startimes
Kigali
startimes

Shampiyona y’Ubufaransa “Ligue 1” nayo igiye kugirwa imfabusa

Imyidagaduro   Yanditswe na: Dusingizimana Remy 28 April 2020 Yasuwe: 925

Minisitiri w’Intebe w’Ubufaransa, Edouard Philippe,yatangaje ko shampiyona y’Ubufaransa “Ligue 1”n’iyo mu kiciro cya kabiri Ligue 2 zigiye kugirwa imfabusa kubera ikibazo cya Coronavirus.


Sponsored Ad


Mu cyumweru gishize French Professional Football League (LFP) itegura Ligue 1 na 2 yavuze ko iyi shampiyona izasubukurwa kuwa 17 Kamena 2020 ariko uyu mu minisitiri yavuze ko itazongera gusubukurwa ahubwo izagirwa imfabusa.

Kuwa kabiri w’icyumweru gitaha nibwo hazasohoka itangazo ryemeza uyu mwanzuro wa Minisitiri w’Intebe wo gusubika burundu shampiyona 2019-2020 ya Ligue 1 na Ligue 2.

Uyu mu Minisitiri yavuze ko iyi shampiyona hafi yasubukurwa ari mu kwezi kwa munani ariyo mpamvu yafashe umwanzuro wo kuyisubika burundu.

Ikinyamakuru Le Parisien cyavuze ko Minisitiri Philippe yavuze ko muri Kanama aribwo ibikorwa by’umupira bizasubukurwa ndetse ngo bitanakunda ko abakinnyi bakina muri stade nta mufana urimo.

Amakipe yo mu Bufaransa yari yifuje ko yasubukura imyitozo kuwa 11 Gicurasi 2020,ariko Guverinoma y’Ubufaransa yavuze ko imikino itari ikintu cyihutirwa.

LFP yavuze ko hazaba inama muri Gicurasi 2020,kugira ngo batoranye amakipe azamuka n’andi amanuka.

Muri iyo nama,bazanzura niba PSG izahabwa igikombe cya shampiyona cyane ko Coronavirus yaciye ibintu iri ku mwanya wa mbere wa mbere aho irusha amanota 12 Marseille ya kabiri.

PSG, Marseille na Rennes niyo makipe afite amahirwe yo gukina imikino ya UEFA Champions League muri Ligue 1, mu gihe Lille izerekeza muri Europa League.

Amakipe arimo Nimes, Amiens na Toulouse afite ibyago byo kumanuka mu kiciro cya kabiri.

Perezida wa UEFA, Aleksander Ceferin n’umunyamabanga mukuru,Theodore Theodoridis,bavuze ko nibura tariki 02 Kanama 2020,amashampiyona y’imbere mu bihugu yaba yarangiye.

Shampiyona ya Ligue 2, Lorient na Lens yamaze kubona itike yo kuzamuka mu kiciro cya mbere .

Nyuma y’aho Ubufaransa bwiyemeje guhagarika Ligue1 ndetse na #Ligue2 zbwiyongereye ku Ubuholandi n’Ububiligi nabo batangaje ko bahagaritse shampiona zabo.

Haribazwa niba Ubwongereza nibindi bihugu nka Espagne, Ubudage n’Ubutaliyani nabo bazafata uyu mwanzuro.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

RB Leipzig yatunguye Atletico Madrid iyisezerera muri UEFA Champions...

Ikipe ya RB Leipzig yafatwaga nk’insina ngufi muri UEFA Champions...
13 August 2020 Yasuwe: 902 0

Lionel Messi yigaranzuye Cristiano Ronaldo mu bakinnyi binjije menshi...

Ikinyamakuru France Football cyo mu Bufaransa gisanzwe gitanga Ballon d’Or...
13 August 2020 Yasuwe: 1346 0

Mesut Ozil yatangaje impamvu yatumye akurwa mu ikipe ya Arsenal nyuma yo...

Umukinnyi Mesut Ozil ukomeje kuzonga ikipe ya Arsenal ishaka kumugurisha...
13 August 2020 Yasuwe: 2124 0

"Kudusezerera muri UEFA Champions League ntibishoboka"-Neymar...

Rutahizamu Neymar wa Paris Saint-Germain (PSG) avuga ko "bidashoboka...
13 August 2020 Yasuwe: 1421 0

Mugiraneza Jean Baptitse Migi yasezeye mu ikipe y’igihugu Amavubi

Umukinnyi Mugiraneza Jean Baptiste Migi yatangaje ko bitarenze mu kwa cumi...
13 August 2020 Yasuwe: 973 0

PSG yasezereye bigoranye Atalanta muri UEFA Champions League

Ikipe ya PSG ihabwa amahirwe yo kuba yakwegukana igikombe cya UEFA...
12 August 2020 Yasuwe: 1449 0