Kigali

Kagere Meddy yavuze ku nzira zimwerekeza muri Zamalek na TP Mazembe

Imyidagaduro   Yanditswe na: Martin Munezero 15 January 2020 Yasuwe: 2410

Rutahizamu w’ikipe y’igihugu y’u Rwanda na Simba yo muri Tanzaniya, Kagere Meddy, yemeje ko amakipe atandukanye yo muri Afurika nka TP Mazembe na Zamalek yamwifuje ariko akabatera umugongo kubera amasezerano afitanye n’iyi kipe yo muri Tanzaniya.



Muri Werurwe 2019 ni bwo hagiye haza inkuru nyinshi zitandukanye zivuga ko uyu rutahizamu ashobora gutandukana na Simba SC akaba yakwerekeza mu Misiri mu ikipe ya Zamalek, byanavuzwe ko na TP Mazembe nayo yamwifuje, gusa yirinze kugira byinshi abitangazaho muri icyo gihe.

Uyu rutahizamu akaba yeremereye itangazamakuru ko ayo makipe yose yamwifuje bitewe n’uburyo yitwaye cyane cyane mu mikino nyafurika, ariko ngo yubashye amasezerano yari afitanye na Simba SC.

Yemeje ko aya makipe yombi yegereye Simba SC ndetse anatanga amafaranga menshi ariko iyi kipe yanga kumurekura.



Yagize ati“nk’umukinnyi ni ngombwa ngo wubahe amasezerano ufitanye n’ikipe yawe, ni cyo kintu nakoze cyo kudashyira inyungu zanjye imbere ahubwo nubashye amasezerano yanjye, umwaka ushize nabonye amakipe menshi anyifuza, TP Mazembe na Zamalek zanyeretse ko zinyifuza cyane ariko nananiwe kuzinyira bitewe n’amasezerano yanjye muri Simba SC.”

Amakuru kandi avuga ko Zamalek n’ubu ikiri mu biganiro na Simba SC ngo irebe ko yakwegukana uyu rutahizamu usigaje amezi 6 muri Simba SC.

Gusa ngo bisa n’aho Simba SC irimo kugora iyi kipe kuko kugeza uyu munsi ari na bwo byitezwe ko isoko ry’igura n’igurishwa rifunga ntabwo barafata umwanzuro wo kurekura uyu rutahizamu.



Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Imfungwa zarijijwe no gufungurwa kwa Ronaldinho wari warazibaniye...

Imfungwa zo muri Paraguay zari zifunganywe na Ronaldinho wabaye icyamamare...
10 April 2020 Yasuwe: 2822 0

Sadio Mané yahishuye uko urupfu rwa se no kuvukira mu rugo kwa mushiki we...

Umukinnyi Sadio Mane wagize isabukuru y’imyaka 28 Kuri uyu wa Gatanu tariki...
10 April 2020 Yasuwe: 2181 0

Irambona Eric yahishuye ukuntu yambitswe ikanzu n’umubyeyi we bikamufasha...

Visi kapiteni wa Rayon Sports, Irambona Eric, avuga ko yambitswe ikanzu...
9 April 2020 Yasuwe: 2231 0

Covid-19:Abakinnyi bo muri Rayon Sports barimo Sarpong baratakamba ko...

Nyuma yo kutabona amakuru y’igihe bazahererwa imishahara yabo mu gihe...
9 April 2020 Yasuwe: 5813 0

Umubyeyi w’umutoza Pep Guardiola yahitanwe na Coronavirus

Nyina wa Pep Guardipla, Dolors Sala Carrió w’imyaka 82 yapfiriye mu bitaro...
6 April 2020 Yasuwe: 3609 0

Xavi yatangaje undi mukinnyi bakinannye ashyira ku rwego rumwe na Lionel...

Kabuhariwe Xavi Hernandez wahoze akinira ikipe ya FC Barcelona yavuze ko...
6 April 2020 Yasuwe: 3719 0