Kuri uyu wa Mbere tariki 28 Ukuboza 2020,umugabo w’imyaka 77 wo mu mujyi wa Kigali yahitanywe na COVID-19 bituma umubare w’abamaze kwicwa n’iki cyorezo mu Rwanda ugera ku bantu 75.
Abanduye bashya bakaba ari 51, babonetse :
Kigali: 10, Huye: 15, Rusizi: 10, Rutsiro: 6, Rubavu: 5, Nyamasheke: 3, Nyamagabe: 1, Ngororero: 1
Amakuru ya Covid-19 kuri iuyu wa mbere:
Abamaze kwandura bose:8,021. Abakize uyu munsi: 50. Abamaze gukira bose:,6,339. Abakirwaye:1,608.
Ibimenyetso bya (...)

Sponsored Ad

Kuri uyu wa Mbere tariki 28 Ukuboza 2020,umugabo w’imyaka 77 wo mu mujyi wa Kigali yahitanywe na COVID-19 bituma umubare w’abamaze kwicwa n’iki cyorezo mu Rwanda ugera ku bantu 75.

Abanduye bashya bakaba ari 51, babonetse :

Kigali: 10,
Huye: 15,
Rusizi: 10,
Rutsiro: 6,
Rubavu: 5,
Nyamasheke: 3,
Nyamagabe: 1,
Ngororero: 1

Amakuru ya Covid-19 kuri iuyu wa mbere:

Abamaze kwandura bose:8,021.
Abakize uyu munsi: 50.
Abamaze gukira bose:,6,339.
Abakirwaye:1,608.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwirinda imihuro itari ngombwa no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Nyuma y’igihe kijya kugera ku byumweru bibiri Leta Zunze Ubumwe za Amerika zitangiye gutanga inkingo za Coronavirus, aho abarenga miliyoni ebyiri bamaze kuzihabwa, iki cyorezo gikomeje gufata indi ntera ndetse abahanga mu byo kurwanya ibyorezo bakomeje kuvuga ko hakiri ibyago byinshi by’uko kizakomeza guca ibintu mu mezi ari imbere.

Nko mu minsi 26 ya mbere y’uku kwezi, Abanyamerika ibihumbi 63 bahitanywe na Coronavirus, mu gihe mu kwezi gushize bari ibihumbi 32.

Dr. Antoine Fauci uyobora Ikigo cy’Abanyamerika gishinzwe kurwanya Indwara zandura, yavuze ko urugamba rwo kurwanya icyorezo cya Coronavirus rugeze mu mahina.

Yagize ati “Iyo uhanganye n’abantu 200 000 bandura buri munsi, kandi abagera kuri 2000 bagapfa buri munsi mu gihe abandi 120 000 bazanwa mu bitaro buri munsi, uba uri mu bibazo bikomeye. Mu byumweru bicye biri imbere, ibintu bishobora kuzarushaho kugenda nabi.”

Abantu miliyoni ni bo 19.1 bamaze kwandura Coronavirus muri Leta Zunze Ubumwe za Amerika, mu gihe abarenga ibihumbi 333 bamaze kwitaba Imana, bigakekwa ko bashobora kuziyongeraho abantu 193 000 mu mezi abiri ari imbere.