skol
Kigali
startimes

Tuyisenge Jacques yatomaguye inkumi yihebeye[AMAFOTO]

Imyidagaduro   Yanditswe na: Martin Munezero 19 December 2020 Yasuwe: 9260

Jacques Tuyisenge,Ritahizamu w’ikipe ya APR FC n’ikipe y’igihugu Amavubi,yateye imitoma inkumi yihebeye ubwo yamwifurizaga isabukuru nziza y’amavuko abicishije ku mbuga nkoranyambaga.


Tuyisenge Jacques yifurije umukunzi we iyi sabukuru nziza y’amavuko abicishije ku rukuta rwe rwa Instagram,ubwo yashyiragaho ifoto y’iyi nkumi yihebeye maze ayivugaho amagambo aryohereye ndetse anashimangiza urukundo amukunda.

Aya magambo yarari mu rurimi rw’amahanga yagiraga ati "With all the love I have in me, I am wishing you a very special birthday. You deserve all the best, my precious.❤️🎂🎁🍾".Tugenekereje mu rurimi rw’ikinyarwanda,yagize ati:

"Hamwe n’urukundo rwose mfite muri njye,Nkwifurije Isabukuru y’amavuko idasanzwe.Ukwiye ibyiza byose Uwagaciro wanjye".Mu gitondo cyo kuri uyu wa Gatanu tariki ya 18 Nzeri 2020 nibwo APR FC yerekanye ku mugaragaro Jacques Tuyisenge.

Iyi niyo Foto Jacques yashyize hanze

Tuyisenge Jacques yumvikanye n’iyi kipe y’ingabo z’igihugu ndetse ko yasinye amasezerano y’ imyaka 2.Amakuru avuga ko uyu rutahizamu azajya ahabwa umushahara w’ibihumbi 3500 by’amadolari Ku kwezi akaba asaga miliyoni 3 FRW.

Kuwa 24 Kanama uyu mwaka nibwo Tuyisenge Jacques, yatangaje ko yatandukanye na Petro Atlético nyuma y’umwaka umwe gusa yari ayimazemo.

Tuyisenge yerekeje muri Angola mu mpeshyi y’umwaka ushize avuye muri Gor Mahia yo muri Kenya, aguzwe hafi miliyoni 350 Frw.

Tuyisenge yatangaje ko yamaze gutandukana na Petro Atlético yo muri Angola nyuma yo gusesa amasezerano y’umwaka yari asigaye.

Ati “Ndabashimira ku mahirwe mwampaye yo kuba mu muryango wa Petro de Luanda, ni ubunararibonye bukomeye nagize bwo kubana namwe. Mwarakoze kuba mwarampaye amahirwe yo kuzamura urwego rwanjye hano. Mbifurije ibyiza mu rugendo rugikomeza.”

Muri Nyakanga 2019 nibwo byamenyekanye cyane ko Jacques Tuyisenge yavuye muri Kenya yerekeza muri Petro Atlético yo muri Angola.

Mu rukerera rwo kuwa Kane tariki 18 Nyakanga 2019 ni bwo uyu rutahizamu yatangajwe ku mugaragaro binyuze ku mbuga nkoranyambaga z’iyi kipe mu magambo arambuye yitwa Atlético Petróleos de Luanda iba mu murwa mukuru wa Angola.

Muri Gicurasi 2019 ni bwo Petro Atlético yatangiye ibiganiro na Gor Mahia aho Tuyisenge yari asigaranye amasezerano y’umwaka n’igice.

Ibiganiro byaje kugera ku musozo ikipe zombi zumvikana na Tuyisenge nawe yemera kwerekeza muri Angola.

Amakuru yavuze ko mu bihumbi 350 by’Amadolari umukinnyi yaguzwe Gor Mahia FC yatwayemo 40% angana n’ibihumbi 140 by’amadolari, naho Tuyisenge agatwara ibihumbi 210 by’amadolari, asaga miliyoni 190 z’amanyarwanda.

Tuyisenge bivugwa ko buri kwezi yahembwaga ibihumbi birindwi by’amadolari, arenga Miliyoni 7 360 000 Frw ariko nyuma y’umwaka umwe basheshe amasezerano.

Jacques Tuyisenge w’imyaka 29 yagiye yitwara neza mu makipe ya hano mu Rwanda ya Etincelles FC, Kiyovu Sports, Police FC ndetse no hanze y’u Rwanda muri Gor Mahia FC na Petro Atlético de Luanda yo muri Angola.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umukinnyi wa Liverpool amerewe nabi cyane n’abafana ashinjwa gutsindisha...

Ikipe ya Liverpool ikomeje kujya mu bihe bibi cyane mu mupira w’amaguru yaba...
25 January 2021 Yasuwe: 3765 0

Rwatubyaye Abdul yasinye amasezerano y’umwaka n’amezi atandatu mu yindi...

Myugariro w’ikipe y’igihugu y’u Rwanda y’umupira w’amaguru (Amavubi) Rwatubyaye...
25 January 2021 Yasuwe: 2941 0

Abafana ba Chelsea basabiye umusifuzi David Coote ikarita itukura nyuma yo...

Mu butumwa banyujije ku mbuga nkoranyambaga zabo,abafana ba Chelsea basabye...
25 January 2021 Yasuwe: 3149 0

Fenerbahce yatakambiye abafana ngo bayifashe kwishyura Mesut Ozil yemereye...

Ikipe ya Fenerbahce yo muri Turkia yatangiye kuganyira abafana bayo kugira...
25 January 2021 Yasuwe: 3427 0

Abakinnyi 4 n’umuyobozi w’ikipe y’umupira w’amaguru muri Brazil baguye mu...

Abakinnyi 4 b’ikipe yitwa Palmas yo mu cyiciro cya 4 na perezida wayo baguye...
24 January 2021 Yasuwe: 4992 0

Amavubi yageze Amahoro mu mujyi wa Limbe agomba guhanganiramo na...

Ikipe y’igihugu "Amavubi" yageze mu mujyi wa Limbe ivuye Douala aho izakina...
24 January 2021 Yasuwe: 4468 0