Kigali
startimes

Umunyafurika winjiye muri NBA ufite uburebure budasanzwe akomeje gutangaza benshi

Imyidagaduro   Yanditswe na: Martin Munezero 7 October 2019 Yasuwe: 6222

Uyu musore ukomoka muri Senegal yatangiye gukina Basketball mu myaka irindwi gusa ishize, ku burebure bwa metero 2,26 ashobora kuzaba ari we usumba abandi muri ’saison’ nshya ya NBA igiye gutangira.



Gheorghe Mureșan niwe mukinnyi muremure wakinnye muri NBA ubu ntagikina yareshyaga na 2,31m. Uburebure kandi bwari bufitwe na Manute Boll ukomoka muri Sudani y’Epfo nawe utagikina.

Tacko Fall uherutse kuza mu ikipe ya Boston Celtics ubu ari guhatanira kubona umwanya mu bakinnyi 15 bayo bajya ku rutonde rw’abakina shampiyona izatangira mu mpera z’uku kwezi.

Celtics yahisemo gutoranya uyu mukinnyi w’imyaka 23 kuko ari nawe wasumbaga abandi bose bashakaga kwinjira muri NBA uyu mwaka.

Uyu musore yavukiye i Dakar mu 1995, yagiye muri Amerika afite imyaka 16 icyo gihe yari amaze kugira uburebure bwa 2,13m, yaje gukina basketball muri University of Central Florida.

Tacko Fall yabwiye BBC ati: "Ni inzozi zabaye impamo. Natangiye basketball ntinze mfite imyaka 16.

"Ngeze muri Amerika niho nabonye amahitamo menshi. Abantu benshi bamfashije gukomeza gutera imbere cyane cyane muri kaminuza ya Central Florida."

Uyu musore yameza ko akura atari azi n’icyo Basketball ari cyo, ngo yahoraga yirebera za ’cartoons’, gusa ngo uburyo nyirakuru yakundaga imikino nibyo byatumye atangira nawe kuyikunda.

Mu mikino ibanziriza shampiyona (pre-season) ejo yahaye akazi gakomeye abakinnyi ba Charlotte Hornets:

Ageze muri Amerika nibwo yatangiye kubyitaho nubwo bitari bimworoheye.
Agira ati: "Sinari nzi uko bayikina. Nari mfite byinshi byo kwiga, nagize amahirwe abantu benshi banyitaho bamfasha gutera imbere".

Fall avuga ko yakoresheje imbaraga nyinshi kugira ngo abone amahirwe yo gukina muri NBA.

Ati: "None ubu ngira ngo ndi kurota. Basketball ni ubuzima bwanjye. Iyo ntakinnye umunsi umwe gusa numva nasara".

"Nagize umugisha, ndi umwana wo muri Senegal umaze gusa imyaka nk’itandatu ntangiye basketball. Mu by’ukuri Imana yampaye umugisha".

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

March Generation Fan club yacitsemo ibice biyiviramo kuva ku rutonde rwa...

Itsinda ry’abafana ba Rayon Sports rya March Generation risanzwe ritanga...
11 July 2020 Yasuwe: 753 0

Uwahoze ari umuganga wa Liverpool yavuze ukuntu Steven Gerrard yakomeretse...

Uwahoze ari umuganga wa Liverpool witwa Andrew Massey yavuze ko mu mikino...
11 July 2020 Yasuwe: 741 0

Real Madrid ikomeje gusatira igikombe cya shampiyona idaheruka

Real Madrid ubu birayisaba gutsinda imikino ibiri ngo yegukane igikombe cya...
11 July 2020 Yasuwe: 1467 0

Bola Lobota Emmanuel azakinira ikipe ya Rayon Sports umwaka...

Umukinnyi Bola Lobota waherukaga gusinyira ikipe ya Gasogi United,biravugwa...
10 July 2020 Yasuwe: 4164 1

Cristiano Ronaldo ashobora guhura na Real Madrid muri 1/4 cya UEFA...

Uyu munsi habaye tombola ya 1/4 cya UEFA Champions League yarangiye amakipe...
10 July 2020 Yasuwe: 1656 0

Munyakazi Sadate yasubije KNC wareze Rayon Sports muri FERWAFA kubera...

Umuyobozi w’ikipe ya Rayon Sports,Munyakazi Sadate,yibukije Gasogi United ko...
10 July 2020 Yasuwe: 2846 0