa Michel wari ukuriye komisiyo y’abasifuzi yeguye ku mirimo...

Uwahoze ari umusifuzi mpuzamahanga w’Umunyarwanda,Gasingwa Michel, wari...
6 July 2020 Yasuwe: 1256 0

Perezida wa FC Barcelona yakuriye inzira ku murima abifuzaga kujyana Messi...

Perezida w’ikipe ya Barcelona yavuze ko Lionel Messi "azasoreza akazi ke...
6 July 2020 Yasuwe: 1062 0

Zinedine Zidane yatangaje ikintu kiri kumutera umujinya muri iyi minsi Real...

Umutoza w’ikipe ya Real Madrid ,Zinedine Zidane,yatangaje ko amaze...
6 July 2020 Yasuwe: 5192 0