skol
Kigali
startimes

Robertinho yahishuye byinshi ku mukino afitanye na APR FC muri CAF Champions League

Imyidagaduro   Yanditswe na: Dusingizimana Remy 12 November 2020 Yasuwe: 2583

Umutoza wa Gor Mahia,Roberto Oliveira uzwi nka Robertinho yabwiye ibinyamakuru byo muri Kenya ko ari gukarishya imyitozo ku bakinnyi be kugira ngo azasezerere APR FC mu ijonjora rya mbere.


Mu mukino witezwe na benshi mu Banyarwanda ndetse n’abanya Kenya kuwa 28 Ugushyingo 2020,APR FC izakira Gor Mahia mu mukino ubanza w’ijonjora rya mbere rya CAF Champions League.

Nyuma ya Tombola, Roberto Oliveira yabwiye abanya Kenya ko umukino we na APR FC ukomeye ariko ari guha abakinnyi be imyitozo ikarishye kugira ngo bazayikuremo.

Yagize ati “Umukino uri mu byumweru 2 biri imbere ariko icyo navuga nuko imyitozo yacu iri ku rwego rwo hejuru.

APR FC ni ikipe ikomeye,uyu mukino uzaba ukomeye.Twarayitsinze ubwo natozaga Rayon Sports ariko sinashyingira kuri ibyo kuko ibintu byarahindutse nabo bafite abakinnyi bashya.Ikirenzeho imikinire nayo irahinduka.”

Robertinho w’imyaka 60 yavuze ko yizeye abakinnyi be kandi ngo intego ye nuko Gor nibura yagera muri ¼ cy’iri rushanwa.

Ati “Mfite abakinnyi bakomeye bashoboye gutanga umusaruro mwiza mu kibuga.Gusa tugomba gukora cyane kugira ngo twizere kubona umusaruro mwiza.

Ntabwo nahishura amayeri nzakoresha kugira ngo tuzatsinde ariko turi gukarishya buri gice cyose cy’ikipe yacu.Ikipe yacu ibereye guhatana kandi buri wese ari gukora cyane kugira ngo tuzatsinde.”

Mu mwaka w’imikino ushize,Gor Mahia yasezereye Aigle Noir mu ijonjora rya mbere iyitsinze ibitego 5-1 mu mikino yombi gusa mu kiciro cyakurikiyeho yanyagiwe na USM Algiers ibitego 6-1 mu mikino 2.

Ikipe izatsinda hagati ya Gor Mahia na APR izahura n’izatsinda hagati ya Al Nasr yo mu Misiri na CR Belouizdad ya Algeria.

Ku rundi ruhande,umutoza wa APR FC yabwiye TV10 mu minsi ishize ko nabo biteguye uyu mukino.

Ati “Gor Mahia ni ikipe ifite ibigwi.Twebwe tugomba kwitegura neza uyu mukino kugira ngo tugere ku ntego zacu zo kugera mu matsinda duhereye ku giciro gikurikiraho.

Tuzakora cyane,tuzakorana ubwenge kugira ngo tugere ku ntego yacu.Icyo nasezeranya abafana ba APR FC nuko tububaha,twubaha umuryango wa APR FC n’abakunzi b’umupira w’amaguru mu Rwanda bose.Tuzakora 100% kugira ngo tugere mu kiciro gikurikiraho.”

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Neymar Jr yateje impaka ubwo yemezaga ko umwaka utaha azakinana na...

Rutahizamu Neymar Jr waraye witwaye neza cyane mu mukino wa UEFA Champions...
3 December 2020 Yasuwe: 954 0

APR FC yamaze kugera muri Kenya guhangana na Gor Mahia

Ku mugoroba wo kuri uyu wa gatatu saa kumi n’igice, ikipe y’ingabo z’igihugu...
3 December 2020 Yasuwe: 692 0

Real Madrid yiyemeje kugurana Eden Hazard undi mukinnyi mwiza ku...

Ikipe ya Real Madrid iri mu bihe bibi cyane muri uyu mwaka w’imikino,yatangiye
2 December 2020 Yasuwe: 2894 0

Umwana wa Diego Maradona yasabye Lionel Messi ikintu gitangaje...

Umwana wa Diego Maradona yasabye kizigenza Lionel Messi nawe ukomoka muri...
2 December 2020 Yasuwe: 4560 0

Rayon Sports yavuze ku bakinnyi bayo bivugwa ko barwaye Malaria

Ubuyobozi bwa Rayon Sports bwahakanye ko nta mukinnyi wayo urwaye Malaria...
2 December 2020 Yasuwe: 2171 0

APR FC yamuritse imyenda izambara muri uyu mwaka mushya w’imikino yakozwe...

Kuri uyu wa Kabiri iya 01 Ukuboza, nibwo ikipe y’ingabo z’igihugu yakiriye...
2 December 2020 Yasuwe: 1837 0