skol
Kigali
startimes

Rutsiro FC yahagamye Rayon Sports mu gihe Kiyovu Sports na Gasogi United zashimishije abafana

Imyidagaduro   Yanditswe na: Dusingizimana Remy 4 December 2020 Yasuwe: 5431

Umunsi wa 01 wa shampiyona y’u Rwanda usize ugaragaje ko Rayon Sports iri ku rwego rwo hasi cyane nyuma yo kunganya igitego 1-1 na Rutsiro FC mu gihe Kiyovu Sports na Gasogi United zatsindiye hanze y’ibibuga byazo.


Ikipe ya Rayon Sports ikundwa na benshi mu Rwanda yitwaye nabi cyane mu mukino wayo wa mbere muri shampiyona kuko yanganyije na Rutsiro igitego 1-1 ndetse ntiyerekana ko ari ikipe nkuru muri shampiyona y’u Rwanda gusa ntiyari ifite abakinnyi barimo Sugira Ernest urwaye na Manace Mutatu wasibye kubera ikibazo cy’abanyamahanga.

Nubwo yari ifite abakinnyi benshi batamenyeranye ndetse n’umutoza mushya,Bisengimana Justin, wayigezemo muri iki cyumweru,Rutsiro niyo yafunguye amazamu ku munota wa 11 w’umukino ku gitego cyatsinzwe na Munyurangabo Cedrick ku ishoti rikomeye yatereye inyuma y’urubuga rw’amahina umunyezamu Kwizera Olivier ntiyabasha kuwukuramo.

Rayon Sports yakinnye umukino wo ku rwego rwo hasi mu gice cya mbere,yananiwe gukora uburyo bwo kurema igitego ndetse no guhuza umukino byatumye igice cya mbere kirangira nta kazi gakomeye umunyezamu wa Rutsiro ahuye nako.

Mu gice cya kabiri,umutoza Guy Bukasa yinjije mu kibuga Mugisha Gilbert na Mudacumura akuramo Drissa Dagnogo na Iranzi bagize icyo bahindura mu mukino.

Ku munota wa 74,Rayon Sports yinjije igitego cyo kwishyura kuri coup franc yatewe neza na Niyibizi Emmanuel uzwi nka Kibungo nyuma y’ikosa ryari rikorewe kuri Vital Ourega hafi gato y’urubuga rw’amahina.

Nubwo mu gice cya kabiri Rayon Sports yagerageje kurema uburyo bwinshi bw’ibitego,ariko nta rutahizamu wari utyaye wo kububyaza umusaruro ariyo mpamvu nta gitego giturutse mu guhuza umukino cyabonetse.

Rayon Sports igomba guhura na Bugesera ku mukino wa kabiri mu gihe Rutsiro FC izasura Police FC.

Mu yindi mikino yabaye,Kiyovu Sports yatsinze ibitego 2-0 mu gice cya mbere ibifashijwemo na Dusingizimana Gilbert na Bigirimana Abed hanyuma mu gice cya kabiri yinjiza ikindi 1 cya Serumogo Ally mu gihe Mukura VS yabonye igitego cy’impozamarira kuri penaliti ya Gael Duhayindavyi.

Ikipe ya Gasogi United yasanze Sunrise FC ku kibuga cyayo iyitsinda ibitego 3-1 ibifashijwemo na Iradukunda Jean Bertrand watsinze ibitego 2.

Uko imikino yose yagenze kuri uyu wa Gatanu:

AS Muhanga 1-1 Etincelles FC
Mukura VS&L 1-3 SC Kiyovu
Sunrise FC 1-3 Gasogi United
Espoir FC 0-0 Bugesera FC
Marines FC 2-0 Gorilla FC

Rutsiro FC 1-1 Rayon Sports FC
APR FC vs Musanze FC (Warasubitswe)
AS Kigali vs Police FC (Warasubitswe)

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Georgina Rodriguez yaciye ibintu kubera imitoma yateye umukunzi we...

Umukunzi wa Cristiano Ronaldo witwa Georgina Rodriguez yongeye gutuma...
22 January 2021 Yasuwe: 4029 0

Arsenal yatiye umunyezamu wa kabiri utanga icyizere kurusha uwo yari...

Ikipe ya Arsenal yatangaje ko yatiye umunyezamu w’umunya Australia witwa...
22 January 2021 Yasuwe: 3380 0

Hamenyekanye umuntu watumye Paul Pogba yongera kuba umukinnyi...

Hari hashize igihe kinini abakunzi ba Manchester United banenga imikinire...
22 January 2021 Yasuwe: 5007 0

Liverpool yatakaje agahigo gakomeye yari ifite ikomeza kujya mu bihe...

Ikipe ya Liverpool imaze iminota 438 itinjiza igitego mu izamu ry’ikipe...
22 January 2021 Yasuwe: 3881 0

APR FC yahisemo guha Kiyovu Sports Ishimwe Kevin wayinaniye

Kuwa Mbere tariki ya 18 Mutarama 2021, Ikipe y’Ingabo z’Igihugu APR FC...
21 January 2021 Yasuwe: 3400 0

Cristiano Ronaldo yakoze akandi gahigo gakomeye cyane ku isi

Rutahizamu wa Juventus, Cristiano Ronaldo,yamaze kuba uwa mbere ku isi...
21 January 2021 Yasuwe: 4106 0