skol
fortebet

Umukinnyi wa Arsenal yavuye mu kibuga ajya mu bwiherero umukino urimbanyije

Yanditswe: Friday 19, Apr 2019

Sponsored Ad

Myugariro w’ikipe ya Arsenal witwa Nacho Monreal yaciye ibintu ku mbuga nkoranyambaga kubera ukuntu yaraye avuye mu kibuga mu mukino iyi kipe ye yahuraga na Napoli muri UEFA Europa League,ajya mu bwiherero asiga ikipe ye bari kuyisatira.

Sponsored Ad

Nacho Monreal usanzwe akina inyuma ku ruhande rw’ibumoso,yakoze agashya kadakunze kubaho mu mupira w’amaguru,ubwo yavaga mu kibuga umupira urimbanyije akubiwe,arangije ajya mu bwiherero asiga bagenzi be bari kwirwanaho.

Nubwo yagiye mu bwiherero umukino urimo,yagarutse asanga nta kibazo ikipe ye yahuye nayo kuko umukino warangiye Arsenal itsinze Napoli igitego 1-0 cyatsinzwe na Alexandre Lacazette ku munota wa 36 cyiyongereye kuri 2-0 bayitsinze mu mukino ubanza.

Monreal yagiye kwiherera mu gice cya kabiri cy’umukino,arangije aragaruka afasha ikipe ye kugera muri ½ cy’irangiza mu mikino ya UEFA Europa League bazahuramo na Valencia.

Abakunzi ba ruhago benshi bacitse ururondogoro ku mbuga nkoranyambaga bamwe bavuga ko yagarutse adakarabye intoki,abandi bavuga ko yatengushye bagenzi be,abandi baramuseka cyane.



Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa