Kigali
startimes

Senegal na Algeria nizo zizahurira ku mukino wa nyuma wa AFCON 2019

Imyidagaduro   Yanditswe na: Dusingizimana Remy 15 July 2019 Yasuwe: 1236

Ikipe ya Senegal yamaze na Algeria nizo zabonye itike yo kuzahurira ku mukino wa nyuma w’igikombe cya Afurika cy’uyu mwaka nyuma y’aho zatsinze Tunisia na Nigeria ziyushye akuya.



Ikipe ya Senegal yageze ku mukino wa nyuma itsinze ikipe ya Tunisia igitego 1-0 cyabonetse mu minota 120 cyane ko mu minota 90 y’umukino aya makipe yombi yari yanganyije 0-0.

Iki gitego gisekeje cya Senegal cyabonetse ku munota wa 101 w’umukino nyuma y’aho umunyezamu Mouez Hassen yananiwe gukuraho umupira wari uturutse kuri coup Franc yari itewe neza na Henri Saivet,ukubita ku mutwe wa myugariro Dylan Bronn yitsinda igitego.

Uyu mukino waranzwe n’udushya dutandukanye turimo ko aya makipe yombi yahushije penaliti mu gice cya kabiri ndetse waranzwe n’intambara za hato na hato.

Ku munota wa 73 nibwo myugariro Kalidou Koulibaly yakoze umupira mu rubuga rw’amahina,Tunisia ihabwa penaliti,yahushijwe na rutahizamu Ferjani Sassi wayiteye umunyezamu Alfred Gomis ayifata neza.

Senegal nayo yaje guhabwa penaliti ku munota wa 81 ubwo myugariro Dylan Bronn wa Tunisia yategaga rutahizamu Mbaye Diagne hanyuma rutahizamu Henri Saivet ayiteye umunyezamu Mouez Hassen ayikuramo.

Nyuma y’igitego cya Senegal,Tunisia yaje kubona penaliti ya kabiri ubwo iminota 30 yari hafi kurangira gusa umusifuzi yayanze nyuma yo kwitabaza VAR.

Senegal yageze ku mukino wa nyuma wa AFCON ku nshuro yayo ya kabiri nyuma y’aho yatsindiwe ku mukino wa nyuma na Cameroon muri 2002.

Mu wundi mukino wa ½ wabaye,ikipe ya Algeria yatsinze Nigeriaku munota wa nyuma ibitego 2-1 nayo ikatisha itike yo kwerekeza ku mukino wa nyuma w’igikombe cya Afurika ku nshuro yayo ya kabiri.

Algeria niyo yafunguye amazamu ku munota wa 39 ku gitego cyitsinzwe na myugariro William Troost-Ekong nyuma y’umupira wahinduwe mu rubuga rw’amahina na Riyad Mahrez.

Nigeria yaje mu gice cya kabiri yahindutse bituma yishyura iki gitego ku munota wa 74 kuri penaliti yatewe neza na Odion Ighalo nyuma y’aho myugariro Aissa Mandi yakoze umupira mu rubuga rw’amahina,bigatuma umusifuzi yitabaza VAR mu gutanga iyi penaliti.

Ubwo amakipe yombi yiteguraga kujya mu minota 30 y’inyongera cyane ko yanganyaga 1-1,Algeria yabonye coup franc ku munota wa 05 mu minota yari yongeweho,Riyad Mahrez yateye coup Franc nziza cyane arayinjiza bifasha Algeria kugera ku mukino wa nyuma uzakinwa kuwa Gatanu taliki 19 Nyakanga 2019.Umwanya wa 3 uzahuza Tunisia na Nigeria kuwa 17 Nyakanga 2019.

Aya makipe yombi agiye guhurira ku mukino wa nyuma nyuma,yari kumwe mu itsinda rya C aho mu mukino wabahuje warangiye Algeria itsinze Senegal igitego 1-0.







Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Uwari umutoza wungirije mu ikipe ya APR FC yatandukanye na yo

Nyuma yo kunanirwa kumvikana na APR FC ku bijyanye no kuba yakongererwa...
8 July 2020 Yasuwe: 1065 0

Munyakazi Sadate yijeje abafana ko agiye kubohoza imodoka y’ikipe yafatiriwe...

Umuyobozi wa Rayon Sports Munyakazi Sadate yavuze ko we na komite ayoboye...
8 July 2020 Yasuwe: 1971 0

Diego Simeone yatangaje impamvu Real Madrid bari kuyiha penaliti nyinshi...

Umutoza wa Atletico Madrid witwa Diego Simeone yavuze ko ikipe ya Real...
8 July 2020 Yasuwe: 1996 0

Rayon Sports yasinyishije bidasubirwaho umunyezamu Kwizera Olivier

Ikipe ya Rayon Sports yemeje noneho ko yasinyishije umunyezamu Kwizera...
7 July 2020 Yasuwe: 2294 0

Jose Mourinho yishimiye ko abakinnyi be bari bagiye kurwanira mu...

Umutoza wa Tottenham,Jose Mourinho yishimiye ko abakinnye be Heung Min Son...
7 July 2020 Yasuwe: 3813 0

Cassa Mbungo yatangaje ikintu cyamubabaje muri Rayon Sports ayisaba no...

Uwari umutoza wa Rayon Sports,Cassa Mbungo Andre yatangaje ko yababajwe no...
7 July 2020 Yasuwe: 3584 0