skol
Kigali
startimes

Uko isoko ryo kugura no kugurisha abakinnyi ryagenze muri rusange ku mugabane w’I Burayi

Imyidagaduro   Yanditswe na: Dusingizimana Remy 6 October 2020 Yasuwe: 1710

Amakipe ya Premier League mu Bwongereza muri iyi mpeshyi yashoye imari iri munsi gato y’iyo yashoraga mu myaka ishize mu kugura abakinnyi, ariko aracyaruta cyane ay’izindi shampiyona zikomeye i Burayi.


Amakipe yo muri iyi shampiyona kuri iyi mpeshyi yakoresheje miliyari £1.218 mu gihe mu mwaka ushize yari yakoresheje miliyari £1.376 nk’uko bivugwa na kompanyi y’ishoramari Carteret Analytics.

Abakinnyi 12 ni bo baguzwe ejo ku wa mbere ku munsi wa nyuma wo gufunga isoko ryo kugura no kugurisha abakinnyi.

Arsenal yasinyishije umukinnyi wo hagati Thomas Partey kuri miliyoni £45.3 imuvanye muri Atletico Madrid, ni we waguzwe menshi uwo munsi.

Bitandukanye na mbere, umunsi wa nyuma watindijweho kubera icyorezo cya coronavirus no kuba shampiyona zaratangiye birinze.

Everton yaguze Ben Godfrey, myugariro wa Norwich kuri miliyoni £25 muri ’transfer’ ya kabiri ihenze yabaye ejo ku wa mbere.

Manchester United yazanye myugariro Alex Telles wari muri Porto kuri miliyoni £13.6, izana na rutahizamu Edinson Cavani wari muri Paris St-Germain warangije amasezerano waje ataguzwe, yaguze kandi abahungu bataragira imyaka 20 bakina ku ruhande Amad Diallo na Facundo Pellistri bombi kuri miliyoni £28.

Gusa ’Red Devils’ ntiyabashije kuzana umukinnyi Jadon Sancho bifuzaga cyane ukina mu ikipe ya Borussia Dortmund.

Leeds yaguze Raphinha, umukinnyi wo ku ruhande mu basatira wa Rennes, kuri miliyoni £17. Everton yo izana umunyezamu Robin Olsen wari muri AS Roma ku ntizanyo, inatiza Theo Walcott kwa Southampton.

Abakinnyi bo hagati ba Arsenal, Lucas Torreira (Atletico Madrid) na Matteo Guendouzi (Hertha Berlin), hamwe na myugariro wa Manchester United Chris Smalling (Roma), ni bamwe mu bakinnyi bavuye muri Premier League.

Muri Ecosse/Scotland, Celtic yasinyishije Diego Laxalt, myugariro wa AC Milan, naho Rangers izana Umunyafurika y’epfo Bongani Zungu - ku ntizanyo.

Amakipe yo muri Premier League yakoresheje menshi inshuro eshatu kurusha La Liga, Bundesliga na Ligue 1 ndetse inshuro ebyiri ayakoreshejwe n’amakipe yo muri Serie A, nk’uko Carteret ibivuga.

Premier Ligue ariko yatanze menshi (miliyoni £820) ugereranyije n’ayo ivana mu kugurisha abakinnyi mu zindi shampiyona. Ku rundi ruhande, La Liga (miliyoni £58.6) na Bundesliga (miliyoni £8.9) zabonye menshi kurusha ayo zashoye muri iyi mpeshyi.

Umunsi wa nyuma wo kugura no kugurisha abakinnyi warangiye ejo ku wa mbere nijoro.

Ni izihe ’transfers’ zikomeye zabaye muri iyi mpeshyi?

Amakipe atandatu yaciye umuhigo wayo mu kugura abakinnyi bahenze:

Ruben Dias [Benfica - Manchester City] miliyoni £65
Fabio Silva [Porto - Wolves] miliyoni£35.6
Ollie Watkins [Brentford - Aston Villa] miliyoni£28
Rodrigo [Valencia - Leeds] miliyoni£26
Rhian Brewster [Liverpool - Sheffield United] miliyoni£23.5
Grady Diangana [West Ham - West Brom] miliyoni£18

Ruben Dias waguzwe na Man City na Kai Havertz waguzwe miliyoni £71 na Chelsea avuye muri Bayern Leverkusen nibo bakinnyi babiri gusa baje muri Premier Ligue baguzwe hejuru ya miliyoni £50 muri iyi mpeshyi.

Iyi mpeshyi Chelsea niyo yashoye menshi, miliyoni £222 ku bakinnyi barimo Havertz, Timo Werner, Ben Chilwell, Hakim Ziyech na Edouard Mendy nk’uko bivugwa na Carteret.

Man City (miliyoni £141) na Barcelona (miliyoni £112) niyo makipe yandi abiri mu akomeye Iburayi yashoye hejuru ya miliyoni £100 mu kugura abakinnyi iyi mpeshyi.

Mu mwaka ushize w’imikino nibura amakipe 10 yashoye hejuru ya miliyoni £100.

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Anele Ngcongca wakiniye ikipe y’igihugu y’Afurika y’epfo yahitanwe...

Uwari myugariro wa Mamelodi Sundowns n’ikipe y’igihugu y’Afurika y’Epfo...
23 November 2020 Yasuwe: 746 0

Mugisha Moise yegukanye Grand Prix Chantal Biya 2020

Umunyarwanda Mugisha Moïse yegukanye isiganwa ryiswe Grand PrixChantal Biya...
22 November 2020 Yasuwe: 1829 0

Cristiano Ronaldo ari mu biganiro byimbitse n’ikipe yahozemo ngo...

Ibinyamakuru bitandukanye ku mugabane w’I Burayi bikomeje gutangaza ko...
22 November 2020 Yasuwe: 4062 0

Gorilla FC yatwaye igikombe cya shampiyona y’icyiciro cya kabiri...

Mu mukino wa nyuma wabaye kuri uyu wa Gatandatu tariki 21 Ugushyingo 2020...
22 November 2020 Yasuwe: 1184 0

Mugisha Moise yegukanye agace ka Kane ka GP Chantal Biya bimuhesha amahirwe...

Ku munsi wa 4 w’isiganwa rya Grand Prix Chantal Biya riri kubera muri...
21 November 2020 Yasuwe: 2277 0

Abafana ba FC Barcelona bateye Antoine Griezmann bamutegeka gukorera Messi...

Abafana ba FC Barcelona bari bariye karungu batatse imodoka ya Antoine...
21 November 2020 Yasuwe: 4982 0