Kigali
startimes

Samuel Eto’o yifatiye ku gahanga abanyafurika banga gutora bagenzi babo mu bihembo bihabwa abakinnyi bitwaye neza ku isi

Imyidagaduro   Yanditswe na: Dusingizimana Remy 7 November 2019 Yasuwe: 2445

Samuel Eto’o wabaye rutahizamu ukomeye ku isi ndetse agatwara ibikombe bikomeye ku isi yavuze ko kuba abanyafurika batora banga gutora bagenzi babo bari guhatana aribyo bituma abanyaburayi n’abo muri Amerika y’Amajyepfo bikubira ibi bihembo.



Samuel Eto’o yavuze ko yaba Sadio Mane na Mohamed Salah bitwaye neza umwaka ushize ndetse ngo nta muntu watungurwa no kumva batwaye Ballon d’Or gusa ngo abatoza,abanyamakuru n’aba kapiteni bo muri Afurika babima amajwi bakayihera Messi na Ronaldo.

Eto’o yabwiye AFP ko abakinnyi bo muri Afurika badahabwa agaciro na bagenzi babo bakomoka ku mugabane umwe ngo kuko ibihugu 54 byo muri Afurika bitoreye rimwe umunyafurika nta kabuza yatsinda.

Yagize ati “Itangazamakuru ryo mu Burengerazuba bw’isi rigira ingaruka kury’Afurika.Abantu bakunda kubona igitego cya Messi.Abakinnyi b’Abanyafurika ntibahabwa agaciro bakwiriye.Ni amahirwe kubona Salah na Mane muri batatu ba mbere.Kuki batatwara igihembo ?.Bitwaye neza nta muntu n’umwe byatungura bagihawe.

N’ukubera iki hari urwango hagati yacu?,Kuki twimitse ishyari?.Nitudafashanya ntawe uzaza ngo abidukorere.Biteye isoni.Ibihugu byose bya Afurika bigeye bitora abanyafurika twakabaye dufite ibihembo by’abakinnyi bitwaye neza ku isi byinshi.

Afurika dukwiriye kwerekana ko dukomeye.Dufite amahirwe menshi ko dufite abakinnyi babiri batsinze ibitego birenga 10 muri Champions League ishize [Salah na Mane].Dufite abakinnyi bayoboye abandi mu gutsinda ibitego byinshi muri Premier League ishize (Mane, Salah, Aubameyang),ariko ikibabaje aba bahungu babuze ubufasha.

Ndifuza kubafasha,nkabashyigikira,nkabarinda nkanabavugira kuko umunsi umwe nanjye bazamfasha kubona urumuri.Ibyo nibyo abanyafurika tubura ni nayo mpamvu duhora inyuma.”

Samuel Eto’o yavuze ko afata Messi nk’imana y’umupira w’amaguru ndetse yakwishimira kubona atwaye Ballon d’Or ya 6.

Eto’o yashimangiye ko aticuza kuba yaratwaye Ballon d’Or kuko ngo ibikombe yatwaye biyiruta.

Eto’o yatumye benshi bacika ururondogoro aho bamwe bavuze ko bibabaje kuba umukinnyi nka Messi atora Sadio Mane nk’umukinnyi wa mbere ku isi ariko abanyafurika mbarwa akaba aribo bamutora.

Uyu mwaka abanyafurika 5 bari ku rutonde rw’abakinnyi 30 bahataniye Ballon d’Or aho abanyamakuru 180 barimo abanyafurika bagomba gutanga impapuro z’itora kuri uyu wa Gatanu.Umukinnyi watsinze azamenyekana kuwa 02 Ukuboza 2019.



Eto’o yibukije abanyafurika ko bakwiriye gushyigikira bagenzi babo

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble KIKI

    Uyu mugabo avuze ukuri rwose kuko nitudashigikirana ntaho tuzagera.Ndabona Etoo afite urukundo rwihariye akunda Afrika URUMVA KO ATEYE mu rya Perezida wacu ahora ababwira ko nabo bakwiye kwihesha agaciro kandi bakiyubakamo ubushobozi.Abatora murabe mwumva .

    November 2019

Inzindi nkuru

Reba urutonde rw’amakipe 5 igihangage Lionel Messi ashobora kwerekezamo

Ibinyamakuru byandika Siporo ku mugabane w’Uburayi bimaze iminsi bivuga ko...
5 July 2020 Yasuwe: 1091 0

Umutoza Arteta yagiriye inama ikomeye abayobozi b’ikipe ya Arsenal

Umutoza w’ikipe ya Arsenal,Mikel Arteta umaze gutsinda imikino 3...
5 July 2020 Yasuwe: 1301 0

Karim Benzema agiye kuryozwa isebanya yakoreye Mathieu Velbuena akoresheje...

Umukinnyi w’ Umufaransa ufite inkomoko muri Afurika unakinira Real Madrid,...
5 July 2020 Yasuwe: 1284 0

Impunzi 2 zo mu nkambi ya Mahama zarashwe zigerageza kwinjiza...

Polisi y’u Rwanda yatangaje ko inzego z’umutekano zarashe ku itsinda...
4 July 2020 Yasuwe: 1313 0

Rayon Sports yamaze kwishyura umutoza Javier Martinez Espinosa

Ikipe ya Rayon Sports yamenyesheje FIFA ko yamaze kwishyura amafaranga...
4 July 2020 Yasuwe: 1789 0

Muhawenima na Runigababisha bari bakomeye mu buyobozi bw’abafana ba Rayon...

Umuyobozi w’abafana ba Rayon Sports,Claude Muhawenimana na Mike...
4 July 2020 Yasuwe: 2171 1