skol
Kigali
startimes

Rutahizamu ukomeye wa FC Barcelona ashobora gusezererwa

Imyidagaduro   Yanditswe na: Martin Munezero 25 August 2020 Yasuwe: 4266

Amakuru yiriwe ku munsi w’ejo nuko ibitangazamakuru byo mu gihugu cya Espagne byatangaje ko kuri uyu wa Mbere, ikipe ya FC Barcelona byitezwe ko isesa amasezerano ya ruhahizamu wayo ukomeye, Luis Suarez.


Suarez yari amaze imyaka itandatu muri FC Barcelona nyuma yo kuyigeramo muri 2014 avuye muri Liverpool yo mu gihugu cy’Ubwongereza, gusa yamaze kubwirwa ko atari mu mibare y’abakinnyi umutoza Ronald Koeman azakoresha mu mwaka utaha w’imikino.

Radio RAC1 ikorera i Catalunya mu gihugu cya Espagne, yatangaje ko mu masaha make ari bwo FC Barcelona n’abanyamategeko ba Luis Suarez bicarana bagasesa amasezerano y’uyu rutahizamu ukomoka mu gihugu cya Uruguay.

Gusesa amasezerano ya bamwe mu bakinnyi ba FC Barcelona, biri mu byo iyi kipe yiyemeje nyuma yo gusezererwa muri UEFA Champions league isebejwe na Bayern Munich yayitsinze ibitego 8-2 mu mukino wa 1/4 cy’irangiza cya UEFA Champions league.

Suarez wahembwaga abarirwa muri miliyoni 290 z’amanyarwanda buri cyumweru (£290,000), yari afitanye na FC Barcelona amasezerano azarangira ku wa 30 Kamena 2021 yashoboraga kongerwaho umwaka umwe.

Amakuru menshi arerekeza uyu rutahizamu uza ku mwanya wa gatatu mu batsindiye FC Barcelona ibitego byinshi mu mateka yayo (198) mu ikipe ya Ajax Amsterdam yo mu Buholandi yigeze gukinira mbere yo kwerekeza muri Liverpool yo mu gihugu cy’u Bwongereza.

Uyu mukinnyi yaherukaga gutangaza ko mu gihe ubuyobozi bwa FC Barcelona bwumva butakimukeneye, bwabimubwira mu buryo busesuye akagira ahandi yerekeza.

Abakinnyi nka Gerard Pique, Samuel Umtiti, Jordi Alba, Ivan Rakitic na Sergio Busquets na bo bivugwa ko bari mu muryango usohoka muri Barça, mu gihe akazoza ka Lionel Messi uheruka gutangaza ko yibona cyane hanze ya FC Barcelona kuruta uko ayibonamo kataramenyemana.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umukinnyi wakiniye Aston Villa yakatiwe igifungo cy’imyaka 2 azira gushyira...

Uwahoze ari myugariro wa Aston Villa witwa Antonio Luna ukomoka mu gihugu...
20 January 2021 Yasuwe: 3295 0

Muhadjiri yatowe mu ikipe y’abakinnyi 11 bitwaye neza ku munsi wa mbere...

Umunyarwanda ukina asatira izamu Hakizimana Muhadjiri, yaje mu ikipe...
20 January 2021 Yasuwe: 3637 0

KNC yategeye "Amavubi"akayabo kugira ngo azatsinde Maroc muri CHAN...

Umunyemari Kakoza Nkuriza Charles nyiri Radio na TV1 yatangaje ko yiteguye...
20 January 2021 Yasuwe: 4422 0

Neymar Jr aravugwa mu rukundo rw’ibanga n’umuhanzikazi ufite umwana...

Kizigenza wa PSG,Neymar Jr aravugwa mu rukundo n’umuhanzikazi wo muri...
20 January 2021 Yasuwe: 3863 0

Hahishuwe impamvu idasanzwe yatumye Pierre-Emerick Aubameyang asimbuzwa...

Kapiteni wa Arsenal, Pierre-Emerick Aubameyang,witwaye neza mu mukino iyi...
20 January 2021 Yasuwe: 3999 0

Reba ibyo Munyakazi Sadate yatangaje nyuma yuko Amadorali yari yategeye...

Mu minsi ishize nibwo Muyakazi Sadate yatangaje ko Amavubi naramuka atsinze...
19 January 2021 Yasuwe: 8503 0