addresiya
Kigali
startimes

UCL: Chelsea na FC Barcelona zagorewe mu rugo mu gihe Liverpool ikomeje guha ubutumwa abakeba

Imyidagaduro   Yanditswe na: Dusingizimana Remy 6 November 2019 Yasuwe: 1489

Uyu mwaka ushobora kutazorohera ibigugu byifuza kwambura Liverpool igikombe cya UEFA Champions League kuko ikomeje gusya itanzitse mu gihe FC Barcelona na Chelsea zahuye n’akazi gakomeye mu rugo zitahana inota rimwe.



Mu ijoro ryo kuri uyu wa Kabiri hakinnye amakipe yo mu itsinda E kugeza mu ikipe H aho Liverpool ikomeje kuyobora itsinda E yakiriye ikipe ya Genk yo mu Bubiligi iyitsinda ibitego 2-1 byatsinzwe na Wijnardum na Alex Oxylade Chamberlain mu gihe igitego kimwe rukumbi cya Genk cyatsinzwe n’umunya Tanzania,Mbwana Samatta.

Liverpool iyoboye iri tsinda n’amanota 9 mu gihe Napoli yanganyirije mu rugo na Salzburg igitego 1-1 iri ku mwanya wa 2 n’amanota 8.

Mu itsinda F,ikipe ya FC Barcelona ikomeje kugenda ishonga gake gake,yongeye kubabaza abafana bayo kuko nyuma yo kunyagirwa na Levante muri shampiyona ibitego 3-1,yananiwe gutsinda Slavia Plague yari yabasuye banganya 0-0.

Borussia Dortmund yaturutse inyuma, yihorera kuri Inter Milan yaherukaga kuyitsinda mu mukino wa 3 baherukaga gukinira San Siro,biyifasha kugera ku mwanya wa kabiri n’amanota 7 inyuma ya FC Barcelona ifite 8.

Inter yabanje gutsinda ibitego 2-0 ibifashijwemo na Lautaro Martinez na Matias Vecino ariko Dortmund yaje kuyituruka inyuma iyitsinda ibitego 3 ibifashijwemo na Achraf Hakimi watsinze 2 na Julian Brandt.

Mu itsinda G ridakurikirwa cyane,Zenit yatsindiwe na Leipzig mu rugo ibitego 2-0 hanyuma Lyon yisubiraho itsinda Benfica ibitego 3-1.

Mu itsinda H ikipe ya Chelsea yarokowe n’amakarita 2 atukura yahawe ikipe ya AJAX yari iyimereye nabo ku kibuga cyayo ibasha kubona inota rimwe.

Ajax yaje ku kibuga cya Stanford Bridge yariye karungu,yafunguye amazamu ku gitego cyitsinzwe na Tammy Abraham hanyuma Chelsea FC ihita icyishyura ku munota wa 05 na Jorginho kuri Penaliti.

Ku munota wa 20,Quincy Promes yatsindiye Ajax igitego cya kabiri hanyuma ku munota wa 34 umunyezamu wa Chelsea,Kepa Arrizabalaga,yitsinda igitego bituma igice cya mbere kirangira Ajax iri imbere n’ibitego 3-1.

Ajax yagarutse mu gice cya kabiri igamije guhorahoza Chelsea,iyitsinda igitego cya kane ku munota wa 55 gitsinzwe na Donny van de Beek.

Chelsea yaje kwiyuburura ku munota wa 63 ibona igitego cya kabiri cyatsinzwe na kapiteni Cesar Azpilicueta.

Ajax yatangiye guhura n’uruva gusenya ubwo yahabwaga ikarita itukura ya mbere yahawe ku munota wa 68 yahawe myugariro Daley Blind hanyuma ku munota wa 69 undi myugariro wa Ajax witwa Joel Veltman nawe abona ikarita itukura.

Aya makarita abiri atukura yakuye Ajax mu mukino bituma yishyurwa ibitego 2 yari yizigamiye kare birimo penaliti ya kabiri yinjijwe na Jorginho na Reece James.

Chelsea yabonye igitego cya 5 cyatsinzwe na Cesar Azpilicueta ku munota wa 78 ariko VAR ivuga ko yagitsinze habanje kuba amakosa.

Valencia nayo yo mu itsinda H yaraye inyagiye Lille ibitego 4-1 bituma iri tsinda rigorana kuko yaba Chelsea ya mbere,Ajax ya kabiri na Valencia ya 3 zinganya amanota 7.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Minisiteri ya Siporo yakomoreye imwe mu mikino ikinwa abantu bategeranye...

Minisiteri ya Siporo yatangaje ko imwe mu mikino ikinwa abantu bategeranye...
5 June 2020 Yasuwe: 479 0

FERWAFA yatumiye abanyamuryango bayo bose mu nama yo kugabana...

Ishyirahamwe ry’umupira w’amaguru mu Rwanda (FERWAFA), ryandikiye...
4 June 2020 Yasuwe: 1361 0

Kiyovu Sports yasinyishije umukinnyi Ngendahimana uri mu beza bakina hagati...

Ikipe ya Kiyovu Sports yamaze kugura umwe mu bakinnyi beza cyane bakina mu...
3 June 2020 Yasuwe: 1607 0

Abakinnyi 5 ba FC Barcelona basanganwe Coronavirus bigirwa ibanga...

Radio ikomeye yo mu mujyi wa Catalonia yitwa RAC1 yemeje ko abakinnyi 5...
2 June 2020 Yasuwe: 2369 0

Rayon Sports yaburiye Kiyovu Sports na Police FC ko zishobora guhomba...

Ikipe ya Rayon Sports yandikiye Kiyovu Sports na Police FC izimenyesha ko...
2 June 2020 Yasuwe: 4760 0

Ronaldo mukuru yatangaje abakinnyi 5 akunda kureba batarimo Cristiano...

Umunya Brazil w’umunyabigwi cyane,Luis Nazario de Lima uzwi nka Ronaldo...
2 June 2020 Yasuwe: 3526 0