skol
Kigali
startimes

Steven Gerrard yahishuye uko yashenguwe umutima na Torres bakinannye muri Liverpool

Imyidagaduro   Yanditswe na: Dusingizimana Remy 16 February 2021 Yasuwe: 3949

Kapiteni w’ibihe byose wa Liverpool, Steven Gerrard, yavuze ko Fernando ubwo rutahizamu Fernando Torres yavaga muri Liverpool muri 2011 byamubabaje cyane kurusha uko byagenze atandukana na Suarez, Michael Owen na Robbie Fowler.


Uyu mugabo usigaye atoza ikipe ya Rangers muri Scotland yatangaje ko yashengutse umutima ubwo Torres yerekezaga muri Chelsea muri 2011 aguzwe miliyoni 50 z’amapawundi kuko ngo bari bamaze kumenyerana ndetse amufasha gutsinda ibitego.

Umunya Espagne ,Torres, watsinze ibitego 81 mu mikino 142 yakiniye Liverpool yerekeje muri Chelsea ku munsi wa nyuma w’isoko ryo kugura no kugurisha abakinnyi rya 2011 asiga Gerrard bakundanaga wenyine.

Ubwo yabazwaga uwo yakunze uko bakinannye muri Liverpool hagati ya Torres na Suarez,Gerrard yavuze ko atazibagirwa agahinda yatewe no kugenda kwa Torres.

Yagize ati “Ntabwo nakinannye na Torres igihe kinini kuko yagiye muri Chelsea bikanshengura umutima.Umbajije umukinnyi mwiza mu kibuga buri gihe,Suarez yari inyamaswa ariko imyaka myiza yanjye nayigiranye na Torres bitewe nuko niyumvaga.

Nararabaye cyane ubwo Torres yagendaga.Icyo gihe twarakoraga cyane kugira ngo tuzibe icyuho badusigaga ngo dutware Premier League.

Muri Liverpool icyo gihe twari tumeze neza ndetse turi kuzamuka neza ariko mu bihe by’ingenzi no mu gihe cyiza ku ikipe,batwara umukinnyi w’ingenzi biratugora gukomeza.

Umubano wanjye na Torres watumye nsinda ibitego byinshi icyo gihe.Nari mu bihe byanjye byiza nameze neza.

Torres ntiyahiriwe n’imibereho yo muri Chelsea kuko yayitsindiye ibitego 45 mu mikino 172 yakinnye gusa yatwaye FA Cup, Champions League na Europa League.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

FERWAFA yashyize hanze impamvu yatumye Mashami Vincent yongererwa...

Kuri uyu wa Gatatu tariki ya 03 Werurwe 2021,nibwo FERWAFA yashyize hanze...
3 March 2021 Yasuwe: 3347 0

Team Rwanda yatwaye imidali 5 muri shampiyona y’Afurika yo gusiganwa ku...

Ku munsi wa kabiri wa shampiyona ya Afurika yo gusiganwa ku...
3 March 2021 Yasuwe: 3301 0

Manchester United irashaka gutwara Inter Milan umukinnyi ukomeye nyuma yo...

Ikipe ya Inter Milan yananiwe kwishyura akayabo ka miliyoni 43 z’amapawundi...
3 March 2021 Yasuwe: 3873 0

Biravugwa:Byiringiro Lague agiye kwerekeza mu igeragezwa mu ikipe ikomeye...

Rutahizamu w’ikipe ya APR FC w’imyaka 20,Byiringiro Lague,biravugwa ko agiye...
3 March 2021 Yasuwe: 3113 0

FC Barcelona iri gushaka abakinnyi 5 bakomeye bo gutuma Messi yisubiraho...

Ikipe y’ikigugu muri La Liga mu ikipe ya Barcelona iri gushaka abakinnyi 5...
2 March 2021 Yasuwe: 5080 0

U Rwanda rwatwaye imidari 3 ya Feza ku munsi wa mbere wa shampiyona...

Ikipe y’Igihugu y’Amagare (Team Rwanda ) imaze kwegukana imidali 3 ya Feza mu...
2 March 2021 Yasuwe: 4354 1