skol
fortebet

Jose Mourinho yagizwe umutoza mushya wa Tottenham Hotspurs yirukanye Pochettino [Yavuguruwe]

Yanditswe: Wednesday 20, Nov 2019

Sponsored Ad

Umunyabigwi Jose Mourinho w’imyaka 56 umaze gutwara ibikombe 25 bikomeye ku isi yamaze kwemezwa nk’umutoza mushya wa Tottenham yaraye yirukanye Mauricio Pochettino wari uyimazemo imyaka irenga 5.

Sponsored Ad

Mourinho watoje amakipe akomeye arimo FC Porto, Inter Milan, Chelsea, Real Madrid na Manchester United yahawe amasezerano azamugeza mu mwaka w’imikino 2022/2023.

Nyuma yo guha akazi Jose Mourinho, nyiri ikipe ya Tottenham Daniel Levy yagize ati " Jose Mourinho n’umwe mu batoza bakoze amateka akomeye ku isi.Afite ubunararibonye buhambaye.Yahindura ikipe ndetse n’umutoza ugira amayeri y’umukino ahambaye.Yatwaye ibikombe muri buri kipe yatoje,twizeye ko azazana icyizere mu rwambariro rwacu."

Jose Mourinho ugiye gutoza indi kipe ya 3 ikomeye mu Bwongereza yagize ati "Nishimiye kuba ngiye gukorana n’iyi kipe ikomeye ndetse ifite abafana beza.Ubwiza bw’abakinnyi n’abatoya bayo bwankoze ku mutima.Gukorana n’aba bakinnyi nibyo byankuruye.

Pochettino w’imyaka 47 wari umaze gufasha Tottenham gushinga imizi mu makipe 4 ya mbere akomeye mu Bwongereza,yaraye asezerewe kubera umusaruro wari utangiye kuba mubi cyane.

Pochettino ukomoka muri Argentine yagejeje iyi kipe ku mukino wa nyuma wa Champions League mu mwaka ushize w’imikino, itsindwa na Liverpool ibitego 2-0.

Umunya-Portugali Mourinho, yari agiye kumara umwaka nta kazi afite, kuva yakwirukanwa na Manchester United mu Ukuboza umwaka ushize wa 2018.

Tottenham Hotspurs iciye amarenga ko igeze igihe cyo gutangira gushaka ibikombe kuko izanye Mourinho, umwe mu batoza ba mbere ku isi watuma igikombe akakiguha igihe wamuhaye ibyo akeneye.


Mourinho yasimbuye Pochettino muri Tottenham

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa