skol
Kigali
startimes

Shampiyona y’u Rwanda y’umupira w’amaguru yahagaritswe kubera ibibazo bya Covid-19

Imyidagaduro   Yanditswe na: Dusingizimana Remy 12 December 2020 Yasuwe: 4003

Minisiteri ya Siporo yasohoye itangazo rihagarika shampiyona y’u Rwanda y’umupira w’amaguru yari igeze ku munsi wa 3 nyuma y’aho amakipe ananiwe kubahiriza amabwiriza yahawe yo kwirinda Covid-19 bigatuma ubwandu bw’iki cyorezo bugaragara mu makipearimo Rayon Sports imaze kugira abantu 14 banduye.


Minisiteri ifite imikino mu nshingano zayo hano mu Rwanda (Minisports) yahagaritse shampiyona y’umupira w’amaguru y’u Rwanda inategeka Ferwafa gupimisha abakinnyi bagasubira mu ngo zabo.

Mu itangazo bashyize hanze mu ijoro ryo kuri uyu wa Gatanu ushyira uwa Gatandatu, bavuze ko impamvu bayihagaritse aruko bananiwe kubahiriza mabwiriza agenga kwirinda ikwirakwira rya Covid-19, harimo ko abakinnyi bagomba kwipimisha mbere y’imikono ndetse ko bagomba kudasohoka cyangwa ngo basurwe..

Minisiteri ya Siporo yavuze ko ishingiye ku mabwiriza yari yatanze yo na FERWAFA mbere yo kwemerera amakipe gusubukura imikino y’umupira w’amaguru mu Rwanda,yakoze isuzuma ibona ko atigeze yubahirizwa.

Minisiteri yahagaritse shampiyona y’u Rwanda kandi ishingiye ku igenzura ryakozwe mu gihe hasozwaga amarushanwa y’amakipe yo mu cyiciro cya kabiri, rikagaragaza ko ingamba zo kwirinda no gukumira COVID-19 aho amakipe acumbitse zitubahuruzwaga n’amwe mu makipe, amwe aza guhagarikirwa ibikorwa byo kwitoza.

Ikindi yashingiyeho nuko hari ubugenzuzi bwakozwe aho amakipe acumbitse [akorera umwiherero] bikagaragara ko hari abakinnyi bisohokera hanze cyangwa bagasurwa kandi bitemewe mu rwego rwo kwirinda Covid-19.

Minisiteri ya siporo yavuze ko ibipimo bya COVID-19 bimaze gufatwa mu makipe yo mu cyiciro cya mbere muri shampiyona y’igihugu y’umupira w’amaguru kuva yatangira ku wa 04 Ukuboza 2020, bikomeje kugaragaza ubwandu mu bakinnyi.

Minisiteri ya Siporo yavuze ko imaze kubijyaho inama n’inzego zishinzwe kurwanya icyorezo cya COVID-19 ku rwego rw’igihugu, itangaje ko imikino yose n’imyitozo yose ya Shampiyona y’Igihugu y’Umupira w’amaguru y’umwaka wa 2020/2021, ihagaze guhera tariki ya 12 Ukuboza 2020.”

Yakomeje iti“Abakinnyi b’amakipe ntibemerewe gusohoka aho bacumbitse basubira mu ngo zabo batabanje gupimwa COVID-19 no kubona ibisubizo.

FERWAFA itegetswe kwishyura amafaranga yose ajyanye no gupimisha abakinnyi n’abatoza bose bari bitabiriye imikino ya shampiyona.”

Ikipe ya Rayon Sports imaze kugaragaramo abakinnyi 14 banduye COVID-19 bashyizwe mu kato I Nyamata mu Bugesera mu gihe Rutsiro FC bahuye ku munsi wa mbere wa Shampiyona ku wa Gatanu w’icyumweru gishize nayo bivugwa ko umutoza wayo yanduye.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Frank Lampard yavuze kuri Timo Werner wahushije igitego ari kumwe...

Umutoza wa Chelsea,Frank Lampard,yavuze ko nubwo umukinnyi we Timo Werner...
17 January 2021 Yasuwe: 3609 0

Abakinnyi b’Amavubi bahawe nimero bazambara muri #TOTALCHAN2020

Ikipe y’igihugu y’u Rwanda Amavubi ikomeje imyitozo I Douala muri Cameroun...
16 January 2021 Yasuwe: 5215 0

Bruno Fernandes yahishuye ikintu gikomeye Manchester United itazemerera...

Umukinnyi Bruno Fernandes wazamuye urwego rw’ikipe ya Manchester United kuva...
16 January 2021 Yasuwe: 4199 0

Arsenal na Mesut Ozil bumvikanye ku kintu gikomeye

Amakuru aturuka mu Bwongereza aravuga ko Arsenal yamaze kumvikana...
16 January 2021 Yasuwe: 5221 0

Mohamed Salah yahishuye umukinnyi wa Liverpool watumye arira kubera...

Rutahizamu Mohamed Salah ukinira Liverpool yatangaje ko kuva yagera muri...
16 January 2021 Yasuwe: 5029 0

Cristiano Ronaldo yaciye amarenga y’undi mwuga yashobora mu mashusho...

Rutahizamu Cristiano umaze imyaka isaga 15 ari hejuru mu mupira w’amaguru...
16 January 2021 Yasuwe: 4695 0