skol
Kigali
startimes

Robertinho wakoze amateka muri Rayon Sports yagizwe umutoza wa Gor Mahia

Imyidagaduro   Yanditswe na: Dusingizimana Remy 10 October 2020 Yasuwe: 1250

Umutoza w’umunya Brazil,Roberto Oliveira Goncalves do Carmo uzwi nka Robertinho wahesheje Rayon Sports igikombe cya shampiyona iheruka gutwara,yagizwe umutoza mushya wa Gor Mahia yo mu gihugu cya Kenya.


Nyuma y’aho iyi kipe y’ubukombe muri Kenya itandukaniye n’umutoza wayo w’umunya Finland witwa Steven Polack,yahise ihamagara Robertinho wayitsinze mu matsinda ya Confederations Cup ibitego 2-1 muri Kenya agitoza Rayon Sports,niko kumuha akazi.

Umuyobozi wa Gormahia witwa Ambroise yemeje aya makuru nyuma y’umunsi umwe gusa birukanye Steven Polack.

Yagize ati “Twishimiye kubamenyesha ko twazanye umutoza mushya witwa Roberto Oliveira ukomoka muri Brazil.Afite ubunararibonye mu mupira w’Afurika kandi arawuzi neza.”

Robertinho amaze imyaka 25 mu kazi ko gutoza ndetse yatoje mu bihugu bitandukanye byo muri Afurika no muri Brazil.

Mu ijoro ryo kuwa Kabiri tariki 13 Kanama 2019 nibwo umutoza wahesheje Rayon Sports igikombe cya shampiyona cya 2018, Roberto Oliveira Gonçalves do Carmo, bita Robertinho yasezeye ku buyobozi bw’iyi kipe yatoje kuva muri Kamena 2018.

Ubwo yiteguraga urugendo rwo gusubira iwabo muri Brazil,Robertinho yagize ati “Icyo navuga ni uko nagize ibihe byiza aha. Ndashimira kandi nasezera abo twakoranye bose n’abafana ba Rayon Sports muri rusange.’’

Roberto Oliveira Gonçalves do Carmo yatandukanye na Rayon Sports ayihesheje ibikombe bibiri, kimwe cya shampiyona 2018-19 n’igikombe cy’Agaciro 2018.

Kimwe mu byo azahora yibukirwaho n’abakunzi b’iyi kipe,ni uko yafashije Rayon Sports gukora amateka yo kugera muri ¼ cya CAF Confederation Cup 2018.



Umutoza Robertinho wakoze amateka akomeye muri Rayon Sports yerekeje muri Gor Mahia

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Anele Ngcongca wakiniye ikipe y’igihugu y’Afurika y’epfo yahitanwe...

Uwari myugariro wa Mamelodi Sundowns n’ikipe y’igihugu y’Afurika y’Epfo...
23 November 2020 Yasuwe: 821 0

Mugisha Moise yegukanye Grand Prix Chantal Biya 2020

Umunyarwanda Mugisha Moïse yegukanye isiganwa ryiswe Grand PrixChantal Biya...
22 November 2020 Yasuwe: 1851 0

Cristiano Ronaldo ari mu biganiro byimbitse n’ikipe yahozemo ngo...

Ibinyamakuru bitandukanye ku mugabane w’I Burayi bikomeje gutangaza ko...
22 November 2020 Yasuwe: 4238 0

Gorilla FC yatwaye igikombe cya shampiyona y’icyiciro cya kabiri...

Mu mukino wa nyuma wabaye kuri uyu wa Gatandatu tariki 21 Ugushyingo 2020...
22 November 2020 Yasuwe: 1197 0

Mugisha Moise yegukanye agace ka Kane ka GP Chantal Biya bimuhesha amahirwe...

Ku munsi wa 4 w’isiganwa rya Grand Prix Chantal Biya riri kubera muri...
21 November 2020 Yasuwe: 2280 0

Abafana ba FC Barcelona bateye Antoine Griezmann bamutegeka gukorera Messi...

Abafana ba FC Barcelona bari bariye karungu batatse imodoka ya Antoine...
21 November 2020 Yasuwe: 5045 0