addresiya
Kigali
startimes

Sergio Ramos yatumiye inama n’abanyamakuru avuguruza bikomeye Perezida wa Real Madrid

Imyidagaduro   Yanditswe na: Dusingizimana Remy 30 May 2019 Yasuwe: 3577

Kapiteni wa Real Madrid,Sergio Ramos, yavuguruje perezida we Florentino Perez uherutse gutangaza ko ashaka kuva mu ikipe mu kiganiro n’abanyamakuru,aho yemeje ko azasoreza umupira muri Real Madrid ndetse yakwemera agakinira ubuntu ariko akayigumamo.



Hari hamaze iminsi havugwa inkuru nyinshi ko kapiteni wa Real Madrid,Sergio Ramos yamaze gusezera muri iyi kipe ndetse agiye kwerekeza mu gihugu cy’Ubushinwa gushaka amafaranga nyuma y’igihe yitwara neza muri iyi kipe.

Perezida wa Real Madrid,Florentino Perez nawe yaherukaga gutangariza ikinyamakuru Onda Cero ko Ramos yamaze kumusaba ko ashaka kwigendera akajya mu Bushinwa mu ikipe yamuhaga akayabo.

Kapiteni Ramos yatunguye benshi ku gicamunsi cyo kuri uyu wa Kane taliki ya 30 Gicurasi 2019,ubwo yatumizaga ikiganiro n’abanyamakuru akababwira ko azasoreza umupira muri Real Madrid ndetse ko nta n’ikibazo afitanye na perezida Perez.

Yagize ati “Ndashaka kubabwira ko ntaho nzajya kandi ubishidikanyaho ntacyo byamufasha.Hamaze iminsi ibihuha ariko ndagira ngo mbabwire ko ntaho nzajya.Ndashaka gusoreza umupira hano.

Ndashaka kuva hano nk’umutsinzi.Umubano wanjye na perezida ni nk’uw’umwana na se ariko hari igihe umwana na se batumvikana.Sinshobora kuva muri Real Madrid,nabivuze kenshi,dashaka gusoreza umupira hano.Nishimiye amasezerano yanjye n’umushahara mpembwa.Nanakorera n’ubusa.”

Ramos umaze imyaka 14 muri Real Madrid, yemeye ko hari ikipe yo mu Bushinwa irimo kumushaka ariko adashaka kuyerekezamo.

Amakuru menshi yavuze ko Ramos na Perez bateranye amagambo akomeye nyuma yo gusezererwa kwa Real Madrid na Ajax ibanyagiye ibitego 4-1 mu mukino wo kwishyura wa 1/16 cya UEFA Champions League bitewe n’uko uyu myugariro yihesheje ikarita y’umuhondo yatumye awusiba.



Ramos yahakanye amakuru aherutse gutangazwa na perezida Perez ko ashaka kuva muri Real Madrid

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Rutanga Eric yateye umugongo Rayon Sports yerekeza muri Police FC yamuhaye...

Ikipe ya Police FC yamaze gusinyisha uwari kapiteni w’ikipe ya Rayon Sports...
28 May 2020 Yasuwe: 1604 0

Fan Base ya Rayon Sports yatakarije icyizere Komite Nyobozi ya Munyakazi...

Ihuriro ry’amatsinda y’amatsinda y’abafana ba Rayon Sports “Fan base...
28 May 2020 Yasuwe: 1459 0

Abraham Kellly wari umunyamabanga wa Rayon Sports yeguye ku mirimo...

Uwari Umunyamabanga mukuru wa Rayon Sports, Abraham Kelly wari umaze amezi...
28 May 2020 Yasuwe: 1298 0

Umuvugizi wa Rayon Sports yamaze kwegura ku mirimo ye

Umuvugizi w’ikipe ya Rayon Sports,Nkurunziza Jean Paul,washyizweho na...
27 May 2020 Yasuwe: 3236 2

Bruno Fernandes yavuze amagambo asingiza bikabije Cristiano Ronaldo...

Umunya Portugal, Bruno Fernandes ukinira ikipe ya Manchester United...
27 May 2020 Yasuwe: 1090 0

RIB igiye gukora iperereza ku bibazo bya ruswa no kunyereza umutungo...

Urwego rw’igihugu rw’ubugezacyaha[RIB], rugiye gutangira iperereza ku birego...
27 May 2020 Yasuwe: 1784 0