Kigali
startimes

Rusheshangoga yatangaje byinshi ku byerekeye kwerekeza muri Rayon Sports ndetse n’agahinda yatewe no kwirukanwa na APR FC

Imyidagaduro   Yanditswe na: Dusingizimana Remy 9 July 2019 Yasuwe: 9948

Umukinnyi Rusheshangoga Michel wari umaze iminsi acecetse cyane nyuma yo kwirukanwa mu ikipe ya APR FC we na bagenzi be 15,yatangaje ko yavuganye n’amakipe menshi arimo na Rayon Sports ndetse mu mpera z’iki Cyumweru ashobora kuzayerekezamo.



Mu kiganiro Rusheshangoga yagiranye n’ikinyamakuru Funclub,yavuze ko yababajwe no kwirukanwa n’ikipe na APR FC ndetse yafashe ikiruhuko kugira ngo arebe indi kipe yakwerekezamo aho yemeje ko na Rayon Sports bagiranye ibiganiro.

Yagize ati “Birumvikana ko ugomba kubabara. Kuko urumva (APR FC) yari imaze kuba umuryango wanjye, kari akazi nakoraga nishimye, ikipe nakiniraga numva ko koko nkora nikorera, natanze buri kimwe nari mfite kubera APR FC, imvune nagize zose nazigize kubera ikipe nakiniraga kuko nakoraga akazi kanjye nkuko mbisabwa.Byarambabaje ariko ubu maze kubyakira kandi ndumva ngomba gukomeza gukora cyane kuko akazi kanjye n’umupira w’amaguru.

Kuva batwirukana,nabanje gufata akaruhuko,mbanze nitekerezeho neza,mbanze nakire neza ibyatubayeho kuko buriya umuntu ashobora kukwirukana yanaguteguje akakubwira ati “umwaka utaha tuzatandukana”ariko umuntu kubyuka mu gitondo akakwirukana ntabwo ari ibintu byoroshye.

Ku byerekeye kwerekeza mu ikipe ya Rayon Sports, Rusheshangoga yagize ati “Ntabwo navuga ko bagenzi banjye bahisemo nabi kuko Rayon Sports n’ikipe umuntu wese yakwifuza gukinira.Hari abayobozi bayo twavuganye ariko twari tutarajya cyane mu byo bagomba ku by’ibiciro n’amasezerano,ndibaza ko iki cyumweru kirajya kurangira hari aho tugeze.”

Rusheshangoga yavuze ko hari amakipe yamushatse ariko muri iki gihe arifuza gukina mu Rwanda igihe gito yarangiza akerekeza mu makipe akomeye yo hanze.

Uyu myugariro yavuze ko mu bakinnyi bose yakinannye nabo muri APR FC,yakunze imikinire ya Buteera Andrew gusa yemeza ko yatunguwe no kuba Manzi Thierry yarahise agirwa Kapiteni.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Kamayirese

    Rusheshangoga nonese uragirango imvune wagize hari aho bihugiyeho no kwigira hatari. Ahubwo mwatunguwe n’uko babirukanye nk’inzererezi ? Uri umukinnyi mwiza ariko warumaze kwigira ashwii. APR FC ntiyabirukanye kuko mudashoboye ahubwo yabirukaniye bamwe kwigira abantu ba hatari. Ngo imvune wagize""ntiwahembwaga se. Genda muri Gasenyi ho izo mvune bazazikuvura

    July 2019
  • chat_bubble Munezero

    Muri Rayon biramusaba gukora cyane akabona umwanya kuko Radu uri hariya ntiyoroshye. gusa wenda yasinya umwaka akigaragaza mumarushanwa Nyafrica ubundi amakipe yohanze akamubengukwa akajya gushaka amasaziro kuko imvune za hato nahato ntizamubaniye.

    July 2019

Inzindi nkuru

Mesut Ozil yanyomoje umutoza Arteta wamuhimbiye uburwayi adafite

Kuva shampiyona y’Ubwongereza yasubukurwa nyuma ya Guma mu rugo,ntabwo Mesut...
15 July 2020 Yasuwe: 1292 0

Amb.Joe Habineza wabaye Minisitiri w’Umuco na Siporo agiye kwinjira mu...

Uwahoze ari Minisitiri w’Umuco na siporo anaba Ambasaderi w’u Rwanda muri...
15 July 2020 Yasuwe: 1988 0

Biravugwa ko Kiyovu Sports nayo yaguze Bisi y’akataraboneka yo gutwara...

Mu gitondo cyo kuri uyu wa Gatatu tariki ya 15 Nyakanga 2020,hagiye hanze...
15 July 2020 Yasuwe: 3368 0

Munyakazi Sadate yahaye ubutumwa bukomeye abamwigometseho mu kwizihiza...

Umuyobozi wa Rayon Sports,Munyakazi Sadate,yatanze ubutumwa burebure kuri...
14 July 2020 Yasuwe: 4027 1

Reba urutonde rw’abakinnyi 25 beza ba FC Barcelona b’ibihe byose bayobowe na...

Abafana n’abaterankunga b’ikipe ya FC Barcelona batoye umukinnyi mwiza...
14 July 2020 Yasuwe: 2212 0

Russell Westbrook wabaye MVP muri 2017 bamusanzemo Covid-19

Russell Westbrook, icyamamare muri Basketball akaba umukinnyi wa Houston...
13 July 2020 Yasuwe: 337 0