skol
Kigali
startimes

Sergio Aguero yateje impaka ndende kubera amarenga yaciye ko Messi agiye kuza muri Manchester City

Imyidagaduro   Yanditswe na: Dusingizimana Remy 27 August 2020 Yasuwe: 3382

Rutahizamu w’ikipe ya Manchester City,Sergio Aguero, yatumye benshi bacika ururondogoro kubera ko yagiye kuri Instagram ye akura nimero 10 yari yarashyize inyuma y’izina rye mu rwego rwo guca amarenga ko Messi agiye kuza.


Rutahizamu Lionel Messi aravugwa cyane mu ikipe ya Manchester City ya Pep Guardiola ariyo mpamvu abantu benshi bacitse ururondogoro ubwo Aguero yakuraga nimero 10 ku izina rye kuri Instagram.

Muri iki cyumweru nibwo Messi yandikiye FC Barcelona ayibwira ko ashaka kuyivamo akigendera hanyuma benshi bahise bemeza ko agiye kwerekeza muri Manchester City.

Ku munsi w’ejo tariki ya 26 Kanama 2020,Se wa Lionel Messi yagaragaye mu Bwongereza kuganira na Manchester City itozwa na Pap Guardiola.

Ikinyamakuru The Sun cyatangaje ko Jorge Messi w’imyaka 53, yageze mu Mujyi wa Manchester kumvikana n’iyi kipe y’abarabu aho bivugwa ko ashaka kuyerekezamo ku buntu kugira ngo imishahara ye yiyongere.

Abafana ba Manchester City batangiye kwizera ko uyu mugabo w’imyaka 33 ashobora kuza mu ikipe yabo kubera ko Aguero nawe yiyambuye nimero 10 ku mbuga nkoranyambaga ze.

Ubusanzwe,Sergio Aguero yitwaga “Kunaguero10” ariko yabihinduye yiyita “KunAguero” gusa,mu rwego rwo guha ikaze Messi.

Aguero yambara nimero 10 mu ikipe ya City ariko Messi aramutse ayerekejemo nta kabuza ko ariwe wahita ayifata hanyuma uyu rutahizamu agahabwa indi.

Aguero na Messi bafitanye umubano udasanzwe ariyo mpamvu nawe yifuza kumubona bafatanya nkuko bafatanya mu gihugu cya Argentina.

Messi asigaranye umwaka umwe ku masezerano y’imyaka ine, azarangira mu mpeshyi ya 2021 ariko arasaba ko Barcelona yamurekura ku buntu cyane ko agiye kugurishwa nta kipe yakwemera gutanga miliyoni 631 z’amapawundi zisabwa ikipe imwifuza.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Shampiyona y’umupira w’amaguru mu Rwanda iratangira uyu munsi,Rayon Sports...

Ku ya 13 Ukwakira 2020, Ishyirahamwe ry’Umupira w’Amaguru mu Rwanda (FERWAFA)...
4 December 2020 Yasuwe: 866 0

Neymar Jr arashinjwa gukorera igikorwa cya Kinyamaswa umukinnyi wa...

Rutahizamu Neymar Jr w’ikipe ya PSG mu Bufaransa waraye wongeye kwereka isi...
3 December 2020 Yasuwe: 3437 0

Bosnjak watozaga u Rwanda muri Basketball yeguye ku mirimo ye nyuma yo...

Vladimir Bosnjak wari umutoza mukuru w’ikipe y’igihugu y’u Rwanda mu mukino...
3 December 2020 Yasuwe: 562 0

Neymar Jr yateje impaka ubwo yemezaga ko umwaka utaha azakinana na...

Rutahizamu Neymar Jr waraye witwaye neza cyane mu mukino wa UEFA Champions...
3 December 2020 Yasuwe: 1643 0

APR FC yamaze kugera muri Kenya guhangana na Gor Mahia

Ku mugoroba wo kuri uyu wa gatatu saa kumi n’igice, ikipe y’ingabo z’igihugu...
3 December 2020 Yasuwe: 1160 0

Real Madrid yiyemeje kugurana Eden Hazard undi mukinnyi mwiza ku...

Ikipe ya Real Madrid iri mu bihe bibi cyane muri uyu mwaka w’imikino,yatangiye
2 December 2020 Yasuwe: 3534 0