addresiya
Kigali
startimes

Sergio Ramos yaciye agahigo katarakorwa nundi mukinnyi wese mu ikipe y’igihugu cya Espagne

Imyidagaduro   Yanditswe na: Martin Munezero 13 October 2019 Yasuwe: 3116

Myugariro Sergio Ramos usanzwe ari Kapiteni w’ikipe y’igihugu ya Espagne, yaciye agahigo ko kuba umukinnyi wa mbere uyikiniye imikino myinshi mu mateka yayo, mu mukino wo gushaka itike y’igikombe cy’Uburayi yanganyijemo na Norvege igitego 1-1.



Sergio Ramosa wakinaga umukino wa 168 mu kipe y’igihugu ya Espagne, yaciye kuri Iker Casillas wari warayikiniye imikino 167.

Espagne yafunguye amazamu ku munota wa 47 w’umukino ibifashijwemo na Saul Niguez, mbere y’uko Joshua King yishyurira Norvege kuri penaliti yo ku munota wa 94 w’umukino. Ni nyuma y’uko Kepa Arrizabalaga yari amaze gutura hasi Omar Elabdellaoui.

Espagne yashoboraga guhita ibona itike ya Euro izaba mu mwaka utaha mu gihe yari kuba itsinze uyu mukino, gusa iramutse inganyije na Sweden ku wa kabiri yahita ibona itike yo gukina iri rushanwa yatwaye muri 2012 nyuma yo kunyagira Ubutaliyani ku mukino wa nyuma.

Sergio Ramos yavuze ko atewe ishema no kuba umukinnyi wa mbere ukiniye Espagne imikino myinshi mu mateka, gusa avuga ko byari kuba byiza kurushaho mu gihe bari gukura insinzi muri Norvege.

Uyu myugariro wa Real Madrid yatangiye gukinira ikipe ya Espagne kuva muri 2005, akaba ari mu bakinnyi banayifashije gutwara igikombe cy’isi muri 2010 ndetse n’ibikombe bibiri by’Uburayi.

Sergio Ramos arabura imikino umunani akaba umukinnyi wa mbere ukomoka ku mugabane w’Uburayi wakinnye imikino myinshi akinira ikipe y’igihugu cye. Ni agahigo gasanzwe hafitwe na Gianluigi Buffon mu kipe y’igihugu y’Ubutaliyani.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Ronaldo mukuru yatangaje abakinnyi 5 akunda kureba batarimo Cristiano...

Umunya Brazil w’umunyabigwi cyane,Luis Nazario de Lima uzwi nka Ronaldo...
2 June 2020 Yasuwe: 1788 0

Rutanga Eric ashobora kuva muri Police FC igitaraganya kubera indi kipe...

Myugariro Rutanga Eric ukina inyuma ku ruhande rw’ibumoso mu ikipe y’igihugu...
1 June 2020 Yasuwe: 5830 2

Munyakazi Sadate yahaye isezerano rikomeye abafana ba Rayon Sports...

Umuyobozi wa Rayon Sports, Munyakazi Sadate, yasezeranyije abafana b’iyi...
1 June 2020 Yasuwe: 4497 0

Bernardo Silva yaciye ibintu kubera ikizungerezi yabanaga nacyo muri Guma...

Ubwo ibihugu byinshi byafataga ingamba zo guhagarika ibikorwa byose mu...
31 May 2020 Yasuwe: 5685 1

Umukunzi wa Cristiano Ronaldo yongeye guca ibintu kubera ifoto yashyize...

Umukunzi wa Cristiano Ronaldo witwa Georgina Rodriguez yongeye gutuma...
30 May 2020 Yasuwe: 7738 4

FIFA yategetse Rayon Sports kwishyura Javier Martinez wahoze ayitoza...

Umutoza Javier Martinez Espinoza ukomoka muri Mexico biravugwa ko yareze...
30 May 2020 Yasuwe: 4219 0