Kigali
startimes

Samuel Eto’o wagacishijeho muri ruhago agiye gusubira ku ntebe y’ishuri

Imyidagaduro   Yanditswe na: Martin Munezero 20 November 2019 Yasuwe: 3566

Umunya-Cameroon Samuel Eto’o wakanyujijeho muri ruhago nk’umukinnyi w’igihangage mu makipe atandukanye, yatangaje ko muri Mutarama umwaka utaha azatangira amasomo muri Kaminuza ya Havard yo muri Leta zunze ubumwe za Amerika.



Uyu mugabo wamamaye mu makipe arimo FC Barcelona yemeje aya makuru, mu kiganiro cyihariye yagiranye n’ikinyamakuru Jeune Afrique.

Eto’o, yemeje ko agiye kwiga Business Management mu rwego rwo kwiyungura ubumenyi mu bijyanye n’ubushabitsi. Ni nyuma yo kugira ibihe byiza nk’umukinnyi wa ruhago yamaze guhagarika gukina.

Yagize ati” Nzakomereza amasomo yanjye mu bya Business Management. Muri Mutarama nzajya muri kaminuza ya Havard yanyemereye kumpa amahugurwa yihariye. Nzamara Boston igihe kigera ku mwaka umwe. Ntabwo bizaba byoroshye, gusa n’urugamba rwiza.”

Samuel Eto’o ufite agahigo ko gutorwa nk’umukinnyi mwiza ku mugabane wa Afurika incuro enye, yamaze gushingakompanyi y’ubucuruzi yise “Beto’o”, bityo ubumenyi agiye kuvona muri Havard bukaba buzamufasha kuyicunga kugira ngo itarindimuka.

Samuel Eto’o Fils yamenyekanye mu makipe akomeye nka Real Madrid, FC Barcelona, Inter de Milan na Chelsea. Ni amakipe yatwariyemo ibikombe bitandukanye, birimo n’ibya UEFA Champions league.

FC Barcelona yamenyekanyemo cyane, yayitsindiye ibitego 130, mbere yo kuyivamo akerekeza muri Inter.

Eto’o kandi ari kumwe n’ikipe y’igihugu ya Cameroon, yatwaye ibikombe bibiri bya Afurika muri bitandatu yakinnye, anegukana umudari wa zahabu mu mikino Olympique yo mu 2000.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Reba urutonde rw’amakipe 5 igihangage Lionel Messi ashobora kwerekezamo

Ibinyamakuru byandika Siporo ku mugabane w’Uburayi bimaze iminsi bivuga ko...
5 July 2020 Yasuwe: 865 0

Umutoza Arteta yagiriye inama ikomeye abayobozi b’ikipe ya Arsenal

Umutoza w’ikipe ya Arsenal,Mikel Arteta umaze gutsinda imikino 3...
5 July 2020 Yasuwe: 1252 0

Karim Benzema agiye kuryozwa isebanya yakoreye Mathieu Velbuena akoresheje...

Umukinnyi w’ Umufaransa ufite inkomoko muri Afurika unakinira Real Madrid,...
5 July 2020 Yasuwe: 1270 0

Impunzi 2 zo mu nkambi ya Mahama zarashwe zigerageza kwinjiza...

Polisi y’u Rwanda yatangaje ko inzego z’umutekano zarashe ku itsinda...
4 July 2020 Yasuwe: 1297 0

Rayon Sports yamaze kwishyura umutoza Javier Martinez Espinosa

Ikipe ya Rayon Sports yamenyesheje FIFA ko yamaze kwishyura amafaranga...
4 July 2020 Yasuwe: 1786 0

Muhawenima na Runigababisha bari bakomeye mu buyobozi bw’abafana ba Rayon...

Umuyobozi w’abafana ba Rayon Sports,Claude Muhawenimana na Mike...
4 July 2020 Yasuwe: 2168 1