Kigali

Robertinho yavuze ibibazo 2 by’ingutu byatumye asezera mu ikipe ya Rayon Sports

Imyidagaduro   Yanditswe na: Dusingizimana Remy 21 August 2019 Yasuwe: 5985

Umutoza Roberto Oliveira Gonçalves do Carmo uzwi nka Robertinho wamaze gusubira iwabo muri Brazil,yavuze ko atari gukomeza gukora akazi atega moto,nta na masezerano afite aho yemeje ko komite iriho itamwubashye nkuko byagenze ku bwa perezida Muvunyi Paul.



Ahagana ku isaha ya saa saba na mirongo ine n’itanu z’urukerera rwo kuri uyu wa Gatatu tariki 21 Kanama 2019 nibwo umutoza Robertinho yuriye indege asubira iwabo muri Brazil gusa yasezeye ku bafana ba Rayon Sports ndetse avuga ko ari ikipe azahora yubaha.

Robertinho yabwiye ikinyamakuru Rwanda Magazine dukesha iyi nkuru ko yagarutse mu Rwanda ahanini kubera ubusabe bw’abafana,yemera byose ikipe ya Rayon Sports ngo yamusabaga harimo ko yari kuguma ku mushahara yahozeho umwaka ushize ariko bikarangira adahawe amasezerano mashya.

Yagize ti "Namaze iminsi 23 ntegereje guhabwa amasezerano …njyewe ndi umunyamwuga. Saison ishize nakoranye na Perezida Muvunyi kandi nta kibazo cyabayeho,birangira buri muntu wese yishimye. Nagarutse nziko nje muri ya Rayon nasize ariko nasanze hari ibintu byinshi byahindutse …"

Yunzemo ati "Nkanjye nk’umunyamwuga sinshobora gukora nta kontaro, nta modoka yo kugendamo,ibyo ntabwo ari ukubaha umuntu…Niba ugiye kuzana umutoza cyangwa umukinnyi uziko hari icyo yakoreye ikipe, uba ukwiriye guha agaciro ako kazi yakoze mbere mu ikipe…Kubwa njye byarambabaje cyane kuko nasanze atari ubunyamwuga.”

Robertinho akomeza avuga ko we yari yemeye byose ariko ngo hari ibyo atari kwihanganira.

Yagize ati "Ntabwo nari gukomeza kujya gutoza nteze moto kuko hatabonetse imodoka. Nahise nsezera. Uko niko kuri.”

Robertinho yavuze ko Rayon Sports izamuhora ku mutima ndetse ngo ntazibagirwa uko yakoranye neza na Perezida Paul Muvunyi wahoze ayobora Rayon Sports mu mwaka w’imikino ushize.

Mu butumwa yageneye abafana ba Rayon Sports, Robertinho yagize ati "Ndifuriza ibyiza Rayon Sports. Ni ikipe nkunda cyane kuko bambaniye neza cyane. Hari amahirwe wenda ko ahazaza twazongera guhura ariko ubu bwo sinabasha gukorera ahantu hari imyumvire imeze kuriya , ndasaba imbabazi abafana , banyumve , bumve ko umuntu watwaye ibikombe adakwiriye gufata moto ngo ajye gutoza, cyangwa ngo akore nta masezerano."


Robertinho yasezeye ku bakunzi ba Rayon Sports

Foto:Rwanda Magazine

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble

    Nagende yaradukoreye yagaragaje icyo ashoboye,yaritanze yaduhaye agaciro muri african ndetse no ku isi hose baririmba rayon sport.

    3 months ago

Inzindi nkuru

Sadio Mane yaciye ibintu kubera ibikorwa bikomeye yakoze ari mu kiruhuko...

Nyuma y’imikino y’igikombe cya Afurika iheruka kubera mu Misiri,rutahizamu...
20 November 2019 Yasuwe: 2046 0

Lionel Messi yatunguranye asaba Cavani kuzaza bakarwana igihe cyose azaba...

Umunya-Uruguay Edinson Cavani yasabye Lionel Messi ko barwanira mu mukino...
20 November 2019 Yasuwe: 3066 1

Jose Mourinho yagizwe umutoza mushya wa Tottenham Hotspurs yirukanye...

Umunyabigwi Jose Mourinho w’imyaka 56 umaze gutwara ibikombe 25 bikomeye ku...
20 November 2019 Yasuwe: 2000 0

Cristiano Ronaldo yateje impaka ndende kubera ibyo yatangaje ko yari...

Ronaldo ubura igitego 1 gusa ngo yuzuze ibitego 100 mu ikipe ya Portugal...
19 November 2019 Yasuwe: 4256 0

John Obi Mikel yatangaje umukinnyi wari umunebwe cyane mu myitozo mubo...

Umunya Nigeria ukina Hagati mu kibuga,John Obi Mikel yatangaje ko mu...
19 November 2019 Yasuwe: 3720 0

Mirafa yatangaje itandukaniro riri hagati y’umukinnyi wa APR FC n’uwa Rayon...

Umukinnyi Nizeyimana Mirafa ukina hagati mu ikipe ya Rayon Sports yatangaje...
19 November 2019 Yasuwe: 6152 0