addresiya
Kigali
startimes

Sadate yamaganye abahoze mu buyobozi bwa Rayon Sports bashaka gushinga ikipe ya Basketball bitanyuze mu mucyo

Imyidagaduro   Yanditswe na: Dusingizimana Remy 21 September 2019 Yasuwe: 6639


Umuyobozi w’ikipe ya Rayon Sports,Munyakazi Sadate yamaganye bamwe mu bahoze ari abayobozi ba Rayon Sports bafashe umwanzuro wo gushing ikipe ya Basketball batabinyujije mu mucyo aho yavuze ko hazitabazwa inzego za Leta nibakomeza uyu mugambi.

Nkuko byaraye bigaragaye muri Kigali Arena mu mukino wahuzaga Patriots na REG BBC,bamwe mu bahoze ari abayobozi ba Rayon Sports na bamwe mu bafana bazwi bagaragaye bambaye imyenda yanditseho ngo “Rayon Sports BBC. We are coming soon” bisobanura ngo ‘Rayon Sports Basketball Club iraza vuba’’, ndetse bafite n’ibyapa byanditseho aya magambo,ibintu bitashimishije komite ya Rayon Sports iyobowe na Munyakazi Sadate.

Abatungwa agatoki mu kuba inyuma y’iki gikorwa cyo gushing ikipe ya Basketball bitanyuze mu mucyo ni Gacinya Chance Dennis wayibereye perezida 2015 kugera 2017, n’uwari umunyamabanga we Gakwaya Olivier.

Mu kiganiro Munyakazi Sadate yagiranye na Funclub dukesha iyi nkuru,yamaganye aba bantu bashaka gushing iyi kipe ndetse abibutsa ko batari mu mwanya ubemerera kugira umwanzuro bafata mu muryango wa Rayon Sports.

Munyakazi yagize ati: ‘‘Ibitekerezo byo gutangiza ikipe z’indi mikino by’umwihariko Basketball turagisanganywe. Ariko abihutiye kujya kwamamaza iby’ikipe ya Basketball bo babikoze mu buryo butemewe n’amategeko kandi byakozwe mu nyungu z’abantu ku giti cyabo.’’

Uyu muyobozi yakomeje yemeza ko hashobora kwitabazwa inzego z’ubugenzacyaha bw’u Rwanda kuko we afata iki gikorwa nko gucuruza ibirango bya Rayon Sports nta burenganzira itanze.

Sadate yagize ati: ‘‘Nabo twabibabwiye ko ibyo bari gukora ari amakosa kuko nubwo cyaba igitekerezo cyiza kiba kigomba gushyirwa mu bikorwa n’ubuyobozi bwayo. Si abantu bo ku ruhande bafata imyanzuro. Kandi twababwiye ko nibakomeza tuzitabaza RIB (urwego rw’igihugu rw’ubugenzacyaha) ngo ruhagarike ibi bikorwa byo gukoresha ibirango bya Rayon Sports mu nyungu z’abantu ku giti cyabo.’’

Perezida wa Rayon Sports yavuze ko bazatangiza amakipe mu mikino itandukanye igihe hazaba habonetse amikoro ahagije yo gutuma abaho.



Rayon Sports yamaganye abahoze mu buyobozi bwa Rayon Sports bashaka gushinga ikipe ya Basketball bidaciye mu mucyo

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

FIFA yategetse Rayon Sports kwishyura Javier Martinez wahoze ayitoza...

Umutoza Javier Martinez Espinoza ukomoka muri Mexico biravugwa ko yareze...
30 May 2020 Yasuwe: 2528 0

RGB yemeje ko Munyakazi Sadate ariwe wemerewe guhagararira Rayon Sports mu...

Urwego rw’Imiyoborere mu Rwanda [RGB] rwatangaje ko umuyobozi wa Rayon...
30 May 2020 Yasuwe: 1552 2

Real Madrid yongeye gutorwa nk’ikipe ihenze kurusha izindi ku isi mu mupira...

Nkuko byatangajwe na raporo ya European Elite 2020,ikipe ya Real Madrid...
29 May 2020 Yasuwe: 1743 0

Rutanga yavuze impamvu nyamukuru yatumye ava muri Rayon Sports anayisengera...

Uwari kapiteni wa Rayon Sports,Rutanga Eric yahishuye ko impamvu yatumye...
29 May 2020 Yasuwe: 3156 2

RIB yatangiye iperereza ku bahoze bayobora Rayon Sports bashinjwa ruswa no...

Urwego rw’igihugu rw’Ubugenzacyaha,RIB,rwatangaje ko rwatumije bamwe mu...
29 May 2020 Yasuwe: 2415 1

Igihe ntakuka shampiyona y’Ubwongereza izasubukurirwa n’amakipe azabanza...

Kuwa Gatatu tariki ya 17 Kamena 2020 nibwo Premier League yari imaze igihe...
28 May 2020 Yasuwe: 2003 0