skol
Kigali
startimes

Thiago Alcantara yanze gukora umuhango umenyerewe muri Liverpool kubera impamvu itangaje

Imyidagaduro   Yanditswe na: Dusingizimana Remy 23 September 2020 Yasuwe: 3041

Umukinnyi mushya wa Liverpool, Thiago Alcantara,yanze gukora umuhango wo kwifotoreza ku cyapa kizwi cyane kiri muri stade ya Anfield cyanditseho ngo “This is Anfield” kubera ko ngo ataratwara ibikombe muri iyi kipe.


Thiago wigaragaje cyane mu minota 45 yahawe ku cyumweru gishize,yanze gukora umuhango ukorwa n’abakinnyi bashya baje muri Liverpool wo kwifotoreza ku cyapa cyanditseho ngo ’This is Anfield’ kubera ko ngo ataratwara igikombe.

Uyu mukinnyi waguzwe miliyoni 25 z’amapawundi mu ikipe ya Bayern Munich agiye kwerekanwa ku mugaragar,yanze gukora kuri iki cyapa ngo bamufotore kuko ngo ataragera ku rwego rwo kugikoraho kubera ko nta bikombe aratwara.

Uyu mukinnyi yahagaze imbere y’iki cyapa baramufotora ariko yanga kugikoraho avuga ko yabyigiye kuri Fernando Torres wakiniye iyi kipe ya Liverpool.

Yagize ati “Nkuko nabyumvise kuri Torres,aha ni ahantu dukunze kunyura mu myaka 4 iri imbere.Gukora kuri kiriya cyapa bisaba ngo ube ubikwiriye,waratwaye ibikombe byinshi bishoboka.Niyo mpamvu uyu munsi ntabikoze.Nzakomeza kubaha uwo muhango.”

Nubwo uyu Thiago yavuze ko iki gitekerezo yagikuye kuri Torres,hari amafoto yagaragaje uyu rutahizamu muri 2007 afashe kuri iki cyapa ari kumwe na Rafael Benitez.

Thiago w’imyaka 29 afite ubuhanga budasanzwe mu kibuga hagati ariko igitangaje kuri we avuga neza icyongereza,ikinya Portugal,Ikidage n’icyesipagnole.

Thiago yatwaye Bundesliga zirindwi,LaLiga 2 na UEFA Champions Leagues 2.
Nubwo yakinnye iminota 45 muri Chelsea,yatanze imipira 75 yose arusha abakinnyi bose ba Chelsea bakinnye iminota 90.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Perezida mushya wa Rayon Sports ushaka kuyigira mpatsamakipe yahawe...

Perezida Mushya wa Rayon Sports,Uwayezu Jean Fidele, yatangaje ko afite...
25 October 2020 Yasuwe: 2255 0

Umukinnyi wakunzwe cyane muri Arsenal yatangiye kwitoreza muri pariki nyuma...

Benshi mu bakunzi b’umupira w’amaguru ku isi by’umwihariko aba Arsenal bakunze...
25 October 2020 Yasuwe: 3036 0

Perezida Mushya wa Rayon Sports ntiyiteguye kumena amafaranga ye mu ikipe...

Ku munsi w’ejo nibwo inteko rusange ya Rayon Sports yatoye Uwayezu Jean...
25 October 2020 Yasuwe: 1640 0

Umutoza wa FC Barcelona yandagaje cyane VAR nyuma yo gutsindwa na Real...

Umutoza wa FC Barcelona,Ronald Koeman yavuze ko VAR ifasha abasifuzi aho...
25 October 2020 Yasuwe: 1987 0

Ajax yanyagiye ikipe ibitego 13-0 muri shampiyona y’Ubuholandi

Ikipe ya Ajax Amsterdam yubatse izina I Burayi kubera ibikombe yatwaye mu...
25 October 2020 Yasuwe: 755 0

Patriots yatwaye igikombe cya shampiyona REG BBC mu mukino warebwe na...

Ikipe ya Patriots BBC yakomeje gushimangira ko mu mukino wa Basketball mu...
24 October 2020 Yasuwe: 817 0