skol
Kigali
startimes

Umugore wa Luis Suarez yagaragaje ko afitiye inzika FC Barcelona kubera ibyo yakoreye umugabo we

Imyidagaduro   Yanditswe na: Dusingizimana Remy 29 September 2020 Yasuwe: 4265

Umugore wa rutahizamu Luis Suarez witwa Sofia Balbi yishimiye ko umugabo we yatangiye kunyeganyeza inshundura ku mukino we wa mbere muri Atletico Madrid ariko agaragaza ko agifitiye umutima mubi FC Barcelona yamujugunye.


Suarez w’imyaka 33 yeretse FC Barcelona icyo yahombye ubwo mu mpera z’icyumweru gishize yatsindiraga Atletico Madrid ibitego 2 yinjiye mu kibuga asimbuye akanatanga n’umupira wavuyemo igitego mu mukino iyi kipe ye nshya yanyagiyemo Granada ibitego 6-1.

Uyu mugore wa Suarez ntiyatinze kugaragaza ko yishimiye mugabo we mu butumwa yashyize kuri Instagram aho yagaragaje ko umugabo we akwiriye kwishima.

Yagize ati “Ibi nibyo ukwiriye.Mbega ukuntu ari byiza kukubona wongeye kwishima!!!.”

Aya magambo umugore wa Suarez yayashyize munsi y’ifoto ye ari kwishimira kimwe mu bitego yari amaze gutsindira Atletico Madrid.

Umugore wa Messi witwa Antonella Roccuzzo,usanzwe ari inshuti magara ya Sofia,yasubije ubu butumwa ashyiraho utumenyetso two gukoma amashyi.

Mu cyumweru gishize nibwo Suarez yagaragaye ari kurira ubwo yasezeraga ku ikipe ya FC Barcelona yari amazemo imyaka 6 ndetse yayitsindiye ibitego 198.

Suarez yabwiye abanyamakuru ko atifuzaga kuva muri FC Barcelona ariko umutoza w’iyi kipe yamubwiye ko atamukeneye niko gushaka uko yakwerekeza muri Atletico Madrid nayo isanzwe ikomeye muri Espagne.

Messi usanzwe ari inshuti ikomeye y’uyu rutahizamu bakinanaga yavuze ko yababajwe n’ukuntu uyu mugenzi we yirukanwe gusa yemeza ko ibyo ubuyobozi bwa FC Barcelona busigaye bukora bitamutangaza.

Ati “Wari ukwiriye gusezererwa mu buryo bujyanye n’uwo uri we:Umwe mu bakinnyi b’ingenzi mu mateka y’ikipe.Umuntu wagejeje kuri byinshi ikipe ndetse nawe ku giti cyawe.Ntabwo wari ukwiriye kujugunywa hanze nkuko babikoze ariko kuri uru rwego nta kintu kikintangaza.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Liverpool yatakaje agahigo gakomeye yari ifite ikomeza kujya mu bihe...

Ikipe ya Liverpool imaze iminota 438 itinjiza igitego mu izamu ry’ikipe...
22 January 2021 Yasuwe: 3110 0

APR FC yahisemo guha Kiyovu Sports Ishimwe Kevin wayinaniye

Kuwa Mbere tariki ya 18 Mutarama 2021, Ikipe y’Ingabo z’Igihugu APR FC...
21 January 2021 Yasuwe: 3314 0

Cristiano Ronaldo yakoze akandi gahigo gakomeye cyane ku isi

Rutahizamu wa Juventus, Cristiano Ronaldo,yamaze kuba uwa mbere ku isi...
21 January 2021 Yasuwe: 4017 0

Theo Walcott yavuze umukinnyi bakinannye abona yararushaga ubuhanga Thierry...

Umwongereza Theo Walcott ukinira ikipe ya Southampton ariko wamamaye muri...
20 January 2021 Yasuwe: 4946 0

Umukinnyi wakiniye Aston Villa yakatiwe igifungo cy’imyaka 2 azira gushyira...

Uwahoze ari myugariro wa Aston Villa witwa Antonio Luna ukomoka mu gihugu...
20 January 2021 Yasuwe: 4799 0

Muhadjiri yatowe mu ikipe y’abakinnyi 11 bitwaye neza ku munsi wa mbere...

Umunyarwanda ukina asatira izamu Hakizimana Muhadjiri, yaje mu ikipe...
20 January 2021 Yasuwe: 4814 0