skol
Kigali
startimes

Sergio Aguero amerewe nabi kubera ibyo yakoreye umusifuzi wo ku ruhande w’umugore

Imyidagaduro   Yanditswe na: Dusingizimana Remy 18 October 2020 Yasuwe: 4489

Rutahizamu wa Manchester City,Sergio Kun Aguero waraye agaragaye mu mukino ikipe ye yatsinzemo Arsenal igitego 1-0,amerewe nabi n’abafana ndetse n’abasesenguzi b’imikino kubera gukurura urutugu rw’umusifuzi w’umugore witwa Sian Massey-Ellis.


Aguero wari wagarutse mu kibuga nyuma y’amezi 4 yari amaze hanze kubera imvune ikomeye yagize,yakinnye iminota 65 muri uyu mukino wo kuri uyu wa Gatandatu ariko ntiyorohewe kubera gukurura urutugu rw’uyu mugore Massey-Ellis wasifuraga ku ruhande.

Aguero utishimiye ko uyu musifuzi ahaye Arsenal kunaga umupira wari urenze,yashyize ukuboko ku rutugu asa n’umukurura undi ajugunya ukuboko kwe ababaye.

Iyi myitwarire ya Aguero utanitwaye neza kubera ko yari amaze igihe adakina yababaje benshi mu bakunzi ba ruhago n’abasesenguzi bo ku binyamakuru bikomeye mu Bwongereza basabye FA kumufatira ibihano.

Umunyamakuru Piers Morgan yagize ati “Aguero yakoraga ibiki hano?kuki atahawe ikarita y’umutuku?.”

Alan Shearer yagize ati “Ntiyagombaga gushyira ukuboko kwe ku rutugu rw’umusifuzi.Ntabwo bigaragara neza.Ntabwo yagombaga kubikora.”

Ian Wright we yagize ati “Biriya n’ibiki?.Ntabwo bikwiriye,ntabwo bikwiriye.Biriya biteye isoni kuri njye.”

Pep Guardiola we yagerageje kurengera umukinnyi we asaba abantu kutabigira birebire ati “Sergio n’umwe mu bantu beza nahuye nabo mu buzima bwanjye.Ntabwo dukwiriye kurebera ikibazo mu isura itariyo.Musigeho.”

Itegeko rivuga ko umukinnyi ukoze ku musifuzi agomba guhanishwa ikarita y’umuhondo cyangwa se itukura igihe yitwaye nabi cyane ariko FA yavuze ko uyu Aguero atazahanwa kubera ko nta raporo y’imyitwarire mibi yakorewe kuri uyu mukino.

Kuri Twitter abafana batandukanye bavuze ko Aguero yakabaye yahawe ikarita y’umuhondo kubera iki gikorwa cyo gufata uyu musifuzi ku rutugu nyuma yo kutishimira ibyo asifuye.



Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Mugheni Fabrice wakunzwe n’abafana ba Rayon Sports yerekanwe nk’umukinnyi...

Umukinnyi Kakule Mugheni Fabrice wahoze akina hagati mu kibuga muri Rayon...
27 October 2020 Yasuwe: 699 0

Jose Mourinho yarakariye abakinnyi be kubera ibyo yabasanzemo nyuma...

Umutoza wa Tottenham,Jose Mourinho yarakariye abakinnyi be nyuma y’umukino...
27 October 2020 Yasuwe: 1826 0

Mikel Arteta yatangaje impamvu Arsenal ikomeje gutsindwa umusubirizo

Umutoza Mikel Arteta w’ikipe ya Arsenal yatangaje ko impamvu ikipe ye iri...
27 October 2020 Yasuwe: 1726 0

FC Barcelona yashinje umusifuzi wayisifuriye ku mukino wa El Clasico kuba...

Ikipe ya FC Barcelona yamaze kwandikira ishyirahamwe ry’umupira w’amaguru...
26 October 2020 Yasuwe: 1366 0

Lionel Messi yageneye ubutumwa Cristiano Ronaldo urwaye Covid-19 mbere yo...

Kizigenza Lionel Messi ukinira ikipe ya FC Barcelona yavuze ko atifuza...
26 October 2020 Yasuwe: 3969 1

Pogba yise ibihuha amakuru yavugaga ko yasezeye mu ikipe y’igihugu...

Abicishije ku rubuga rwe rwa Twitter Pogba yamaganye inkuru zivuga ko...
26 October 2020 Yasuwe: 677 0