Amakuru aravuga ko Ishyirahamwe ry’umupira w’amaguru ku mugabane w’I Burayi UEFA ryamaze gufata umwanzuro wo kuzasubukura imikino ya UEFA Champions League aho imikino yo kwishyura ya 1/16 cya Champions League izaba hagati ya 07 na 09 Kanama 2020.

Sponsored Ad

Umunyamakuru wa Sky Sports witwa Bryan Swanson yavuze ko imikino ya Champions League isigaye byemejwe ko izakinwa hagati ya 12 Kanama kugeza kuwa 23 z’uku kwezi.

Umukino wa nyuma wa UEFA Champions League uzabera i Lisbon muri Portugal nkuko byagenze mu mwaka wa 2014.

Amakuru avuga ko imikino ya ¼ na ½ nayo ishobora kuzakinirwa I Lisbon.Imikino ya 1/8 isigaye izabera ku bibuga bitandukanye birimo I Barcelona naTurin nkuko Goal ibitangaza gusa hari andi makuru avuga ko izabera ku bibuga yari kuzaberaho.

Izindi mpinduka zabaye n’uko imikino ya ¼ na ½ hazajya hakinwa umukino 1 wo gukuranamo nta mukino wa 2 nkuko byari bisanzwe.

Imikino ya ½ izakinwa hagati ya 12 na 15 Kanama 2020, mu gihe ½ na ¼ izakinwa hagati ya 18-19 Kanama 2020.

Coronavirus yateye amakipe amwe yamaze kugera muri ¼ arimo :

RB Leipzig
Atalanta
Paris Saint-Germain
Atletico Madrid

UEFA Champions League izasubukurwa andi makipe ashaka itike ya ¼ arimo:

Juventus (0) vs (1) Lyon
Man City (2) vs (1) Real Madrid
Barcelona (1) vs (1) Napoli
Bayern Munich (3) vs (0) Chelsea

Iyi mikino izasubukurwa ikinwa nta bafana bari ku bibuga kubera icyorezo cya Coronavirus gikomeje koreka isi.

Kuwa 13 Werurwe 2020 nibwo byemejwe ko amarushanwa arimo Premier League,UEFA Champions League na Europa League yahagaritswe kubera COVID-19 yari imereye nabi abakinnyi,abatoza n’abafana.